الأسهم السورية ( المضارب السوري) - سعر صرف الدولار مقابل الليرة 28-3-2012 بالسوق السوداء

الأسهم السورية ( المضارب السوري) (https://syria-stocks.com/forum/index.php)

رد: سعر صرف الدولار مقابل الليرة 28-3-2012 بالسوق السوداء

اقتباس:

المشاركة الأصلية كتبت بواسطة مجرد إنسان (المشاركة 179651)

أخي العزيز : نحن نريد سعر السوق الفعلي السائد حتى نعرف ما الوضع الفعلي على الارض ..
والحمد لله انا ما انضريت ^_^
ويا ريت تبعتلي على الخاص رقم صراف بالشام ببيع بأدنى سعر عندك ، لحتى نخلي الناس تشتري منو لما بدا وهو بيستفيد وبياخد رزقتو ، وهنن ما بكونوا انغدروا..
اما تحطلنا سعر وما في حدا بالشام عم يبيع او يشتري عليه ، بتكون مشكلة وما بكون سعر سوقي فعلي
وعلى فكرة في ناس فعلا سعرها اقل من سعر السوق وهؤلاء يكونون على تماس مع العراقيين والايرانيين وهم غالبا في مناطق انشطة هؤلاء ...

وما زلت عند رأيي *_^ في منع جميع الاعضاء المسجلين بعد 1-1-2012 من وضع الاسعار (وانا منهم ) ههههه
ونخلي الطاقم القديم الذي اعطى الموقع سمعة جيدة حول اسعار السوق هو الذي يدرج السعر حسب طريقتهم الاكثر هدوءا ومصداقية مع احترامي للجميع

على كلا هاد رأيك صحيح انا بالمنتدى جديد بس قديم كتير بالسوق .
انا دائما بعطي اسعار حلب وما بعرف ولا شي بالشام ارجع على مواضيعي وشوف كلهم حلب
معناها انت الغلطان لاني دائما في فروقات بين حلب وبين الشام
بتزكر مرة بالمنتدى بالشام 94 وبحلب 90 معناها انت لازم تنتبه بين حلب والشام

رد: سعر صرف الدولار مقابل الليرة 28-3-2012 بالسوق السوداء

السلام عليكم
اخي مجرد انسان انا اراقب ايضا معك و هناك بعض الاخوة فعلا اسعارهم غير طبيعية .........و لكن الاخ ابو حسن عم يعطي ارقام صحيحة و للانتباه هي ارقام لحظية و اذا لاحظت كل ساعة عم يعطيك سعر و عم يذكر بالمقابل سعره السابق
بس انا لاحظت انو بحلب احيانا السعر بيكون سابق للاسعار عندنا بشوي و هذا على ما اعتقد هو سبب عدم التطابق بينك و بين ابو حسن
اخ ابو حسن اوجه مرة اخرى شكر لك و لكل من يوصل المعلومة الصحيحة

رد: سعر صرف الدولار مقابل الليرة 28-3-2012 بالسوق السوداء

والله ماحدى عم يقدر يركز شلون بيطلع وبينزل الدولار بهي البلد يعني وضع البلد الامني والسياسي من سيئ لأسوء ومع هيك الاقتصاد عم يتحسن والله شي غريب والله خايف تجن العالم من هاد الوضع والخسارة ويروحو يتظاهرو ههههههههههه شكلون مو حاسبينها :)

رد: سعر صرف الدولار مقابل الليرة 28-3-2012 بالسوق السوداء

اقتباس:

المشاركة الأصلية كتبت بواسطة ahmad hamdi alsharif (المشاركة 179602)

أنسة شيرين أو الأفضل لي أنا بحب ناديكي الليدي شيرين بدي ياكي تعرفي إنه انا مالي ضدك ئلك كشخص بالعكس أنا معاكي بكل شي 100% بس أنا بخاف من شغلة مهمة عايش فيها وهي انعدام الثقة في سوريا بكل شيء يعني انا التاجر لما بيحلفلي إنه مابيقدر يبيع بضاعته بسعر أقل لآنه راسمالها أكثر من هيك أنا مستعد إحلفله كمان 100 مرة إنه هو كذاب وبده يسرقني والسبب إنه نحنا هون عايشين بمجتمع ذئاب للأسف ويمكن بأي لحظة تنهار البلد بس نحنا بيبقى علينا أمر واحد أمام الله إنه مانكون نحنا قائدين الفتنة وانعدام الثقة يعني بمشاركتك السابقة في حال كانت صحيحة لاسمح الله بتعرفي انه البلد بتنهار بأقل من يوم واحد وممكن يصير الدولار بمليون ليرة سورية لذلك عندما تريدين النقاش في مثل هذه الأمور يجب عليكي الانتباه جيدا الى مدى صحة المصدر الذي ينقل الخبر تحياتي لكي واذا بتحبي تصيري تعرفي وضع السوق خلال النهار بشكل لحظي هذا رقمي ********* وأتمنى بالنهاية أن تتفهمي أمر مهم وهو أننا جميعا أخوة في المنتدى ونبحث عن المصلحة العامة .

أخي الكريم أحمد
اانا لم أرى مشاركة الأخت شيرين
لكن أحببت أن ألفت نظرك لنقطة هامة
وهي جانب آخر تماماً
باعتقادي طبعاً أن الفتنة هي بحقيقة الأمر - التعامي -
اقناع الذات والآخرين بخلاف الواقع - بقصد أو بدون قصد -
فبالتأكيد أن من الجيد أن تضع أمامك جميع الاحتمالات وأسوأها طبعاً لكن بموضوعية تامة
وانت ذكرت ممكن تفيق غدا - لا قدر الله - والبلد منهارة
يعني قصدي بقدر ما يجب ان تعتب على الأخت شيرين بنشر معلومة تفيد أن الأمور ليست بخير
أرجو أن تعتب على غيرها ممن يوهم الناس أن الأمور ممتازة وحتى جيدة

خلاصة مشاركة : يجب أن نصل لتحديد واضح لمفهوم الفتنة
لأن الكثير يستخدم هذا المصطلح بما يخدم مصالحه الظالمة والجائرة

رد: سعر صرف الدولار مقابل الليرة 28-3-2012 بالسوق السوداء

اقتباس:

المشاركة الأصلية كتبت بواسطة أبو حسن (المشاركة 179652)

أخي أبو حسن ما تزعل من أخونا
لكن أنت بمشاركاتك الأولى ذكرت أنك ممن يؤيدون نزول الدولار وفرحت بذلك
وصرت تضع أول الاسعار وهو يهبط لحظة بلحظة
فقط نرجو منك ألا تختفي حين صعوده وتضع لنا تغيره الأقل من لحظي