عضوية مميزة
تاريخ التسجيل: Apr 2009
المشاركات: 4,860
شكراً: 67,497
تم شكره 35,134 مرة في 4,783 مشاركة
رد: سعر صرف الدولار والذهب مقابل الليرة السورية ليوم الأحد 27- 04-2014
أخونا أبو رفيف تحية لك
ما حدى حابب الأسعار الغير صحيحة لا ارتفاعا ولا هبوطا ، وإذا حابب جرب تحط أن سعر البيع صار 185 وشوف الهجوم من اللي متهمين بالترويج للصعود
شو بيستفيد أي متابع من معلومة غير صحيحة ؟
علما بأن المشاركات رفعا أو انخفاضا عن سعر الموقع ، قد يؤخر البيع أو الشراء لقترة قصيرة ، ويبقى الأصل سعر الموقع بأعلى الصفحة . وهاد للناس العاديين بالمنتدى ، أما تجار السوق والحيتان والهوامير ، فهدول لسا مو سمعانين بالموقع من أصلو .
لذلك اللي بيحط أسعار غير حقيقية ما بيساوي شي غير ضرر سمعته .
لسانا ما بنعرفك ، واسعار درعا غريبة علينا ، ونحنا محروق تمنا من الحليب ، فبننفخ باللبن من خوفنا .
ممكن تكون اسعارك صحيحة ، بس بتضل بعيدة عن سوق المدن اللي عم يتم فيها صفقات كبيرة ، خود مثلا مشارك من الغوطة الشرقية ، لو قال الدولار نزل 40 ليرة ، ما حدى بيعارض ، ولا حدى بالسوق بيتأثر ، بمعنى سوق محدود ما ممكن يتاخد مقياس .
لو غيرت مهنتك إلى صيدلي ، ما رح يصير سعرك دواء شافي ، خليك على حالك وحط السعر الحقيقي عندك وطالما انك ما عم تهول وتجيب أخبار من بنات أفكارك ، ما حدى لا بينزعج منك ولا بيزعجك .
أخيرا رحم الله امرأ غب المغيبة عن نفسه ، لما بدك تحط شي غريب ، وضح السبب قبل ما حدى ينتقدك ، لو قايل عنا بدرعا بيصير تثبيت بالليل ، كنت تحاشيت سوء ظن ، متل ما كان عم يصير برمضان الماضي بحماة ، والشغل يحلى لهم لحين السحور .