المشاركة الأصلية كتبت بواسطة salam (المشاركة 71184)

قرار الزواج هو اهم قرار بحياة الانسان...وفي كتير ناس عاشوا تعساء لانو حبوا شخص معين وماكان نصيبهن...فهيك قرار مافيه مسايرة لا بأضعف الايمان ولا بأقواها

وألا توافق معي أنو هاد تسليم بالوضع الاجتماعي الراهن على انو هو الصحيح...وهو استسلام له...
التغيير يبدأ بالتوعية...لما كل اب وكل ام بيعرفوا انو هاد حق ولادهن وهنن دورهن النصيحة والتوجيه...فما رح يزعلوا كل هالقد من اختيار الولد أو البنت...الاستلام لهي القيم اللي مالها علاقة لا بالشرع ولا بالمنطق هو اللي وصلنا لهون....صارت كلمة بر الوالدين تستخدم بأبشع الصور للاسف....بيجي اب او ام مالهن قايمين بتلات رباع واجباتهن تجاه ولادهن وبيطالبوا بالطاعة المطلقة....انا بشوف البر شي مختلف عن الطاعة....لو كان الاسلام قصد انو البر هو الطاعة بكل امور الحياة اليومية معناها مافي ولا انسان حر بهي الدنية إلا اليتيم اللي مالو اب او ام لأنو بيكون وقتها هو الوحيد اللي حقه يتصرف بحياته بدون هي السلطة....
الاختيارات الشخصية هي ملك كل شخص طالما كان بالغ وواعي وراشد....وانا بتمنى يكونوا هيك ولادي بالمستقبل واذا انا شخصيا كان عندي رأي ضد رغبتهن بأي شي بحياتهن فحقهن ياخدوه ويتحملوا مسؤوليته....وواجبهن تجاهي كأم (لما صير أم هههه) هو واجب الرعاية والعناية أما حياتهن فهنن حرين فيها....