عضو أساسي
تاريخ التسجيل: Jan 2012
المشاركات: 799
شكراً: 8,234
تم شكره 5,571 مرة في 790 مشاركة
رد: سعر صرف الدولار والذهب مقابل الليرة السورية اليوم الخميس والجمعة6و7 -03- 2014
من فترة تناقلت وسائل الاعلام عن ياباني اتى وعمل سياحة بحلب
واسماها سياحة حرب
لانو مل من السياحة التقليدية وحب يجي يشوف اثار المعارك
طيب وزارة السياحة تشتغل على هالمبدا
سياحة حرب ويعملو شوية دعايات وشوفو شنون الجروبات رح تملي السوق
بكرة اوكرانيا بتسبقنا وبتعملها قبلنا هه
بعدين في سبب تاني لقلة السياحة بسوريا غير الحرب
وهي ارتفاع الدولار
بيجي السائح بدو فروجة مشوية للغدا بتقلو صار حقها 2000 ليرة او 14 دولار
فببطل ياكل وبوشو بيروح عالطيارة وبيحلف ما ياكل غير ببيتو
والله العظيم يا شباب (على ذمة صاحب فندق صغير بمنطقتنا)
عنا فندق صغير بمنطقتنا معروف انو ارخص فندق بالمنطقة
اجا ياباني بدو يحجز فيه قالو الليلة ب 1000 ليرة
فانجلط الياباني وطلعو عيونو لبرا وطالع كتاب معو بالشنطة وقالو لعامل الاستقبال
اقرا هون مكتوب بالكتاب بالفندق الفلاني الليلة ب 600 ليرة وقنينة المي ب 40
ففرط من الضحك عامل الاستقبال وحجزلو بالفندق ب 600
هلا اذا بيجي هالياباني نفسو غير الله ما بيقنعو انو ارتفعت الاسعار
الا اذا باليابان حدثو نسخة الكتاب وحطو سعر اليوم وعلى دولار اليوم بس شغلتهو طويلة كل يوم بدهو يحدثو
__________________
لن انتظرشيئا من احد سافعل مايرضي ضميري وامشي