عبدالقادر

انسة جوليت بدك حلل بشكل غير معقد .سألتك نبارح سؤال صغير.مين مشارك مين.جاوبتيني جواب خليتيني فوت بالحيط .اشمعنا انتي معلش.تجاوبي وتحللي هيك وانا لاء

انس الحموي

حابب بس وصل معلومة للجميع انو تنويع الاستثمار افضل الشي وخصوصا بالظروف يلي عما نعيشها وكل شخص يمد بساطه على قد رجليه ....يعني نحن ما عما نحكي انو يستثمر بملايين بالدولار او بملايين بالعقار او بملايين بالبورصات ..كم مليون فينه يوزعهم تفاديا لاي خسارة محتملة واذا استثمار خسر هون فاستثمار ثاني بيربح من هون ...يعني كل يلي اشتغل بالدولار كتجارة 3 بالمية حسنوا يكبروا راس مالهم بالدولار و70 بالمية اشتروه للادخار بمستويات عاليه وهلىء هنه واقعين بحيرة شديدة ان نزل رح يخسروا مو بقيمة الدولار رح يخسروا من التضخم يلي عما يصير وان ارتفع ما هم كمان مو ربحانين فقط حفاظ على راس المال ويلي برجع باكد التضخم رح يبتلعه ويتلاشى واذا استمرت الامور هيك المبلغ يلي معك اليوم بعد سنة ماله اي قيمه سواء كان بالسوري او الدولار والكم عبرة من سنة الالفين الى الان مقياس التضخم يلي صار وكيف ناس كتير كلشي وفرته على مقدار 10 سنين عما تلاقي حالها من بعد 2007 هي ما وفرت شي ...وقرابة 25 بالمية يلي اشتغل بالدولار كتجارة تكبد خسائر كبيرة ...لذلك تنويع الاستثمار افضل شيء هلىء كتير ناس صارلتها شراء عقار من بداية الازمة ولهلىء بتراب المصاري بس بتحجم عن الشراء بتقلك انو نحن ببلد حرب ومحد بيعرف شو بصير وهل التفكير اكبر غلط خيفان عالعقار ما يروح بشي صاروخ وما خيفان عالمصاري يلي تاركها بمنزلك من شي سرقه او كمان يجيها صاروخها وتروح مع البيت يلي ساكن فيه !!! دايما اي استثمار بيحوي على مخاطر ويمكن ينجح او يفشل وبس حسبت بامور الغيبيات رح تخسر او رح تتردد ويفوتك القطار ...كل شخص اشترى عقار من بداية الازمة او بمنتصفها حقق مرابح كبيرة كتير ولقيت الاستثمار بالعقار على المستوى القريب او البعيد افضل بكتير من المضاربة على الدولار ...لانو بكل بساطة العقار لما عما يرتفع الدولار بيرتفع معه ولما بينزل الدولار اكيد ما بينزل العقار معه لاسباب معروفه متل غلاء المواد الاولية ومتل قلة الاراضي الصالحة للبناء وندرتها ومتل ما قالت شيرين التضخم وارتفاع الاسعار يلي تاجر العقار بيحسب كمان الها حساب ...وفي حال نزول الدولار قيمة العقار عما تبقى متل ماهي مرتفعه وفيك تبيعه وتشتري دولار باسعار متدنية ...وما بقصد الاستثمار بالعقار فقط شقق فيك اذا قلبك ضعيف وما عايش بمنطقة امنه تشتري ارض صالحة للبناء ...فيك تشتري ارض زراعيه وفيك تشتري شقق بمناطق شعبيه يلي قيمتها ما بيتجاوز 3 مليون وتستثمرها على المدى القصير والمتوسط وبالتالي بتتجنب اي مخاطرة كبيرة محتملة ....غالبا يلي عما يوقع بخطأ استثمار العقار يلي عما يستثمر مصاريه بعقار قيمته 50 و40 مليون وهون الغلط الكبير ...بس الكل فينه يشتغل ب3 مليون الى 5 مليون بالعقار ...مليون الى مليونين بالمضاربة لانها لا تعتمد على بيانات ومنهج اقتصادي وحتى ارباحها لايوزي اي تضخم حاصل ....مليون الى مليونين بالفوركس ....مليون الى مليونين بالاسهم ....مليون الى مليونين باحدى البنوك ...مليون الى مليونين بتجارة السيارات مع انو ما بحبها اطلاقا خصوصا بالظروف يلي عما نعيشها مع هيك فيك تدخل فيها براس مال من مليون الى مليونين اذا كنت بتحب استثمار عالي المخاطر ....هيك بهل الطريقة اضمنت استثمار موسع وامن وان خسر احد الاستثمارات في غيره استثمارات رح تربح وخسارتك باستثمار معين بتعطيك خبرة ومجال اكبر بالعودة لذلك الاستثمار او الابتعاد عنه كليا ....انا عن نفسي من هواة التجارة بالعقار لانو فعليا اضمن واربح الشي وبهل الازمة يلي اشتغل بالعقار ضاعف ثروته اربع الى خمس اضعاف محسوبه عالدولار ...وكمان من هواة الفوركس بغض النظر عن ارباحها او خسائرها بتعطيني متعه بالعمل وبتخليني على اطلاع دائم باقتصاديات العالم وشو عما يصير فيها...يعني بعتبرالفوركس وسيلة للتسلية والعمل بنفس الوقت بتمنى ما كون اطلت عليكم بس كتبت هل المشاركة لانو في ناس كتير خيفانه من نزول الدولار لل100 او 120 وهي مشتريه الدولار ب250 ومافوق ...ابحثوا عن عقار او ارض بتحسوها لقطة او رخيصه ومتناسبه مع مصاريكم ...وقبل ما تشتروها قسموها على سعر الدولار قبل الازمة 47 وشوفي بادش رح توقف عليكم قبل الازمة ان وجدتموها ارخص مما كانت عليه قبل الازمة فاسارعوا بالشراء وعن نفسي بضمن لكم الربح الاكيد ...يعني مثلا شقة ب2 مليون هلىء بتقسموها على نسبة ارتفاع الدولار فمثلا الدولار ب170 يعني ارتفع 3.5 مثلا بتقسم الشقة على 3.5 بيطلع معك مثلا 600 الف بترجع لسعرها قبل الازمة ان لقيت كان حقها مليون فاسارع بالشراء وان لقيتها سعرها موازي لقبل الازمة هون بيرجع الامر الك فاذا كانت مميزة وبموقع ممتاز وامن كمان يفضل شراءها ...اما ان وجدت سعرها مرتفع عما كانت عليه قبل الازمة فيفضل بعدم الشراء او التفكير مليا كم ممكن ان تجني ارباح من عملية الشراء

__________________
ما فائدة القلم اذا لم يضمد جرحا او يطهر قلبا او يكشف زيفا او يبني صرحا

جوليت

اخي سؤال الموقع يلي طلع عنو الخبر , موقع رسمي , موقع ناطق باسم المركزي لاسمح الله ( مع انو موقع محترم منشان مايفكر اني عم هاجمو لاسمح الله ويكون حدا من الشباب تبعون عم يشوفنا ويروح يعمل متل الاخ المبلغ يلي بدو يشكينا للاجهزة الامنية وتأشنا أشة لمة كل الاعضاء والمشرفين وانا كمنات )
المقال :
أشارت مصادر مصرفية مطلعة ان الفترة القادمة ستكشف الغطاء عن الترخيص لشركات ايرانية جديدة ستعمل في سوق الصرافة السورية، تأتي هذه التصريحات بعد الحملة الامنية التي تقوم بها الجهات المختصة على محاربة الشركات الصرافة والصرافيين المتلاعبين بالليرة السورية، كما تأتي وسط حملة اعتقالات تمت في مصرف سوريا المركزي خلال الساعات القليلة الماضية، على خلفية قضايا رشاوى وفساد.

كما أكدت مصادر مطلعة أنّه تم إحالة عدد من كبار مسؤولي "مصرف سورية المركزي" للتحقيق، بينهم رئيس هيئة مكافحة تبييض الأموال ومدير المؤسسات المالية في المصرف والمدير القانوني وغيرهم.

حيث قامت الجهات المختصة بالتعاون مع مصرف سورية المركزي على بحملة أمنية على شركات ومؤسسات الصرافة العاملة في سورية والتي تضارب على الليرة السورية وتقوم بعمليات غير نظامية والتي كان أخرها أغلاق شركة "حنيفة للصرافة" بعد يوم واحد من إغلاق أكبر شركة للصرافة في سورية وهي شركة " العالمية للصرافة".



وأغلقت وزارة الداخلية السورية بالتعاون مع المصرف المركزيخلال الشهرين الأخيرين معظم شركات الصرافة المرخصة وغير المرخصة، وذلك بسبب ارتكابها لمخالفات وعملها غير المعلن في السوق السوداء بحسب البيانات المتتالية من الجهات الرسمية كان أخرها يوم أمس حين تم إغلاق شركة العالمية للصرافة "سحلول"

وبحسب بيان الداخلية السورية الذي نقلته وكالة الأنباء الرسمية "سانا"، فإنّ قرار الإغلاق جاء بسبب قيام الشركة "بعمليات بيع غير شرعية بمبالغ تقدر بملايين اليورو والدولارات، وعمليات تحويل للخارج غير قانونية وفتح حسابات وأرصدة مشبوهة".
وتعتبر "المجموعة العالمية للصرافة" شركة مساهمة مغفلة مرخصة برقم 15052 بتاريخ 8/7/2007 وبرأسمال قدره 250 مليون ليرة سورية، وهي مملوكة من أبناء يسار سحلول وهي العائلة الأشهر والأعرق في مجال الصرافة في سورية.
ويأتي هذا القرار ضمن حملة قامت بها "وزارة الداخلية" مؤخراً، أدت لسحب تراخيص سبع شركات، وإغلاق العديد من الشركات لفترات مختلفة تراوحت بين شهر وستة اشهر ودائم، ومنها: مكتب "الجزائري وشركائه للصرافة"، ومكتب "ساعي للصرافة" في مدينة اللاذقية، مؤخرا، بسبب مشاركته في التلاعب بسعر صرف الليرة السورية.
وألقي سابقا القبض على صاحب شركة "الجاجة" للصرافة وعدد من الموظفين في منطقة الحريقة في دمشق، دون معرفة الأسباب، وذلك بعد أن كانت السلطات السورية أغلقت شركة "الفؤاد" للصرافة، بسبب استغلالها للمهجرين وبيعها العملات الأجنبية بناء على بطاقات شخصية وأسماء وهمية، كما نقل "التلفزيون العربي السوري"، كما وأغلقت السلطات شركة الوزان للصرافة باللاذقية لقيامه بتخزين العملات والمضاربة على الليرة السورية

وضبطت الجهات الأمنية الشهر الماضي، مكتب "جرمقاني وشركاه للصيرفة" و"الهرم" و"الرائد" للحوالات في مدينة السويداء، وأغلقتها بسبب ارتكابها مخالفات منها، وجود صندوق يستخدمه للتعاملات غير النظامية بسعر الدولار مقابل الليرة في السوق السوداء، وتعامله بالحوالات بما يخالف قانون الترخيص.
---
انتهى اخي كل شي تحتو خط ,عندي معلومات عنو , اذا حابب تعرف ,عالخاص مابحكي هيك شي ,(طبعا انت ماطلبت هيك شي بالاصل ) , جبلي كتاب خطي موقع من مشرف الصالة ,وفورا بزت المعلومات وببحتا بالصالة

عبدالقادر

قلتي انك مجرمة وكان تحليلي انا حبيت مجرمة وهاد تحليلي ليوم وبكرا وبعد شهر

انس الحموي

طبعا كانت تداولات حماة لغاية الساعة سته مساءا شراء 167 ....مبيع 170 وبعدها حطيت راسي ونمت وفقت من قرابة ساعتين وفيني جيب لكم سعر الاغلاق بس على هيك رح ازعج كتير ناس يمكن يكونوا نايمين ...يلا الصباح رباح

__________________
ما فائدة القلم اذا لم يضمد جرحا او يطهر قلبا او يكشف زيفا او يبني صرحا

عبدالقادر

انتي جوليت مبسوطة عالقطيع المالوا راعي مرة ببيع ومرة بيشتري عالاشاعة .طيب وبالاخر .هيك رح تم الامور .رح تسوء عالمواطن وعالمركري .اما نقاط مقاومة ودعم .وحاسبة نقاط المحور .موكتير.عم تنفع عنا بالبلد .وكل الناس نزلت جديدة من دون دراسة بيع وركود اشتري عندك غير هالتحليل جوليت

عبدالقادر

جوليت ماقلتي نبارح اذا نكشفت امور الدولار بليلة وحدة فوق 400 طيب مين رح يخليه يمشي هالمشوة وهاد حديثنا خلي كلشي مستور احسن

البحر الهائج

صباح الخير للجميع
وافتتاحية مباركة

عبدالقادر

بتمنى تردي جوليت ما طنشيني متل العادة نشالله بشوفك بوكرا رايقة مع الرايقين

جوليت

يلي تحتو خط : هو نفسو يلي بخليك تمشي عالعجين وماتخربطو , واذا خربطتو مابيعملك شي بس بيرجع يخليك تمشي من اولو ( وهون الطامة انو بشجعك ترجع تعيدو من اولو وبألك بالاعادة افادة وبيعطيك شوية محفزات وانت بتعيدو وانت مبسوط ومروق كمان ) , بخليك عم تمشي بحلقة مفرغة , تقطيع وقت المهم تقطيع الوقت بس هادا المهم , ودير بالك مو هو نفسو تبع خط عجين المواد التجارية .
دمت اخ قادر من العجانين وليس المعجونين