Damaslover

حابب استفسر منكم عموضوع لوئلي مخي من كتر ما شغلني، وطولو بالكم علي لأني انا لاني دارس تجارة و لا اقتصاد و لا بفهم بالبكل عالشغلة.

من فترة شرح الأخ مجد انو سعر الذهب ب 4400 يعادل سعر الدولار ب 93
و المعادلة ياللي استخدمها كانت جد بسيطة و مقنعة و مفهومة

بس ياللي خيلني اذا كانو تجار الذهب عم يتعاملو على هالاساس
فكيف بيكون سعر الدولار بالسوق بين 94 و 96 (بيع شراء) خلال نفس الفترة

يعني انا كمواطن نعتر بفهم انو هالفرق هاد هو ربح صافي زلال لتجار العملة يعني اذا باعوك باكتر من 93 هنن ربحانين ربحانينو اذا اشترو منك باعلى سعر بيكونو مكارمينك و بتمننو عليك فوق هاد

فالي استفسارين غير تصحيح المعلومة ياللي فوق و هنن:
1- هل سعر الدهب عالميا الو تاثير و ان كان بسيط، مع العلم عن وجود احتياط دهب بالخزينة بغض الننظر عن الكمية
2- اذا نزل سعر الدهب عالميا، شو رح يكون الو تأثير عالتعاملات الدولية لسوريا اذا اخذنا باحسن الاحوال انو مخزون الدهب لا عم ينقص و لا يزيد


تحياتي

tarek

اخي الكريم معادله الاخ مجد هي معادله عامه لكل العملات اما بالنسبه للذهب في سوريه فمختلف عن باقي الدول فلما بيكون الطلب على الذهب عيار 21 كبير فتكون المعادله التاليه سعر الاونصه ضرب 32 تقسيم 1143 ضرب سعر الدولار واذا زاد الطلب كتير يعني لما بيكون سعر الاونصه منخفض الى مستويات مغريه يضاف كلفه 50000 على الكيلو اما في وقتنا الحالي و مع انعدام الطلب البيتوتي للذهب المصاغ فعامل القسمه المستخدم هو 1162 هلاء هيك المراكز بتشتغل يعني اليوم خود مثال 1656x32/1162x95 الحقيقي السعر. =

SyrianWolf

"السلام عليكم,"
وعليكم السلام.

"1- هل سعر الدهب عالميا الو تاثير و ان كان بسيط، مع العلم عن وجود احتياط دهب بالخزينة بغض الننظر عن الكمية"
سعر الذهب في السوق السورية مرتبط مباشرة بسعر الذهب العالمي وسعر الدولار بالنسبة للسوري وبس.

__________________

Damaslover

شكرا للأح طارق و أخ ولف على ردكم، بس الي كذا ملاحظة

أخ طارق معادلتك استخدمت لمعرفة سعر الذهب طبعا لسعر الدولار بالسوق، و انا كان مقصدي شو سبب الفرق بين قيمة الذهب بسعر 93 و سعر الدولار ب 95

و أخ ولف، كمان كان مقصدي، لو ارتفع سعر الدهب عالميا فاكيد رح ترتفع قيمة الدهب الموجود بالخزينة
و كل ما ارتفعع قيمة الذهب عندك من ناحية السعر او الكمية، رح ترتفع عملتك لحكم صار زيادة في التغطية


تحياتي

ابو البر

ما في بسوريا تغطية للعملة واذا كان فيه فهي تغطية جزئية لا اكتر ............... وعملتنا مش مربوطة بالدهب حتى تطلع وتنزل لينزل الدهب ............. عملتنا مربوطة بسلة عملات ...........الفرق بين دولار الذهب ودولار الورقي .............. الناس بتحب الدولار الورقي سهل الحمل وسهل التحويل اما الذهب مش مرغوب لذلك فيه فرق ...........