عرض مشاركة واحدة
قديم 26-06-2011, 07:17 PM
  #26
عابر مجيب
عضوية مميزة
 الصورة الرمزية عابر مجيب
 
تاريخ التسجيل: Apr 2009
المشاركات: 4,860
شكراً: 67,497
تم شكره 35,134 مرة في 4,783 مشاركة
افتراضي رد: المتابعة اللحظية لجلسة تداول الأثنين 27-6-2011

فشر انشا الله سم الموت اللي يهري قلبو ومصارينو هاد الهامور ، نحنا اللي عملناه هامور ولازم نقاطعو على كافة الصعد .


انسينا نصبح ولا نمسي يمكن هلق صار مساء .


من كم يوم عم تابع واقرأ وعندي رغبة شارك بس كل مرة بقول يلا ما في فكرة كتير مستاهلة بس هالاستسلام حقيقي قهرني ، أنا مو ضالع بالاقتصاد بس ما بتصور انو المنطق ممكن يتنافى مع أي موضوع اذا قاربناه بالمنطق .


هادا الهامور اللي عم يفوت ويهف لو كان مهبول ما كان صار هامور يعني عم ياخد على الصاحي ، طيب ليش نكون نحنا المغمضين ونتركلو الفرصة ؟


الأسهم كلها بحكم الأصول ولو - لا سمح الله - هبطت العملة رح ترجع تعدل الأسهم اسعارها ولو بعد حين ، يعني مالك السهم متل مالك العملة الصعبة متل مالك العقارات بس السهم أسرع بالتحرك بقيمتو وبتداولو من العقار وأبطأ بشوي من العملة الصعبة أو الذهب . من الطبيعي أن تأثر السوق شديد حاليا لعدم دخول أغراب فهم سيخسرون الكثير من الزمن لأنهم سيتعلق استثمارهم بنقطتين أولهما تأخر لحاق الأسهم بأسعارها الحقيقية لو تدهورت العملة والنقطة الثانية هي علاقة العملة الصعبة بالليرة السورية فهي ناهيك عن هبوطها أي الليرة ، سيكون من الصعب على مستثمر اخراج العملة الصعبة لكبر كميتها أولا ولعدم أهمية الموضوع لما يحمله من مخاطر فهو غير مستعد لتهريب العملة في جيب سري أو ما شابة .


نحن ( ساعة عامي وساعة فصحى ) لا يهمنا هواجس الخارجي عن البلد وتخطيطنا يختلف عنه فنحن ببيت أهلنا وعلى مهلنا ، فقط علينا تبديل استراتيجيتنا من استثمار قصير المدى وسريع إلى استثمار طويل المدى . بالعربي اللي معو يشتري ويستنى . ممكن على دفعات ليستطيع الشراء بأرخص ما يمكن حتى ارتداد السعر ساعتها الهشرة انشالله ! حاجتو يوقف ويكتفي باللي أخدهم وأرباحهم . طبعا القرار ليس اختياريا لمن يتعيش على المضاربة ولكنه ضروري ، البعض يقول : وما فاز باللذات إلا الجسور . ولكن البعض الآخر الذي تعب بماله يقول بعد أن يتلفت حوله مرتين : ليس المغامر محمودا وإن سلم .


المشكلة الحقيقية هي أننا كالمقامرين تماما فليست كل الخيوط بأيدينا ونحن اشبة بالأيتام الذين يتحكم الأوصياء بأرثهم ويغامرون فإن ربحو فمن جهدهم وعرقهم وإن خسروا فمن مال اليتيم يعوضون . فلا ثقة لنا بما يقدم لنا من نصائح قد تصب احيانا في مصلحة الهوامير ( بالجمع الله لا يبارك فيهون ) . طبعا الأصول أ ن نسميهم اللوبي المالي فيكون شكل الحرامية أرقى . والمشكلة أن القوي قوي جدا سيكسر كل العصي مجتمعة ويفقد المغذى والعبرة من قصة أن في الاتحاد قوة .


اصبروا فإن عاقبة الصبر الفرج وهي مجربة .


طبعا كلامي هاد موجه للأخت سلام اللي عم تعرض اسهمها للهامور المقوص ، بس ما بعرف اعمل كوت على كلامها وعلى ما كتبت هالكم كلمة كانت قالبة الصفحات شي خمسة سته اسملى شو سريعين . واحلى شي طلع الموضوع مغلق مافي غير أجل موضوعي ليوم غد . هه ليكون فتحو تبع بكرا تحياتي للجميع .

التعديل الأخير تم بواسطة BROKER ; 26-06-2011 الساعة 08:18 PM
عابر مجيب غير متواجد حالياً  
الأعضاء الذين قالوا شكراً لـ عابر مجيب على المشاركة المفيدة:
economic opinion (27-06-2011)