جظمظ بالموز....ابداع حمصي واقعي - الأسهم السورية ( المضارب السوري)

15-12-2011, 10:58 PM

لقماان

عضوية مميزة

تاريخ التسجيل: Dec 2010

الدولة: سوريا /حمص

المشاركات: 5,510

شكراً: 18,885

تم شكره 22,038 مرة في 4,797 مشاركة

جظمظ بالموز....ابداع حمصي واقعي

المقادير اللازمة لطبخ الجظمظ:
1- 2 كيلو غرام بندورة حمرا
2- ثمان بيضات
3-بصلة
4- قليل من البهار
طريقة التحضير :
نقوم بفقش البيض في الصحن و خفقه و القيام بقليه بالزيت أو السمنة .....طبعا في ناس بتفقش البيض على الطبخة رأسن ...
بس أنا لا أحبذ ......
2- القيام بتقطيع البندورة
3-البحث عن البندورة في البيت ...لا يوجد
4-بتنزل على السوق لتشتري بندورة
تلت رباع السوق مسكر و بالصدفة بتشوف محل فاتح ............
بتشوف عند البياع فلينة صغيرة للبندورة ...
مكتوب عليا 75 ليرة...أكيد هي سعر الفلينة
5- بتؤلوا للبياع عبيلي كيلوين ....
6-بيلفت نظرك الموز معلومكون الموز كان الوا عز بأيام جيلنا ....
بتسألوا أدي الكيلوا بيؤول 55 ليرة ......
طيب عبيلي بندورة مو ضروري الواحد ياكل موز كل شهر .........
7-بيعبيلك البياع الكيلوين ....
بتسألو ا أدي بتريد ....بيرد 150 ليرة
خيو أنا أخدت كيليين بندورة ما فلينتين ....
برد البياع حبيبي كيلو البندورة ب75 ليرة
8- كيلوا السبعين بالخمسابندورة ...ما بتطلع معي و لا كلمة صح ......
9- خيو خلاص ما بدي رجعلي البندورة و أعطيني كيليين موز ....خليني أتشفا منو للموز ......لساتو رافعلي مناخيروا هيك ...
10-برجع على البيت شايل كيلين موزب110 ليرات بعطيون أم حكيم
11-أم حكيم : شو هاد وين البندورة ....
أنا :ما لائيت بندورة أبدا بس في شي بالسوق شكلوا شكل البندورة و ريحتوا ريحت البندورة بس سبحان الله مانو بندورة ....
(يعني أد ما كان البندورة أكابر ما في مجال يحط راسوا براس الموز حتى يكون أغلى منو...كمان )
أم حكيم : شو حزيرة بندورة ما بندورة يالله بدي لححق الطبخة يا أم حكيم مافي بندورة في موز ........
12-يا مرا طبخيلنا جظمظ بالموز ...
و الله طلعت البندورة من مناخيرنا .....
لازم يكون عنك حس ابداعي بالطبخ ...
و تبتكريلنا هيك يعني ..طبخات من وحي الواقع ........
13-أم حكيم : تفرم الموز و تضع فوق الموز البيض المقلي و البصل
...يا سلام ...شي بيشهي تمام
14-أم حكيم : تصرخ فجأة ولي ولي ولي على هالمصيبة ...شوفي يا مرا ... و الله حليتيلي ركبي ...................
رديت أم حكيم ....خليص الغاز .....
أنا : لاء لا تؤوليا ...الله يخليكي أؤولي انك عمتمزحي .......كل شي الا الغاز .....
أم حكيم : خليص الغاز ياحبيبي خليص الغاز يا مستتني يالله يا صاحب الابداعات
شو بدك تبدعلنا محل جرة الغاز كمان .....
...مشان كمللك طبخة الجظمظ بالموز تبعك..15-أنا :بسيطة الحاجة ام الاختراع في عنا جرايد كتير منكمل الطبخة عليون ......
و هيك حطينا الطنجرة على التنكة و صرنا نزت فيا الجرايد مشان تضل النار شاعلة ...
سبحان الله وأتا اجتني سوسة الثقافة و القراية ....يا جماعة شو بدكون الابداع بيجي كلو سوا...
مسكت أول جريدة كان فيا سعر الدولار 48.5
و ميالة مميل راسوا هيك و عميقول ...لا تخافوا في عنا احتياطات ..و بدنا نخلي يلي اشترا الدولار مشان الادخار يندم ....
يا سلام ..ارتفعت معنوياتي ..و زتيت الجريدة هيك بحركة فخر على النار ...
الجريدة التاني : دوريات التموين تضبط أسعار زائدة في سوق الخضرا حيث قام أحد ضعاف النفوس الخونة المتآمرين على وحدة الصف الداخلي ببيع كيلو البندورة ب 25 ليرة
علما أن تسعيرة التموين هي 17.19 قرش
كمان زتيت الجريدة على النار مشان كممل الطبخة .....و أنا في حالة نشوة ....
الجريدة يلي بعدا :مكتوب فيا لن نترك بورصة دمشق للمتآمرينو سنقوم بحماية صغار المستثمرين و هذا واجبي الوطني و كل مستثمر ليطمئن و ليضع في بطنه بطيخة صيفي .... حيث سنقوم بانشاء صندوق للاستثما برأسمال
2 طن بندورة عفوا برأسمال مليار ليرة..
هذا سيؤدي الى حماية صغار المستثمرين و سيشكل دعما لاقتصادنا المتين ........
كمان هيك شعرت بالراحة و الفخر ..بالأخص انو أنا تقريبا انخرب بيتي و بيت يلي خللفني و بيت جيراني و يلي خللف جيراني من ورا نصايحي الون بالاستثمار بالأسهم ....
كمان زتيت للجريدة على اخواتا ...و الله حكي هالجرايد حلو ..هيك يعني بيخليك تنعنش و تشعر بالراحة متل يلي آخدلوا سيجارة حشيش .........يعني هيك متل بسام كوسا وأت بيكون معبي الطاسة بمسلسل....
و الله ترى نسيت اسمو..(عدم المؤاخذة منكون )
آخر جريدة و راح تخلص الطبخة :
خبر بالخط العريض ..لا وجود لأزمة غاز في البلد .....و ما تناقلته وسائل الاعلام المغرضة
لا يمت الى الواقع بصلة .......
و الأمر كلو عبارة عن هجوم من كل مواطن مقطوع من الغاز بشكل عفوي على شراء جرة غاز!!!!!!!!!!!!!
تفرجت هيك على جرة الغاز يلي اشتريتا ب 700 ليرة و للأسف طايرا البركة منا ..بعد كام طبخة خلصيت....و ساوتلي مأساة بالبيت.......
و تفرجت هيك على التنكة يلي فيا الجرايد المحروقة ...
و تفرجت هيك على مرتي ......
و تضحكت بصوت عالي واطي .......
و التلا لأم حكيم شو صار بالجظمظ بالموز....
الله يخليلنا هالجرايد و الله لولا الجرايد كنت
حاسس... احساس بس ...انو ما عميصحلي اشتري بندورة ...
كنت حاسس احساس بس انوا ما في صندوق للاستثمار ..
و كنت حاسس احساس بس
حاسس حالي مقطوع من الغاز.....
أم حكيم :بعد ما طبخت الجظمظ بالموز آلتلي لا تزت أشر الموز هيك كيف ما كان برا ...
لأنو ممكن يمرقلوا شي مسؤول من ادام بيتك ......
وما حلوة منك ...تزحلطلك شي مسؤول ...
و بيشوا ؟...بقشر موز الجظمظ..تبعك ...
بعدين اذا تزحلطلوا شي مسؤول ....
بيجوا جماعة الرقابة بمنتدى سيريا ستوكس و بيحزفولك ...هالطبخة بحجة انو فيا حكي سياسة .....
متل ما بزمناتوا ...حزفولك ..طبخة المقلوبة..
آل شو اسم الطبخة بيتعارض مع مبادئنا القومية و الوطنية .......
أم حكيم ...شو ما شاء الله عنك صايرا عمتحكي حكي بيخوف ...شفتي هي صرتي تبدعي من بعد ما أكلتي الجظمظ بالموز....

....هاد جطمظ بالموز مو مقلوبة .....

__________________
أبو حكيم الدين

20 أعضاء قالوا شكراً لـ لقماان على المشاركة المفيدة:

2bo 3omr (13-11-2013), Adnan89 (17-12-2011), أبوقصي (11-11-2013), arnouri (15-12-2011), BISO (17-12-2011), ابو بلال (12-11-2013), economic opinion (17-12-2011), hesham (16-12-2011), رائد (16-12-2011), رسملجي (11-11-2013), رندة (16-12-2011), سندباد (16-12-2011), Professional (12-11-2013), ranakar (18-12-2011), Rocky (05-03-2012), Salam L (16-12-2011), Sameh (12-11-2013), غالب (16-12-2011), غسان (15-12-2011), هزار (11-11-2013)

15-12-2011, 11:20 PM

beautiful life

مشرفة صالة إدارة وأعمال

تاريخ التسجيل: Jan 2009

الدولة: syria - lattakia

المشاركات: 1,929

شكراً: 3,346

تم شكره 3,494 مرة في 1,132 مشاركة

رد: جظمظ بالموز....ابداع حمصي واقعي

صحتين وهنا ............. لا تعليق !!!!!!!!!!!!!

__________________

أفضل وسيلة لــتحقيق أحلآمك هو أن تستيقظ

كن واعياً للطريقة التي تنظر بها إلى الوقت، فمشاهدة الساعة ليست كمشاهدة الغروب.

3 أعضاء قالوا شكراً لـ beautiful life على المشاركة المفيدة:

لقماان (17-12-2011), black_ghost87 (12-11-2013), روميو (12-11-2013)

15-12-2011, 11:41 PM

غسان

مشرف

تاريخ التسجيل: Jun 2010

الدولة: دمشق

المشاركات: 6,194

شكراً: 23,193

تم شكره 22,349 مرة في 4,677 مشاركة

رد: جظمظ بالموز....ابداع حمصي واقعي

سلمت يداك ياابو حكيم على هالطبخة
بس اكيد مابتنصحنا نجربها؟

لا تخاف مارح نحذف هالطبخة لانو كلفتك كتير موز وغاز ونارة و..........
بسيطة بسيطة مشان تشوف قيمة البندورة
هي بندورة ..هي
مو ...موز

اسم المسلسل عصر الجنون والجزء التاني
جنون العصر

وبدي اسألك كيف تستطيع أن تنتزع البسمة من قلب المعاناة ؟؟
انها موهبة عظيمة

التعديل الأخير تم بواسطة غسان ; 16-12-2011 الساعة 12:00 AM

5 أعضاء قالوا شكراً لـ غسان على المشاركة المفيدة:

لقماان (17-12-2011), روميو (12-11-2013), Salam L (16-12-2011), Sameh (12-11-2013), هزار (11-11-2013)

16-12-2011, 12:01 AM

arnouri

مشرف

تاريخ التسجيل: Nov 2010

الدولة: سوريا دمشق

المشاركات: 5,840

شكراً: 22,320

تم شكره 18,769 مرة في 4,996 مشاركة

رد: جظمظ بالموز....ابداع حمصي واقعي

شكراً لك

ذكرتني بالمسلسل -البقعة ضوء -
ماشاء الله هل الازمه اظهرت المواهب
الله يحمي حمص وسوريا كلها
تحياتي لك

7 أعضاء قالوا شكراً لـ arnouri على المشاركة المفيدة:

2bo 3omr (13-11-2013), abo haydara (16-12-2011), لقماان (16-12-2011), روميو (12-11-2013), رندة (16-12-2011), Sameh (12-11-2013), هزار (11-11-2013)

16-12-2011, 12:53 AM

Salam L

عضوية مميزة

تاريخ التسجيل: Oct 2009

الدولة: سورية

المشاركات: 5,533

شكراً: 9,602

تم شكره 8,287 مرة في 3,384 مشاركة

رد: جظمظ بالموز....ابداع حمصي واقعي

كالعادة... ابداع حمصي مع مرتبة... الموز... (بدال مرتبة الشرف..)

__________________

اللهم إنه لا مانع لما أعطيت...ولا معطي لما منعت

4 أعضاء قالوا شكراً لـ Salam L على المشاركة المفيدة:

لقماان (16-12-2011), روميو (12-11-2013), غسان (16-12-2011), هزار (11-11-2013)

16-12-2011, 12:54 AM

Salam L

عضوية مميزة

تاريخ التسجيل: Oct 2009

الدولة: سورية

المشاركات: 5,533

شكراً: 9,602

تم شكره 8,287 مرة في 3,384 مشاركة

رد: جظمظ بالموز....ابداع حمصي واقعي

بس ماخبرتنا كيف طلعت طعمة الطبخة بعدين؟؟؟

انا رأي انو ممكن تطلع طيبة!!

برأي لازم تعملها بلا بهارات وبدون ملح... وتحط مع البيض حليب ... وشوية زبدة....

على فرض انو عندك حليب وزبدة....

شايف انا شو فايقة ورايقة....

__________________

اللهم إنه لا مانع لما أعطيت...ولا معطي لما منعت

3 أعضاء قالوا شكراً لـ Salam L على المشاركة المفيدة:

لقماان (16-12-2011), روميو (12-11-2013), هزار (11-11-2013)

16-12-2011, 02:22 AM

BROKER

المشرف العام Rami alattar

تاريخ التسجيل: Jan 2009

الدولة: دمشق

المشاركات: 21,407

شكراً: 25,586

تم شكره 37,110 مرة في 9,197 مشاركة

رد: جظمظ بالموز....ابداع حمصي واقعي

صحتين وهنا لأحلى مبدعين

يا خيو ما بينخاف عليكون اهل حمص كومة ابداع وحلول

انا شفت عرس لقنينة الغاز ما حضرتو ابو حكيم ولا ما اجتك دعوة ؟؟؟؟

الله يفرج علينا

على فكرة كمان بالشام في ازمة غاز لكن الازمة في قلته يعني انا بكون بالطريق بشوف 200 واحد صافين عالدور وكل واحد حامل قنينة ...

__________________
--

4 أعضاء قالوا شكراً لـ BROKER على المشاركة المفيدة:

لقماان (16-12-2011), روميو (12-11-2013), رندة (16-12-2011), هزار (11-11-2013)

16-12-2011, 04:32 AM

Nawar

عضو مشارك

تاريخ التسجيل: Feb 2010

المشاركات: 187

شكراً: 234

تم شكره 448 مرة في 154 مشاركة

رد: جظمظ بالموز....ابداع حمصي واقعي

الله على قصصك أخي أبو حكيم ... يعني بطالع نكتة من قلب المأساة
و الله هالبندورة صايرة شغلة ... اليوم أنا كمان لقيت الأوضاع ماشي حالها قلت لحالي قوم اطلاع جيب هالغراض يلي موصيتك عليهن أمك من شي خمس أيام
رحت على سوق جنبنا لقيت كم محل خضرة و بقاليات فاتحين ... طبعا زخ المطر براس الشارع بس الناس ما فارقة معها و واقفة طوابير بدها تتمون
الحمد لقيت أغراض منيح بس البندورة بالاسم بندورة و ب 60 ليرة و خضرا تقول مسحوب لونها لهيك ما اشتريتها ... لما رجعت عالبيت و حكيت لأمي عالبندورة قامت عاتبتني و قال كنت جيبها بتستوي هون بالبراد!!!

4 أعضاء قالوا شكراً لـ Nawar على المشاركة المفيدة:

لقماان (16-12-2011), روميو (12-11-2013), رندة (16-12-2011), غسان (16-12-2011)

16-12-2011, 04:42 AM

غالب

مشرف

تاريخ التسجيل: May 2010

الدولة: سوريا-دمشق

المشاركات: 12,554

شكراً: 11,973

تم شكره 19,580 مرة في 6,034 مشاركة

رد: جظمظ بالموز....ابداع حمصي واقعي

اقتباس:

المشاركة الأصلية كتبت بواسطة nawar

لا تحزن فللبندورة مواسم وهي بالشام وما عنا شي ب 50 ليرة فاذا وصلت لعندك ب 60 ماشي الحال . والمفروض يمنعوا الخضار والفواكه بغير موسمه حتى يبقى للدنيا طعمة وللموسم طعمة .

قبل سنوات غليت البندورة قامت الدولة سكرت التصدير . تضرر المصدرون خيرات الله علما ان من حق الفلاح الذي يزرع بالبيوت البلاستيكية ويصرف كثيرا على البندورة وتكلفه بحدود 35 -40 ليرة للكيلو من حقه ان يستفيد فوق الكلفة قليلا . للنسى البندورة شهرين بالسنة ونستغني عنها ونستبدلها برب البندورة او معجون البندورة ونترك فرصة للفلاح ليستعيد رأسماله من التصدير ومن احب شراؤها بالاسعار والكلف الشتوية ليدفع ويشكر ربه على نعمة توفر الخضار في غير موسمها . ولتكون الصورة شاملة احببت كتابة ما سبق بعد اطلاعي على تجربة فلاح بيت بلاستيكي من اطراف طرطوس وهو منطقة الخراب قرب قرية الروضة . ويعرف اهل طرطوس ان اقتصاد المنطقة هناك جزء كبير منه يعتمد على البيوت البلاستيكية وصيد السمك والسياحة .

__________________

المنتدى ملكنا جميعا احموه بمشاركاتكم القيمة
-----------------------------------------------
لا يوجد مستبدون حيث لا يوجد عبيد ...خوسيه ريزال
حياة ليست مكرسة لهدف,حياة لا طائل من ورائها , هي
كصخرة مهملة في حقل بدلا من ان تكون جزءا من صرح
..... خوسيه ريزال

7 أعضاء قالوا شكراً لـ غالب على المشاركة المفيدة:

لقماان (16-12-2011), hesham (16-12-2011), Nawar (16-12-2011), روميو (12-11-2013), رندة (16-12-2011), غسان (16-12-2011), هزار (11-11-2013)

16-12-2011, 04:58 AM

#10

Nawar

عضو مشارك

تاريخ التسجيل: Feb 2010

المشاركات: 187

شكراً: 234

تم شكره 448 مرة في 154 مشاركة

رد: جظمظ بالموز....ابداع حمصي واقعي

اقتباس:

المشاركة الأصلية كتبت بواسطة غالب

هو طبعا الحمد لله على نعمه ... و مو مشكلة البندورة ... الله يجعلها أكبر المصايب
و على فكرة أنا من حوالي عشر ايام أخدتها بلاستيكية بس ممتازة ب 35 ليرة ... الأسعار عنا بحماة أرخص بكتير من الشام بالظروف الطبيعية

3 أعضاء قالوا شكراً لـ Nawar على المشاركة المفيدة:

best time (16-12-2011), غالب (16-12-2011), غسان (16-12-2011)

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ابداع في فن الرسم على اليد	غسان	استراحة المضاربين	8	08-08-2011 09:45 PM
بعمرو الواحد ما يمزح مع مرتو	غالب	استراحة المضاربين	4	02-06-2011 10:43 PM
الرسم على الصور ... ابداع	Ahmadhsn	استراحة المضاربين	0	12-12-2010 07:08 AM

		الأسهم السورية ( المضارب السوري) > ملتقى المضاربين > استراحة المضاربين > مطبخ المضاربين
جظمظ بالموز....ابداع حمصي واقعي

اسم العضو		تذكرني
كلمة المرور

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML متاحة قوانين المنتدى