الأسهم السورية ( المضارب السوري) - صالة أسعار صرف الدولار وباقي العملات و أسعار الذهب مقابل الليرة السورية ليوم الاثنين 8 -7-2013

الأسهم السورية ( المضارب السوري) (https://syria-stocks.com/forum/index.php)

اقتباس:

المشاركة الأصلية كتبت بواسطة shereen (المشاركة 281648)

وانت بخير اخ عمر هادا بكل انحناء سورية او بمناطق معينة الاربعاء رمضان وياريت تعطينا اخر سعر وصل اليه الدولار بحماة

آخر سعر شراء
متأكد منو 100 %
263 للمبالغ الصغيرة اقل من 1000
مبيع ما في كلو بيقول ما عندي تعا بكرا الصبح..

اول رمضان الأربعاء بالدول التالية سوريا السعودية و لبنان و مصر و يمكن ايران لذلك غالبا رح يكون
بكل سوريا

شكرا خاص للانسة ميرا وللاخ الليرة السورية وللاخ عمر والبديل ولكل ما عما اتذكروا وساعدنا

عم فكر اقلب اموالي لكرز اربح من الدولار

من اسبوع كان كيلو الكرز ب 250 قلت بنتظر شوي لينزل بعد يومين ارتفع صار ب 300 - 350

هلأ وانا راجع لقيته كاتب عليه 550 قلتله شو هاد الكرز من بيت مين ؟؟؟؟؟؟؟

فشو رأيكون اذا الدولار باسبوع طلع 50 - 60 ليرة فالكرز طلع 300 ليرة يعني لو جايب بمصاري كرز كنت بعتون و قلبتون دولار اربحلي

اقتباس:

المشاركة الأصلية كتبت بواسطة adib (المشاركة 281661)

شكرا خاص للانسة ميرا وللاخ الليرة السورية وللاخ عمر والبديل ولكل ما عما اتذكروا وساعدنا

سعيدة اني قدمتلك فائدة :)

اقتباس:

المشاركة الأصلية كتبت بواسطة sam sam (المشاركة 281625)

اكد لي صديقي الصراف وهو صديق من ايام الدراسه ان يوم غدا انهيار السعر الوهمي دون تصريحات

الله يسمع منك والله أمور البشر تعبانة شو بدن يلحقو ل يلحقو وهالفقراء من وين بدي تطعمي اولادها بهالغلى الكبير كتير
وهالبشر يلي تهجروا وما معن بالعامية ( حق ملح ) شو بدو يصير فيهن
يارب بجاه هالشهر الفضيل تهدي البشر وترجعلها عقولها وتهدي الوضع ببلدنا الحبيب سوريا
اللهم آمين

القامشلي وتوابعها الساعة ثامنة ونصف مساء شراء دولار 300 وانا بعت 100 دولار مصروفي وبع لا يوجد تامل يراعك الله

اقتباس:

المشاركة الأصلية كتبت بواسطة h.assi (المشاركة 281646)

والله يا أخي الكريم أنا عندي ثقة كبيرة بتحليل الأستاذ رامي
وبناء عليه تم الخروج بثلث رأس مال المضاربة على 235 و الثلث الثاني على 255 ولو حدا اليوم دفعلي 275 كنت رح بيع كمان و بظن هالأسعار اللي موجودة هي فقاعة بس كبرت هالمرة شوي بسبب طمع البعض وغباء البعض الآخر و الصراف اللي بتعامل معوا قلي انا اليوم واقف لا عم أشتري و لا بيع و السوق مطابشة و اللي عبيشتغلوا هنن الوشيشة بس !!!!!
هذه ليست دعوة للشراء أو البيع ، و لكن هذه تجربتي وتحليلي الشخصي ..... وانا بتحمل الخسارة و الربح!!!!!

كبرت الفقاعة ولا صغرت المواد يلي بتهم لقمة عيش الشعب بس يطلع سعرا نتيجة ارتفاع الدولار ماعم ترجع تنزل لما بينزل الدولار وهادا المهم ,الدولار بالنسبة الي زبالة يعني ورق مو أكتر بس المواد يلي عم تتسعر عاأساسو أكيد مانا زبالة .
بالنسبة لتحليلاتا المشرف تحليلاتو كانت منطقية لما كانت الامور ماشية وفق منطق معين ولكن يلي ميصير هلأ مافيو جنس المنطق (طبعا مافيو منطق لألنا )بس أكيد كلو منطق للحيتان ومصاصي دم الفقراء , ولما بيحط تحليلاتو بيبني عاأسس علمية مابيبني عأساس سوق البلطجة والشطح وأكل .......... , أما انك خرجت أو دخلت من السوق ماحدا ماسكك ايمتا بتفوت عالسوق وايمتا بتطلع ,بالأصل هو سوق مالو بواب حتى البواب الوهمي بطل يكون وهمي وتركو
وعفكرة انا مابهمني وشيشة ولا بطحيش ولاهامور انا يلي بهمني كل الصحف المواقع الموالية وغير الموالية والمعارضة وغير المعارضة والمبيضة وش ويلي مابتبيض وش أكدت انو الدولار لامس السبعين , أكيد المواد لما بتتسعر عالهرقم بصير هادا الرقم حقيقي سواء تم التعامل فيه او لا