عضوية التميز
تاريخ التسجيل: Dec 2013
الدولة: سورية
المشاركات: 1,167
شكراً: 7,997
تم شكره 10,103 مرة في 1,181 مشاركة
رد: سعر صرف الدولار والذهب مقابل الليرة السورية يومي الخميس & الجمعة 17&18 -04- 2014
اقتباس:
المشاركة الأصلية كتبت بواسطة غسان
واحد عم يحلق دقنو عند ابو عصام وعم يقول له حددلي الدقن احسن من هيك ،،،، ومن هون طالعه ميلي ومن هون نازله دوزييم وفجأه بتنزل هاون ببيتو وبغرفتو تحديدا ،،، مين ماات ؟؟ مو كتير مهم،،،
طيب هوه هيك عقلوا قاعد على كرسي الحلاق اكتر من ساعه ونصف صدقا ،، انت ليش متدايق ؟؟؟
سوسه براسوا بدو يزبط الدقن عالشعره كمان ،،، مو بس عالدوزييم ،، وتنظيف بشره وصبغ شعر ومساج وضراب السخن،، لك انت ليش مأفوش ،،،؟؟ شو دحشك ،،، لانك مابتقدر تعمل متلو مو ؟
طيب كل انسان مهتم بامور والتاني ممكن يشوفها بايخة ،،، بس الطبيعي ماحدا بيقدر يقول عنو غريب او مستهجن او مقزز ،،، والامور الغريبه لو ماكانت غريبه ماكان حدا جاب سيرتها وبتنحط بقسم المنوعات والغرائب ،،،،،
الحقيقة عقل الانسان اكبر لغز و مستحيل حله ،،،، قصه قديمه قال واحد داير ضهرو وفي وراه عالم وناس وكل شوي عم ياكل طياره على نقرتو ،،، طيب مين عم يتسلى فيه وعاملوا مطار وعم يسلخوا ،،، مو معروف الايدين كتار ،،، راح اشتكى لعمو الشرطي وهوة شاكك بواحد ،،،، اسموا حدو جابوا لهل الحدو،،،، قال لاء. ،،، صطوف يلي ضربوا مو انا بحض هالرقبة ،،،،،وفعلا الشرطي احتار بس قال للمسفوق : اخي ،،، اذا كمان اكلت طيارات بيكون حدو ،،،، هيك الله مورجيني ،،،،،. وبدي دكوا بالحبس ساعتها مافي خواص ،،، مر شي يومين والرقبة مرتاحه ، المهم ختيار قال لو صطوف عاملها كان استغل الفرصه وسلخوا طياره مشان يخلص من حدو ،،،، نعما شو فتح ،،،،
، باعتبار الحكي كوكتيل قريت من فتره عن طفل هندي طلعلوا دنب بمرض نادر،،، النهفه الهنود ماقصروا معو وعبدوه وعملوا،،، اله ،،، الون ،،،
ومنكفي على مصر منحكي على باسم يوسف والا ام بي سي يلي مرفوع عليهم قضيه اهانة الدوله المصريه بسبب السخريه من السيسي وتحريض الشباب على الفساد والفسوق بسبب مايقدمه في برنامجه على المحطه ؟؟؟؟. والازهر يطالب باحاله هيفا ومن معها في فيلمها الجديد للمحكمة بسبب انتهاك الاخلاقيات وافساد الشباب ؟؟ على اساس السينا المصرية طول عمرها منارة من منارات العلم والايمان طيب هيك اخبار ممكن تهم حدا ؟؟؟؟وشو الها طعمه تنذكر ،،،،؟؟؟ متل ديباجات الكلام ،،،، ومتل ديكورات لا لزوم لها الا لملئ الفراغ
، خبر متل موت الكاتب غابرييل غارسيا ماركيز عن سبع وثمانين عاما ولم يصل للمئة حسب روايته الشهيرة مئه عام من العزله،،،،، في القسم الثقافي ،،،،،،او تبول امريكي بخزانات شرب سوبر ضخمه ما اضطر السلطات الى التخلص من ملايين الغالونات بعد فعلته الشنيعه،،، في قسم المهووسين
الاخبار تزداد غرابه وسخافه فعلا مع احساسنا بهول وفظاعة مايجري دون وجود مايمكن فعله
طيب المواقع والجرايد والشاشات كيف بدهم يتعبوا ؟؟؟؟
بالاخير لازم جمله مفيده الي : لاتعيب عالناس وانت ناقص وحاول فهم دوافع كل بني انسان وانسانة منا،،،
|
تاريتو حديث الصمت طلع كويس (حلو)
ومتقن