أبواليمان

لشو كل هالعذاب وطلب رخصة وتطبيش وتكسير ؟ أخي الموضوع كتير سهل شوف كيف بتنحل القصة:

بتطلع على أحد وسائل الإعلام سيريا ستيبس مثلاً وبتقول:

نطمئن صغار ملاك الأسهم المتعاملين في البورصة السورية بأن وضع البورصة السورية سيعود إلى مرحلة تحقيق الأرباح بدءا من الساعات المقبلة وعملية الإقبال على تسييل الأسهم والعروض الغير مدروسة هي أمر نفسي أكثر مما هو نتيجة لواقع اقتصادي وتلك مرحلة مؤقتة وقد تخطيناها عمليا ونفسيا من خلال استيعاب اللعبة التي حاول البعض القيام بها ضد الاقتصاد السوري مستخدمين الإشاعات والتهويل وإطلاق التصريحات الخارجية المشككة في وضع الاستثمار في سورية ومن خلال محاولات المـتآمرين الخارجيين التلاعب بالأسواق المالية بطرق مورست على دول أخرى ونجحوا فيها وأما في سورية فهذه الألاعيب وئدت في مهدها فيما يتعلق بسعر صرف الليرة السورية مقابل الدولار وسنأد مؤامرات المتلاعبين بالبورصة عبر عمليات مالية سنضخها في عمليات البورصة بما يحفظ أولا أرباح صغار المالكين وبما يعيد للبورصة السورية أرباحها الطبيعية .

رح تتحقق يصير التالي:

1- بتصير بطل قومي
2- بيطلع السوق شي 14 جلسة متتالية
3- بتبيع الأسهم الي عندك بالسعر الي بدك يا
4- بتهبط الأسهم على مدى شهرين أو أكتر لأخفض بكتير من أسعار اليوم
5- بتطلع بتصرح مرة تانية بعد ما الكل يترجاك تتدخل مرة تانية
6- بترجع بتطلع الأسهم

وهكذا دواليك

وما تهكل أي هم ما حدا رح يحاسبك على أي تصريح (لأنك مواطن عادي) بالعكس رح تلاقي المديح من كل حدب وصوب ورح يلتف حولك كبار التجار أمثالنا وممكن نعمل جيش سورية المالي ويتكرم الكل بأكاليل الغار.


بالله مو فكرة حلوة ومبتكرة؟