رد: صالة أسعار الدولار والذهب مقابل الليرة السورية ليوم الثلاثاء 5-11-2013
يسعد مساكم جميعا
صرلي يومين عم راقب المنتدى
والمشاركات مع عدم الرغبة بالمشاركة
لانه لاحظت انه في ناس بيلعمع نجمهم وقت نزول السعر
وفي نا بيلمع وقت الصعود وبصراحة وبدون اي تحيز لأي طرف
يلي اكتشفته من خلال مراقبتي للناس انه اغلب الناس دراويش
وما لهم قد هالفوتة تبع الدولار لانه مو ضوع المضاربة بده نفس طويل
واغلب الناس مقطوع نفسهم سلفا
نحن بازمة الها اول ومالها اخر الله يفرج فشو يلي صار لحتى يصير الدولار ب 110
وقت ارتفع الدولار وجن السعر كان في عذر وهو انه امريكا عم تهدد بضربة مزعومة
وهاد الشي منطقي انه يرفع السعر
لانه وقت صدام اجتاح الكويت صار الدينار الكويتي بيوم واحد ادنى من الريال السعودي
بس وقت بينزل السعر لمستوى قياسي وبتركض الناس لتلحق حالها مشان تخسر فوق خسارتها الاولى
ويلي بقصده هون انه اشترو بسعر 170 وسطيا وباعو ب 120 ورح يرجعوا يشتروا ب140
معناها عمليا عم يذوبوا راس المال بطريقة اقل ما يقال عنها انها غبية
وبالنهاية بدي انصح نصيحة لعموم الناس
يلي نفسه قصير لا يفوت بقصة الدولار
يعني بدك تضارب وتربح لازم تشتري وما تكون متضطر للبيع
ادخول بنقطة صح وبعدها لا تخاف راقب من بعيد وكانه الموضوع ما بيعنيك
وسد اذا نك عن اي شي بتسمعه من فلان او علان والله زعلت جدا مبارح وقت بعض الاعضاء
كان عم يقول انه رح يعلن افلاسه
قصتنا مطولة والدولار رح يضل عم يطلع وينزل لانه في ناس الها مصلحة من طلعته ونزلته
بقى يلي عم تشتغل بالمضاربة نصيحة خليك كووووووووووووووووووووول