المشاركة الأصلية كتبت بواسطة salam l

ايييييييه شو رجعتني لايام ماضية.. ونظرية الخمسين بالمية اللي سجلتوها باسمي رسميا ههههه

بتعرف من كتر مافي هلق خمسينات ميات حواليي تخيل اني بطلت فكر!! وساكتة وناطرة القدر كيف بده يمشينا؟؟ ولوين رح ياخدنا؟؟؟

يعني فيك تقول تم الانتقال من نظرية الخمسين بالمئة.. الى النظرية الصفرية (سجلي ياها هي اذا بتريد).... حيث اللاشيء هو الذي يحكم ....

وطالما مابقدر قول اللي عم فكر فيه عن جد وبحرية... التزمت الصمت بكتير نواحي من الحياة.. لانه بيضل اشرف من اني قول شي مالي مقتنعة فيه او عم اكذب فيه على حالي والناس...

المشاركة الأصلية كتبت بواسطة ابوحمزه

أهلين أخي لقمان

معلش من كتر مشاركاتي بالمنتدى عملو علينا حظر بحلب ...
ومن كتر ما اسعار البورصة جيدة وأخبارها ما عم نتابع مجريات الاحداث لأنو الاحداث عنا بحلب متلاحقة وبدون فاصل إعلاني ..

والله يا اخي لقمان لو قسنا على جيتك لحلب فبعد ما تركتنا لاصت الامور عنا .. فنحن من مصلحتنا ترجع لحلب بلكي بترجع الامور متل ما أجيت أول مرة لعنا ...

الموضوع المطروح موضوع يستحق النقاش لكن بالنسبة للفتوى فلا يجب أخذها إلا من أهل العلم لأن كل حالة تختلف من شخص لآخر ..
(فَاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُونَ)

المشاركة الأصلية كتبت بواسطة tareq

أخت سلام ضربتي على الوجع ..... السلطة الدينية.... للاسف الدين تحول الى حفظ مجموعة من الكتب والقاء خطب في المناسبات ولم يعد من روحانيته شي الا من رحم ربي. اغلقوا باب الاجتهاد ووضعوا شروط صعبة له وتتحججوا بعدة حجج واهية. والله تعالى قال : ما جعلنا عليك في الدين من حرج. من شهرين وانا عم ابحث ب 3 قضايا مجتمعية جدلية وانصعقت بالنتائج يلي وصلتلها بس غير قادر على التصريح فيها لانو أرباب الشعائر الدينية بيخرجوني من الملة والدين وبينهدر دمي. عودونا على التلقي باتجاه واحد فقت ولغوا دور عقولنا لا وبدهون يحاربوا الديكتاتورية وهي تمارس عندهم بعشرات اضعاف الديكتاتورية السياسية.

لمجرد نقاشي مع شيخي بعدم اقتناعي بما يسمى الحضرة وكيف يمكن ان اعبد الله واذكره بالقفز والصراخ جاوبني انت افهم من المشايخ الكبار يلي بالبلد يعني . انت افهم من فلان وفلان وفلان وكان ذاك في ليلة القدر وانسحبت يومها ورفضت المشاركة. جاوبتو انو يلي بيعلمني الصح وما بيلغي عقلي بحطو على راسي وبلي بدو بس يحفظني كتاب ويلغي العقل يلي ربنا ذكرو اكتر شي بالقران وامرنا انو نشغلو فما برفعو اكتر من مداسي.

حسبي الله ونعم الوكيل احسن شي. لقمان باشا كترلنا من مواضيعك الملغومة.

المشاركة الأصلية كتبت بواسطة ابوحمزه

الموضوع المطروح موضوع يستحق النقاش لكن بالنسبة للفتوى فلا يجب أخذها إلا من أهل العلم لأن كل حالة تختلف من شخص لآخر ..



(فَاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُونَ)

المشاركة الأصلية كتبت بواسطة tareq

أخي لقمان بالنسبة للموضوع الاساسي يناقش بالقاعدة الفقهية الشهيرة: الضرورات تبيح المحظورات وبالقاعدة الفقهية المقيدة لها وهي: تقيد الضرورة بقدرها وهما مشتقتان من قوله تعالى: فمن اضطر غير باغ ولا عاد فلا إثم عليه

لا يمكن تعميم الاباحة والمنع للجميع بل تعامل كل حالة بخضوضية منفردة عن غيرها مثلا: شخص سرق متاع منزله ولا يملك المال الكافي لتعويضه هنا يمكنه شراء المستعمل وان كان يعلم بانه مسروق مع جهله بصاحبه الاصلي ولكن بمقدار مقيد: اي يشتري من الاثاث والادوات ما تمكنه من الاستمرار بالعيش ممكن فرشات ينام عليها او غسالة او براد. بس ازا انسرقتلو جلاية او جهاز رسيفر او اي شي من الكماليات متل السيارة لوجود مواصلات عامة تغني عنها فلا يحق له شراء المسروق كتعويض لانها امور ان لم يحصل عليها لاتؤثر على مجريات الحياة. والله تعالى أعلم واليه ينتهي العلم كله

عملاق الأمة سيدنا عمر بن الخطاب عطل حد السرقة عام الرمادة لمن ثبت انه سرق لكي يطعم نفسه وعياله.

من نعم الله علينا ان صمم أرواحنا بطريقة تستطيع فيها تمييز الصح من الخطأ حتى لو اسمرأت الخطا وهذا ما عناه الرسول صلى الله عليه وسلم بمعرض رده على الصحابي الذي ساله عن الإثم فقال له: الإثم ما حاك في صدرك وكرهت ان يطلع عليه الناس وإن أفتاك الناس وأفتوك.

وبالنهاية من استغنى أغناه الله من فضله. ومن ترك شيئا لله عوضه الله خيرا منه.

أما بشكل شخصي فكما تفضل الأخ ابو أيهم الموت عندي أطيب من استخدامي لشي اعلم انه سرق من صاحبه الذي دفع ثمنه من جهده وعمره.