MBOSS

تحياتي للجميع
شو اسعار الذهب اليوم

expert

على راسي
بس عم خاف احكي كتير يقولو كرار وعلاك وكل شغلة بيعمل حاله فهمان فيها
انا قلت كتير اليوم و الكلام عند المختصين وراي واحد متل ايد وحدة ما بيفيد
رايي صار واضح كتير
صار عندنا مضاربات من قبل المركزي غير سعر التدخل وهاد رح يكبد صغار المضاربين خسائر
بنصح ما حدا يفكر يضارب على المدى القصير ابدا يعني
لا تشتري الا اذا كنت مستعد تتخلى عن المبلغ لاربع شهور على الاقل
قد لا تحقق ربح قبل ذلك
الارباح على المدى القصير غير مضمونة
لانو متل ما قال الشباب في على ما يبدوا مؤامرة
بس هالمؤامرة بين بعض المتنفذين داخل المركزي و الهوامير بالسوق
ضد المركزي نفسه وصغار المضاربين والناس عامة
وبالنسبة للسفينة انا حطيت مداخلتين اليوم بيكملوا بعضهم
لله الامر من قبل ومن بعد......

ماهر ابو عدنان

مشكور اخي الكريم والله يسلمك

سعر صرف الدولار الساعة 5.30
دمشق
المرجة _ السوق السودا

شراء 69.5
مبيع 70
متوفر


الهرم للصرافة _ دمشق _ الساعة 5.30
شراء 69
مبيع 69.65

أبو حسن

يوجد خطة لدى المركزي بتنزيل سعر الدولار الى ال 65 وهاد الشي خلال الشهر الجاي
انا لاحظة وقت اللي كان السوق 77 نزل كم ساعة لل 72.5 ورجع طلع بعدها نزل لل 72.5 بس على البطئ وخلال شهر وبعدها نزل لل68 يوم واحد وبعدها طلع لل 72.5 وبعدها نلاحظ السوق حاليا 69 بس من كم يوم صار 65 كم ساعة ورجع طلع واللي مراقب السوق بشكل يومي بيلاحظ هالشي
اتوقع الخطة القادمة لل 65 والله اعلم

__________________
لا اله الا الله

MBOSS

موضوع نزلت الدولار لا اتفاق و لا شي
الموضوع موضوع سوق و يلي عم يصير شي طبيعي
بعدين موضوع العملة الي بدها تنطبع بروسيا
اولا : لا تستعجلوا بس نسمع اي خبر
لازم نعرف هل حجم العملة الي عم تنطبع معادل للعملة التالفة فقط ام فائضة عن الحاجة واذا كان عبارة عن وضع عادي اصلا العملة كانت تنطبع برا بكل الاحوال فشو المشكلة بدال ما نطبعها بدول اوروبا الغربية نصير نطبعها بروسيا هاد كلو ما بيأثر المهم هل عملية الطبع حجمها اعتيادي ام اكتر من حاجة التعويض عن التالف و ما شابه .
الخلاصة لا تستعجلوا و بعدين اذا ما صار مفاجأة من النوع الثقيل بالوضع السياسي او العسكري لح يستقر السوق لاخر شهر 5 بحدود 67-70
و اعتقد مع نهاية شهر 5 و بداية 6 سيتحول السعر الى 65-68 مع تغير حاجز المقاومة من 67 الى 68 عوضا عنه
على كل هاد تحليلي و ليس دعوة للشراء او البيع .

د.أبو محمد

يا عيني عليك مشان هيك كان بدي رأيك (مبدع)

MBOSS

يعني البعض بيهاجم المركزي
يعني بكل دول العالم بيتدخلوا بسعر الصرف
بتمنى من المضاربين يكونوا واقعيين
حدا يعطينا اسعار الذهب يا شباب

د.أبو محمد

مو لل 65 لل50 كمان بس ما كل مايتمنى المرء يدركه تجري الرياح بما لاتشتهي السفن واذا كانت السفينة صينية(made in china) استخدام مرة وحدة بعدين بتتعطل و فهمك كفاية

مجرد إنسان

رأيي الشخصي وما لو أي قيمة على الارض ..=>
المركزي يقوم بتجربة السعر الانسب الذي لا يكلفه مبالغ كبيرة ، واظن ال70 هي الهدف
فعند سعر 65-68 بدأت الناس تشتري دولار بكل ما تملك ..فالخسارة أصبحت (في حال حصلت) مقبولة لا تتجاوز 5% وزاد الطلب جدا على الدولار !
ما يعني أن المركزي سيرفع السعر قليلا ليخفف الطلب ويشجع الخوف لدى الناس من ان الهبوط قد يكون مؤلما ، وبالتالي يكون تدخله بالسعر عن طريق خفض الطلب ، يجب أن يبقى احتمال الخسارة وفرقها كبيرا مما يخفف الطلب على الدولار والا فالناس ستأخذ المخاطرة ..
والله أعلم
ليس الكلام دعوة للبيع او الشراء او نصيحة باي اتجاه ، كل واحد عقله براسه بيعرف خلاصه

__________________
{بل نقذف بالحق على الباطل فيدمغه فإذا هو زاهق ولكم الويل مما تصفون}

أبو حسن

مجرد انسان انا وقت اللي نزل من ال77 لل 72 بيوم واحد شفت الناس اشترو كميات كبيرة
ومن كم يوم وقت اللي نزل لل 65 كمان العالم اشترت كميات كبيرة مو اعتبار بنوب واللي طالع السعر بعد ال65 لل 68 بيوم واحد هو المركزي بس حاليا البيع كله للمراكز الكبار وهم بدورهم للمركزي ولكن المواطن ما عم يشتري حاليا لانو عندو من قبل الا قليل من الناس شي لا يذكر

__________________
لا اله الا الله