عضو متابع
تاريخ التسجيل: Dec 2009
الدولة: حلب
المشاركات: 378
شكراً: 108
تم شكره 154 مرة في 87 مشاركة
كيف تصبح IT Manager يعني مدير تقنية المعلومات
بص يا سيدى
اولا لازم يكون عندك حس قيادى بحيث تعرف تقود مجموعة من الموظفين كلهم شايفين انهم احسن منك وانك مبتعرفش حاجة وهمه اللى عارفيين
الكلام ده معناه انك اولا لو الشركة اللى هتشتغل فيها شغاله على الويندوز لازم يكون معاك الاتى :
كورس MCSE مهندس نظم معتمد من ميكروسوفت
وطبعا الشركة هتكون شغالة ببرنامج محاسبى اوصناعى او الاتنين
يبقى لازم تكون بتفهم كويس فى الداتابيز
يعنى تكمل الكورس وتاخد كمان داتا بيز ادمنيستراتور
لازم كمان تكون بتفهم فى البرمجة عشان لو عندك عيال بتعمل برامج تعرف اذا كانو شغالين ولا بيهيصو
وطبعا لازم تكون استاذ صيانة و اديك تتلف فى حرير عشان المستخدمين هيطلعوا عين ابوك فى الموضوع ده
والشركة بتاعتك طبعا هيكون لها website يعنى لازم يكون عندك حس فنى لانك المسئول عنو يا باشا
وطبعا كمان لازم تكون بتعرف تغنى على الادارة العليا بتاعتك لانهم فاكرينك تقدر تعمل اى حاجة بضغطة زرار
طبعا كمان نص كلامك لازم يكون بالانجليزى عشان عقدة الخواجة اللى عند الادارة العليا ويحسوا ان انت واد ماليكش حل
وطبعا كل ما وصلت للمنصب ده وانت سنك صغير كل مايكون احسن
مع العلم ان كتير ناس شربوا المر من كيعانهم عشان يوصلوا للمنصب ده
اما بالنسبة للمؤهلات فالترتبيب كالاتى
هندسة اتصلات
اى هندسة تانية
حاسبات و معلومات
علوم حاسب الى
تجارة بس تكون معبى كورسات لمّا معمى وتكون طاحن شهادات ميكروسوفت كلها وياحبذا لو شهادات سيسكو بالمرة ممكن توصل
وربنا معاك يابنى فى طريق الاشواك ده
__________________
.
{ قالوا إنما البيع مثلُ الربا وأحلّ الله البيع وحرّم الربا فمن جاءه موعظة من ربّه فانتهى فله ما سلف وأمره إلى الله ومن عاد فأولئك أصحاب....}275-سورة البقرة
اللهم ارحمني إذا جاء أجلي
من المواضيع: