Salam L

test test...

عم جرب الخط الافتراضي الجديد اللي نقيته...

وهلق اكتشفت انو بيقدر الواحد يختار عدد المشاركات اللي بتطلعله بالصفحة!!!

__________________

Salam L

ماعجبني الخط هاد لون تاني....

انو احلى؟

__________________

Salam L

والله حاسة انو هالصفحات صارت بس الي وبقدر اكتب شو مابدي لأنو ماحدا عم يقرا ولا حدا عم يسمع! ههههه


حتى هاد اللون ماعجبني... بدي لون قريب منه بس اغمق مشان اذا كتبت كتير ماتزغي عيونكن...

__________________

Salam L

وهي لون تالت....

بس الحلو اني هلق غيرت عدد المشاركات بالصفحة الوحدة وصار الموضوع عندي فيه 40 مشاركة بكل صفحة وبالتالي كلو انقلب على 4 صفحات!!

coool

__________________

Salam L

أنا رح انخيل... مبارح شفت الصفحات الاولى للموضوع ومارجعت عليها بعدين... هلق عم ارجع شوفها في مشاركات ماكانت طالعة عندي!!!!

حتى في شي منها لمدام رندة وشي للاستاذ عابر... يعني المفروض ماتتأخر لتطلع!!

__________________

Salam L

اقتباس:

المشاركة الأصلية كتبت بواسطة عابر مجيب [size=4صباح الخير وكل عام وانتم بخير

اقتباس:

المشاركة الأصلية كتبت بواسطة عابر مجيب يسلمو آنسة سلام ، كانت مفاجأة افتتاحك للصفحة ، مو عاداتك يعني ! يوم شغل متلتل ويوم ضيوف من حمص ويوم تعزيل وفجأة ادارة صفحة ، لأ وشو ؟ صور ، اندبحنا بسرعة النت اللي بتسم البدن وجاية تكملي علينا . اللي ماشاف مكان بيضل بيفكر أنو ناقصو شي ، بس يروح بيلاقي الشوفة بايخة ، والحقيقة أنو الحلو هو الصحبة اللي معك بالمشوار ، لو كان معك حدا ظريف ممكن شلالات مزيريب وتكون مقطوعة بيوم جفاف ، بتكون أحلى من ركبة الجندول بفينيسيا (البندقية ). ممكن تحلى الرحلة إذا كان فيها شغل ومورد وأرباح وبعدها تنبحتي ع السوق والمطاعم والمقاهي وتصرفي من الأرباح ويزيد معك . أهم شي يزيد معك منشان تشعري بالرضا وما تنقهري على اللي انصرف ، يا سلام لوكانت المشتريات مفيدة ولذيذة ، يعني اسوارتين وتلت أونصايات مجلتنين . وتاني يوم الصبح يرتفع الذهب . يعني الواحد يحلم ويكتر مو صور منشوفها بالأنترنيت ، عطينا أفكار عن سفرة شغل متل الله يتم عليهون جماعة الأردن مثلا . فيهم عالم طوفرت ورح تتزوج عن طاقين .

ههههههههه والله ضحكتني.. هلق شلالات مزيريب صارت مشوار؟ ونشفانين كمان!

وعم حط الصور ونحلم لانو ببلاش... ولتظبط معنا شي روحة وقتها بنحكي... سواء طلع منها مصاري او ماطلع....

[/size]

__________________

Salam L

اقتباس:

المشاركة الأصلية كتبت بواسطة رندة اخ عابر كل عام وانت بخير انا بختلف مع كلامك يعني لو رايح على شلالات مزيريب ومعك اعز الناس رح تنمقت من الطريق والاهمال ورح تلاقي انو الشلالات ما فيا نقطة مي ومنظر بائس اما لو كنت مكتئب ورحت على البندقية الدهشة والافكار اللي بتطلع عليها والاهتمام والجو والاماكن وكل الاكتشاف والسرور اللي بتحصل عليه رح تغير نفسيتك الى سعيد وكل ما زرنا اماكن جديدة بنقول لحالنا نحنا ما لنا عايشين اماكن جديدة يعني اضافة جديدة لحياتنا خبرة وثقافة ومعرفة وكمان الكثير من التغيير والسرور

انا بوافقك على انو الروحة على مكان مفشكل مابتبسط مع مين ماكان.... لكن بالحقيقة كمان الروحة مع اشخاص مزعجين لأحلى مكان بالدنية ممكن تكره الواحد حياته.... وببقى بحكيلك قصة Face to face

__________________

mahermmmm

تحية طيبة للجميع

سمع علي رجلا يذم الدنيا فقال :
الدنيا دار صدق لمن صدقها و دار نجاة لمن فهم عنها و دار غنى لمن تزود
منها و مهبط وحي الله ومصلى ملائكته و مسجد أنبيائه و متجر أوليائه ربحوا
فيها الرحمة و اكتسبوا فيها الجنة فمن ذا الذي يذمها و قد آذنت ببينها
و نادت بفراقها

من حلم ساد و من ساد استفاد
من أبصر عيب نفسه عمي عن عيب غير
ه‏و من هتك حجاب غيره انتهكت عورات بيته
و من أعجب برأيه ضل و من استغنى بعقله زل

قال رجل لعمر : إن فلانا رجل صدق
فقال له : هل سافرت معه ؟
قال : لا
قال : فهل كانت بينك و بينه معاملة ؟
قال : لا
قال : فهل ائتمنته على شيء ؟
قال : لا
قال : فأنت الذي لا علم لك به أراك رأيته يرفع رأسه و يخفضه في المسجد

__________________
من استهان بالوقت نبذه الزمن
كلو بني ادم سوي خطا ... بس نفر كويس مافي سوي هذا خطا مره ثانيه

Salam L

قبل شوي لمحت اسم رامي بين الاسماء اللي داخلة على الموضوع... الظاهر فات تسلل ورجع هرب....

__________________

iass

ما بعرف شو اسم الكنيسة، بس هي كنيسة ببرشلونة، عمرها واحد فنان ومهندس معماري أسمو جاودي، وأسلوبو المعماري كتير خاص، الكنيسة لم تكمل حتى النهاية بسبب وفاته