المسار

اقتباس:

المشاركة الأصلية كتبت بواسطة غسان مبروك ، بس بدنا الحلوان منك ومن الاخ رشاد ياريت شوية اسطر عن بيروت انطباعك وكذا ومذا

الله يبارك فيك
بالوقت الحالي منعطيك انطباعنا والكذا والمذا
بس ما منعتبرن حلوان نحنا حلوانا منعطيه عند شوفتك
وشوفت الاخوه الاعضاء إذا الله اراد انو يجمعنا فيكم

سيدي بيروت اليوم و متل العادة او في معظم الاحيان
كل جمعه سبت احد اما يستقر السعر على سعر يوم الخميس او يهبط هبوط خفيف
السبب هو انه معظم العمال يقبضون جمعياتهم(اسبوعي)
وبصير حركة تصريف
فيك تقول استغلال
فالسعر لليوم

154----156 واللعب بيناتهم
والخبر من ثلاثة ايام انو في ريحة طلوع بس ما مبين شي على الواقع
ملاحظة الكذا والمذا من عندك بدنا ياهم لان ما عرفتهم

عابر مجيب

اقتباس:

المشاركة الأصلية كتبت بواسطة جوليت من الغريب المستغرب الاشخاص يلي اطلقو من كم يوم اشاعة زيادة الرسوم الجمركية على المستوردات ....الموضوع كلو كذب بكذب طلع ..لا في ارتفاع ولا شي عالعكس تماما في مواد نزلو رسوما تبا للاشاعات الرخيصة الدنيئة

على ما أذكر كان هنالك خبرين ، واحد عن تغيير قيمة دولار الجمارك ، وهاد المفروض بيطال كل المستوردات بصورة غير مباشرة وبدون شوشرة . أما الخبر الثاني فقد كان عن ارتفاع الجمارك على قطع السيارات فقط .

غسان

مشكور اخي المسار وان كنت اقصد في سؤالي الابتعاد عن الدولار لتحكي لنا عن انطباعات او ملاحظات في مناحي مختلفه ولكن لامشكله من تمك كلو حلوو .

،،،،،،،،،،،

سمعت انو العوجا نزلت بالشام والكيلو ب 500 تقريبا الحبه ب خمس ليرات وسعره مقبول لانه في بدايه الموسم وكان سعره قريبا من ذلك في زمن دولار ابو خمسين
اكله محببه لاهل الشام هي والجانرك وللعوجا انواع مختلفه. البلديه واللوز والعقابيه الحامضه
جزء كبير منها يؤتى به من الغوطه
كل اسبوع تقريبا يهبط سعرها بسبب زياده العرض وحسب وفره المحصول احيانا تأتي سعه (صقيع) يحرق المحصول واحيانا تهطل الامطار مع الرياح فيتساقط الزهر دون ان يبرعم ثمره
والفلاح يدعو ان يبقى محصوله صامدا امام العوامل الجوية
يبدو الكلام عن العوجا سخيفا امام مايحدث في سورية ،،،، ولكن
الحياه مستمره والاطفال يذهبون للمدارس ويتعلمون واحد زائد واحد يساوي 2 ويتعلمون ماما ماما يا انغاما ومنهم من استشهد على مقاعدهم الصغيره
لذلك ماكان سخيفا في نظرك هو مهما في نظر غيرك ( ياترى كم بطن شبع من افا عربايه العوجا )
سمفونيه حزينه مايجري في سوريا مكتوب علينا ان نعيش سلمها الغريب في تتابع مستمر دون توقف طبعا من يعيشها غير من يسمعها ومن سمع ليس كمن رأى ،،،، والله يفرج وكلشي والله يعين الجميع
وعوجا وياما حنشوف ،،،، عوجا والطابق مكشوف،،،،،

المسار

اخي ابو نجيب
من سنه لهلق لحتى تم الاتفاق على الحكومه اللبنانيه
وعلى فكره هاي حكومة شهرين
فشو رايك
ما تأثيرها على سعر الصرف

جوليت

سيدي الكريم على ماأذكر بمشاركتي قلت أشخاص وليس أعضاء من سيرياستوكس (صحي بكتب بسرعة المشاركة بس عقلي مبرمج عالدقة ) , فقط للتنويه وشكرا
ولكن سيدي الكريم أوكد لك مافي شي نزاد عالمستوردات حتى مع الخبرين يلي ذكرتون بمشاركتك
فبدون شوشرة :لم يرتفع اي مستورد فرنك واحد , عالعكس التجار بقيان عندون مدة 22 يوم فقط لتصريف بضائعهم المرتفعة الثمن ابل مابنخرب بيتن وشكرا

najm

اقتباس:

المشاركة الأصلية كتبت بواسطة غسان مشكور اخي المسار وان كنت اقصد في سؤالي الابتعاد عن الدولار لتحكي لنا عن انطباعات او ملاحظات في مناحي مختلفه ولكن لامشكله من تمك كلو حلوو . ،،،،،،،،،،، سمعت انو العوجا نزلت بالشام والكيلو ب 500 تقريبا الحبه ب خمس ليرات وسعره مقبول لانه في بدايه الموسم وكان سعره قريبا من ذلك في زمن دولار ابو خمسين اكله محببه لاهل الشام هي والجانرك وللعوجا انواع مختلفه. البلديه واللوز والعقابيه الحامضه جزء كبير منها يؤتى به من الغوطه كل اسبوع تقريبا يهبط سعرها بسبب زياده العرض وحسب وفره المحصول احيانا تأتي سعه (صقيع) يحرق المحصول واحيانا تهطل الامطار مع الرياح فيتساقط الزهر دون ان يبرعم ثمره والفلاح يدعو ان يبقى محصوله صامدا امام العوامل الجوية يبدو الكلام عن العوجا سخيفا امام مايحدث في سورية ،،،، ولكن الحياه مستمره والاطفال يذهبون للمدارس ويتعلمون واحد زائد واحد يساوي 2 ويتعلمون ماما ماما يا انغاما ومنهم من استشهد على مقاعدهم الصغيره لذلك ماكان سخيفا في نظرك هو مهما في نظر غيرك ( ياترى كم بطن شبع من افا عربايه العوجا ) سمفونيه حزينه مايجري في سوريا مكتوب علينا ان نعيش سلمها الغريب في تتابع مستمر دون توقف طبعا من يعيشها غير من يسمعها ومن سمع ليس كمن رأى ،،،، والله يفرج وكلشي والله يعين الجميع وعوجا وياما حنشوف ،،،، عوجا والطابق مكشوف،،،،،

بالأمس سمعت حديث عن قريبة المدام
تحاكي أخاها الصغير المحصور مع أبويه بدوما على الموبايل
ربما لم تكن تتوقع أن يحدثها عن المدرسة وألعابه الجديدة لكنها توقعت عندما سألته عن حاله أن يطمئنها كما طمئنها أبويها نحن بخير الحمد لله
لكنه وفور الحديث معها سألها وهو يبكي نحنا ما عنا أكل أنتو عندكوم أكل شي ... فبكت ولسان حالها يقول

يكاد حين تناجيكم ضمائرنا يقضي علينا الأسى لولا تأسينا
حالت لبعدكم أيامنا فغدت سودا وكانت بكم بيضا ليالينا

__________________
لطف حديثك فالنفوس مريضة
ومن الكلام محنن ومجنن

المسار

استاذي ما صار شي حضرتك مشرف ومن
اهل الحل والعقد مسحلي هديك المشاركه لقلك

انت سمعت انا شفت بس غير العوجه شفت انو صار البني آدم الس؟؟؟؟؟؟؟ صارت العوجه اغلى منو مع الاسف وصار وين من وجه وجهو بلاقي الضباع جاييتو لتنهشو
شو بدك احسن من هيك انطباع كان البيت ببيروت باحسن احوالو ب300-400$ ومين ما بدو يسكن يسكن
هلق اذا بدك اوضه ب500 وفي شروط مين بدو يسكن و عليك الماء والكهربا (طبعا كانو سابقا بكلفو20$ هلق 150$) وبلا ضجه وسكر تم الاولاد لا تخليهم يعيطو.

هلق هداك الحكي للبيت هلق بدنا نطلع برا البيت
ولا قلك خي غسان (لا تفتقلنا جروحنا )خلينا عمندفع بلا ما نحسب احسن متل
ما تفضلت حضرتك
عوجا وبلا ما نشوف.......عوجا وخلي الطابق مستور

hasobman

نحنا ولبنان 2 ببنطلون واحد
اذا بتغيم بلبنان بتمطر بسوريا
وقت ازمة الحريري صار الدولار ب 65 ليرة
وقت انفصال الليرة (البنانية السورية ) صارت الليرة السورية اضعاف ما كانت مقابل الدولار
المشكلة بلبنان التنوع الطائفي الكبير
بس الاهم انو الي ماسك البلاد عسكريا طرف واحد فقط
هلا شكلو حكومة ولو مؤقتة ما رح تعمل شي
هلا رح يبلش الضغط على حزب الله لسحبه من سوريا
ولن ينسحب بالمرحلة القادمة
وفي عندك حماس هلا بلشت تضرب اسرائيل ولو على صحاري وما راح ولا قتيل
بس القنوات الاخبارية بتفخم الموضوع وبتقلك صواريخ على اسرائيل ومن هالحكي
متل حرب تموز
هلا في طبخة دولية عم تنطبخ
العراق ومشكلتو مع المالكي
حزب الله ومشكلتو مع الحكومة اللبنانية الجديدة
روسيا ومشكلتها مع اوكرانيا
قطر ومشكلتها مع السعودية والامارات
مصر ومشكلتها مع الاخوان
ايران ومشكلتها مع الغرب ولو ظاهريا (يعني لا في مشكلة ولا شي
لاحظ معي ان الجميع يلتقون بطرف من الاطراف
وكل واحد بدو يطلع من المولد ومليان حمص
ادارة اوباما للسياسة الخارجية اثبتت فشلا ذريعا
مع انو ممكن يكون توجهات السياسة الخارجية هيك لنوصل لهون
ونحن الان امام مرحلة جديدة
اما تحل بالتتابع سياسيا وهو ما سيؤدي لانتعاش اقتصادي قادم
او تحل عسكريا وهو ما سيؤدي الى جحيم اقتصادي قادم
الذهب ملاذ امن جدا للمستقبل
الدولار ملاذ امن جدا بالوقت الحالي
الذهب حاليا اغلى من الدولار لذلك انصح بالادخار حاليا بالدولار
اما بالنسبة للسعر المتوقع بالقريب العاجل
اذا ضلينا هيك وبدون حوافز خارجية لا يوجد نطات قوية بالسعر
التدخل القادم للمركزي مو قبل سعر ال165 والي بتوقع نشوفو بنهاية الاسبوع القادم
(مشكلة التدخل الان ما عاد ينحزر عليها لانها كلمة وتقال
والاهم من ذلك قيام المركزي بتصريح مباشر انو شراي للدولار مو بالضرورة بياع
والله اعلم
بالاخر هي تحليل شخصي قد اكون مخطا وقد اكون مصيب

__________________
لن انتظرشيئا من احد سافعل مايرضي ضميري وامشي

أبو العلاء المعري

اقتباس:

المشاركة الأصلية كتبت بواسطة najm مظبوط بس بدك يقدر يفوت ليقراها هههه ....... كيفك أخي أبو العلاء من زمان ما قرأت مشاركاتك وين غاطط ؟ وبعدين بماذا جنى عليك أبوك وهو مجني عليه مثك ؟ أرجو أن لا تكون متشائما كأبو العلاء المعري الحقيقي وهو القائل أيضا حياتي تعذيب وموتي راحة وكل ابن انثى في التراب سجين

يسعد مساك اخي نجم و مسا الجميع.
اولا...انا لست متشائما....انا اصبحت كتلة من التشاؤم.
ثانيا...وضعت المشاركة للافادة العامة و تبليغ بعض الزملاء بعضهم عند طلب المساعدة عن طريق الهاتف فيما بينهم كما حدث مع استاذنا و اخونا عابر.
ثالثا ...احب ابو العلاء المعري كفيلسوف الشعراء و شاعر الفلاسفة كما وصفه الاخرون و هو اصبح متشائما بما عاناه و لم يولد كذلك.و انا لم اكن متشائما و لكن اصبحت.
رابعا.....اعجبني انك تحفظ مما قاله ابو العلاء.
خامسا....بخصوص سؤالك عن غيابي....و حضرتك ما منشوفك الا بالشهر مرة...متل الراتب...دغري بتختفي.
خامسا...ما ضل شي قولو غير اللهم فرج عن البلاد و العباد...
اخي نجم يمكن 99.9 بالمية من السوريين هم اصبحوا متشائمين و لم يولدوا كذلك..و .001 المتبقين الله اعلم شو هنن..ممكن يكونوا مج.....
او شي تاني...
كلك على بعضك كتلة من الذوق و الادب و العلم.

__________________
هذا جناه علي أبي و ما جنيت على أحد

najm

اقتباس:

المشاركة الأصلية كتبت بواسطة أبو العلاء المعري يسعد مساك اخي نجم و مسا الجميع. اولا...انا لست متشائما....انا اصبحت كتلة من التشاؤم. ثانيا...وضعت المشاركة للافادة العامة و تبليغ بعض الزملاء بعضهم عند طلب المساعدة عن طريق الهاتف فيما بينهم كما حدث مع استاذنا و اخونا عابر. ثالثا ...احب ابو العلاء المعري كفيلسوف الشعراء و شاعر الفلاسفة كما وصفه الاخرون و هو اصبح متشائما بما عاناه و لم يولد كذلك.و انا لم اكن متشائما و لكن اصبحت. رابعا.....اعجبني انك تحفظ مما قاله ابو العلاء. خامسا....بخصوص سؤالك عن غيابي....و حضرتك ما منشوفك الا بالشهر مرة...متل الراتب...دغري بتختفي. خامسا...ما ضل شي قولو غير اللهم فرج عن البلاد و العباد... اخي نجم يمكن 99.9 بالمية من السوريين هم اصبحوا متشائمين و لم يولدوا كذلك..و .001 المتبقين الله اعلم شو هنن..ممكن يكونوا مج..... او شي تاني... كلك على بعضك كتلة من الذوق و الادب و العلم.

أهلين أخي أبو العلاء المحترم
كل كلامك صح وخصوصا بموضوع التشاؤم
من فترة كتبت عالحالة بصفحتي عالفيس بوك
تجهز للأسوء
وأتت التعليقات من بعض من يقطن بالخارج أو خارج المعاناة اللتي تدعو للتفاؤل والقادم أحلى من اللي فات ... وعلى قولة أخي غسان من سمع ليس كمن رأى وكل مين يغني على ليلاه
على كلن نحنا من باب الحركشة منسأل عن الطيبين عل طول

__________________
لطف حديثك فالنفوس مريضة
ومن الكلام محنن ومجنن