المشاركة الأصلية كتبت بواسطة hasobman

اخي المسار
المفروض تعريف الحوت يحطو اخونا عبد القادر
ولكن انا رح احط تعاريف من عندي
(ذكرتني بايام الجامعة بسؤال عرف مايلي كنت حط تعاريف من نسج خيالي ولكن لا اعلم اخود عليه علامة ولا لا)
الحوت هو الشخص الي بيحوت كل شي
يعني شو ما صرلو بيشتري وبحياتو ما بيقول ما معي (حوت يا اخي)
ولم ارى حيتان في سوريا بحياتي
بس بتذكر مرة تاجر حلبي كانت زكاة اموالو 23 مليون سنة 1997 على ذمة شيخ عالمنبر عم يسولف
اي هي الزلمة ممكن تطلق عليه حوت
ولكن بالوضع الحالي هل بقي حوت في بحر سوريا ولا هاجرو الى المحيطات والبحار السبعة
لذلك اعتقد انو حوت غير المركزي الان لا يوجد
اما بالنسبة لهامور الهامور سمكة طيبة بس مو المجمد ما الو نكهة عفوا منرجع للهامور
الهامور بالكتير يملك مليون او عشرة مليون او عشرين مليون دولار معناتا قلب حوت عالهرقم
ما علينا الهامور بتحليلي الشخصي قادر على شراء المبلغ الي اقل من 200 الف دولار كاش
بس بالاخر بدو سوري غصب عنو شو رح يطبع يعني ليضل عم يشتري شو قلب حوت
اما السردين 100 الف دولار على اقصى حد
الصوص عرفتو سابقا
بس اهم شي رح اعرفلك نوع من انواع السمك اسمو السمك المواطن
هادا بيواطن ببيتو وكل الاسماك الي ذكرتها سابقا بتاكلو اكلو
وهو ما بيسترجي لا يحكي ولا يهرب ولا يعمل شي
يا الله حاج لهون شوي تانية رح يصير فيي متل فحص مناهج البحث العلمي
اكتب واكتب واكتب بالاخر جبت 18 يمكن ماني متذكر بس هيك شي
هذا ان دل انما يدل على ان كتر الكتابة بتدل على قلة الفهم
مو هيك