رد: بماذا تفكر بهذه اللحظة (مشاركة أفكار )
اقتباس:
المشاركة الأصلية كتبت بواسطة BROKER
طيب تعال نحسبلو إذا بيقدر يطالع المبلغ خلال مدة مقبولة :
إذا قلنا ان الشاب يتخرج من الجامعة بعمر 23 تقريبا في حال لم يعيد أي سنة وكان شاطر (خزيت العين ) .
- سوف يواجهة بالمرحلة الأولى بعد التخرج سنة ونصف خدمة علم ( عسكرية) يعني بصير عمرو 24.5 خلينا نقول 25 لبين ما يستقر بين أهله وبين اجازات وقصص يومية بتضيع الوقت ....
يعني صار الشاب بعمر 25 سنة الله يحرسو ولسا ما بدأ الشغل وصار بعمر زواج بس أكيد لازم يأجل الفكرة أو حتى ما يفكر فيها حالياً ....
- صاحبنا الشاب شطور كتير وما بضوع وقت وبما انو كان شاطر بالدراسة كان الشغل عم يستناه بعد التخرج وأداء الخدمة ... وفعلا راح واتوظف بشركة وظيفة حلوة كتير وبدوام 8 ساعات ... وبراتب 25 الف ليرة سورية ..... ( محظوظ يعني )
- وصاحبنا ما عندو مصروف وما بدخن ورفقاتو بالوظيفة كل ما بدن يطلعو سهرة حضرتو ما بروح معن بتعرفوا ليش ....؟؟؟ ( لأنو ناوي يجمع المبلغ يلي ذكروا ابي نادر ) ....
بس يا ترى قديش لازم يضل بالشغل وحارم حالو من الفوتات والطلعات لحتى يوفر المبلغ ؟؟؟
تعالو نحسبها ...
25000 بالشهر .... ورح يصرف بس 2000 اجار طريق بالشهر (مكاري) ...
زاد معو (23000) × (12) = (276000) ليرة بالسنة ما شاء الله
وإذا قلنا أنه يريد مبلغ ( 3.500.000) ليرة لحتى يتزوج ويسكن ببيت من قريبو وعلى قدو بس يكون طابو أخضر وصالح لاستخدام الآدمي ..... ويعمل عرس عادي و بسيط يفرح فيه بنت العالم .... ويطنش عن شهر العسل ويطنش كم شغلة (يعمل حالو نسيانون) ....
بيطلع الناتج :
3500.000 ÷ 276000 = 12.5 سنة
وإذا كان عمره (25) + (12.5) = 37.5 سنة (ان شاء الله العمر كلو) ومبروك يا عريس 
هذا المحظوظ طبعاً ويلي قدر يصمد المبلغ .... لان الحالة العادية من تطور الحياة من انترنت ومواصلات وسفرات وأداوت ورحلات وربما احتياجات ومساعدات للأهل تحول حاجز امام توفير راتبه .......
ملاحظة : نحنا حسبناها بالأرقام والمحظوظ صار فيه هيك .... بس لازم يكون عندنا يقين أن الامور ميسرة بوعد من الله .... عندي صديق تزوج بعد التخرج مباشرة والى الآن لايصدق كيف تهونت الامور عليه من أغراض للبيت تكلفة الزواج ... طبعا البيت آجار والعمل موظف حكومي براتب ( 13000) كونه مهندس . |
رح تابعلك
قول 37 أتجوز ومن أول سنة أجا صبي أو بنت
أذا الصبي بدو يروح عسكري بيكون عمر الأب 57 بيخلص عسكرية بيكون عمر الأب 60 وهي لسى بيصرف على الأبن
أذا الأبن كان أحسن من أبو وتجوز وعمرو35 سنة بيكون عمر اب 72 سنة ولحتى يشوف أول حفيد بيكون عمرو 73 بيجوز يلحق وبيجوز ما يلحق يشوف حفيدو
عندي سؤال :
هلا أبوا للبنت ليش لما بدو يجوز بنتو ما بيتذكر لما هوي تجوز كيف عانا
شو بكره المظاهر الكذابة وانك تدين لحتى تغطي هاي المظاهر
