مجد (مضارب سوري)

انسة جولييت ولكل مشكك لامصلحة لنا باي وضع سعر مرتفع وصدقا باننا نحاول توخي المصداقية سؤال اكثر من مصدر للحصول على السعر الأدق
لن نبيع وطنيات كما يقال بالعامية ولكن لا احد يزاود علينا وطنيا
فسوريا و فقرائها اهم من ان نشبع بعض الكروش المشبعة اصلا على حساب الفقراء

__________________
تابعونا على قيس بوك
https://www.facebook.com/Syria.Stocks

رشاد حج علي

اقتباس:

المشاركة الأصلية كتبت بواسطة omar1964 أخي رشاد أنا بفكري يشاركونا الرأي حتى نصير جزء من الحل ....

صعب بما انو الاتجاه العام اقتناء دولار
اخ هاشم المركزي بيعرف انو المواطنين يتاعملون بااليرة السورية فقط اما المضاربين دولار وهو عم يتوعد المضاربين بخسائر فادحة ان كانو تجار او مضاربين وحتى مواطنين

__________________
من علمني حرفا كنت له عبدا

أبو تيم

أسف ع التأخير بنقل السعر ؟؟؟
الطلب معدوم والعرض هائل؟؟؟

أبو تيم

أخي مجد( مضارب السوري)
كلامك صحيح
اليوم الصبح ثبتت بضاعه ع 182
والمساء ثبتت بضاعه من عند نفس التاجر ع 176

جوليت

سيد مجد أولا الله يمسك بأنوار النبي والله يعطيك العافية :
سيد مجد الله وكيلك ماحكيت شي لحتى تقلي عن التشكيك ؟؟؟ صدقا ماقلت شي , على سيرة الصدق تحية للسيد سامح والله يوجهلو الخير بعملو الجديد ... بس انا بعرف روحو معنا بجلب اخبار التتدخل ( مع سمايل غمسة )
سيد مجد شو منشان اني عميل مزدوج ... والله رح يجلطوني من هالمصطلحات والله رح يودوني خلف الشمس ,شي بألك شراء خط وشي بألك عميل مزدوج (طبعا شتان بين صاحبي يلي قالو هيك تبع الخط وتبع العميل متل الفرق مابين السما والارض او أكتر نتوفة ) ...يعني شو منشان ؟؟؟؟ يعني بضل المركزي مؤسسة وطنية حكومية مابصير نقول عنا عصابة ومافيا ومالى ذلك ؟؟؟ يازلمة والله بيزعل السيد ميالة كتير اذا سمعنا عم نقول عنو حرامي ,اي بيزعل يعني , شو هاد يا

عابر مجيب

مساء الخير
اليوم كتروا الضيوف ، وانقطعت الكهرباء بآخر اليوم ، ما قدرت اكتب
هلأ خلصت قراءة حصيلة اليوم من المشاركات
أولا انا سعيد بقراءة مشاركات لأشخاص طال غيابهم ، ربما لا نذكرهم بالاسم ولكن لطالما شعرت بفقدهم ، اتمنى ما يتركونا .

حالة السوق وتصريحات المسؤولين توحي بأن هنالك سياسة واقعية مختلفة عن السابق .
مازال المواطن بنظر المسؤولين مجرد طفل ، يحتاج إلى التوجيه ، لذلك تتم مسايرته بالتدريج .
لا بأس ما دام المركزي يتجه خطوة صحيحة إلى الأمام ، فقد ترك السوق ليصحح قليلا ، وأمسك بالعصى ملوحا بها ، ومتوعدا بيوم 21 نيسان للفرملة
أتمنى ان يكون للفرملة فقط ، وعند سعر يقارب 200 ، أقرب إلى الهاوية ، بحيث إذا سقطنا لاحقا ، لا تتجاوز أضرارنا بعض الرضوض ، وأسهل في الحساب ، يعني بنحسب السعر بالدولار بنضرب بـ 2 و بنحط صفرين .
سعر 200 قد يكون أكثر وأطول صمودا واستقرارا ، وليس صعبا تثبيت السعر بفتح البيع في كوى البنوك النظامية ، وكفى كيل التهم للصرافين والمتلاعبين واختلاق شماعات نعلم جميعا بعدم وجودها .
تخفيض السعر لن يكون إلا ارباكا للسوق ، ومساهمة بنشر الفوضى ، فمن عرف رأس ماله باع واشترى .
لا ادري كيف يقدم مسؤولا طرحا فيه ان للتجار حق البيع بأسعار متفاوته على ضوء فواتيرهم ، وكيف سيعرف المراقب أن هذه البضائع لتلك الفواتير ؟ مالم يضع حارسا قضائيا مناوبا عند كل تاجر ، كما في حالات تصفية المفلسين !
المفروض توجيه الاهتمام الفعلي لمساعدة محدودي الدخل بما يتماشى مع الأزمة ، وبمسؤولية جدية ، بدلا من ابتداع خيالات وأوهام وذر الرماد في العيون ، وتخيلات بمحاربة اشباح متلاعبين ، لصرف الأنظار عن الواقع .

انس الحموي

حماة منذ الساعة السادسة مساءا والى الان شراء 174.5 ...مبيع 175.5 واسف عالتاخر بوضع المشاركة بس النت كان سيء كتير

__________________
ما فائدة القلم اذا لم يضمد جرحا او يطهر قلبا او يكشف زيفا او يبني صرحا

رشاد حج علي

اقتباس:

المشاركة الأصلية كتبت بواسطة أبو تيم أسف ع التأخير بنقل السعر ؟؟؟ الطلب معدوم والعرض هائل؟؟؟

معناتو اول خطوة ناجحة في تحويل القطيع من الطلب الجنوني ( في ناس اليوم اشترت 5000$بسعر 200) الا عرض جنوني وانعدام طلب
اخ مجد مشكوور عالجهود الجبارة
شيرين لما نزل السعر 110 كان سعر المركزي 135 على ما اذكر

__________________
من علمني حرفا كنت له عبدا

omar1964

اقتباس:

المشاركة الأصلية كتبت بواسطة رشاد حج علي صعب بما انو الاتجاه العام اقتناء دولار اخ هاشم المركزي بيعرف انو المواطنين يتاعملون بااليرة السورية فقط اما المضاربين دولار وهو عم يتوعد المضاربين بخسائر فادحة ان كانو تجار او مضاربين وحتى مواطنين

تذبذب السعر بشكل حاد هو ما يزيد الطلب على اقتناء الدولار .
كل يوم عم شوف تجار صغار عم يوقفوا اعمالهم و ينتقلوا للدولار .. أو للبضاعة المرتبطة بالدولار بشكل وثيق
الاستقرار يخفف الطلب على الدولار و يريح المركزي من الضغط الكبير .
و اذا ضحى اليوم بمبالغ كبيرة لطمأنة الأسواق رح ينعكس هالشي على المدى المتوسط بتحسن ملموس و تخفيف الطلب ..

__________________

عابر مجيب

كل مرة بنعرف انو في ارتفاع وارتباك من خلال التصريحات النارية
فالكل بيتحفز وبيركض يشتري دولار وبيحصل عكس الهدف
متل بابيقولوا اللي بيخاف من الشبح بيطلعلو
والسؤال مين اللي خلق أولا الشبح أم الخوف