|
سعر صرف الدولار بالليرة السورية بالسوق السوداء 3-4-2013
أغلق سعر الدولار يوم أمس على 118.5 شراء و120 مبيع مرتفعا 3 ليرات عن سعر الافتتاح من نفس اليوم يبدو أن اليوم سوف يكون حافلا بالمتغيرات وان أفضل ما نفتتح به جلسة اليوم دعاء دخول السوق عل الله أن يكتب الخير لجميع السادة الاعضاء والمتابعين بسم الله،اللهم إني أسألك خير هذه السوق،وخير ما فيها وأعوذ بك من شرها وشر مافيها اللهم إني اعوذ بك أن أصيب فيها يمينا فاجرة أو صفقة خاسرة |
1 مرفق
شكرا أخي دايناميك على " الديناميكية " في الافتتاح و جزاك الله كل خير
ليش السوق " أغلق " لحتى يفتح ؟ لأول مرة في حياتي أرى سوق سوداء تعمل 24\24 ساعة ولاول مرة أرى تحديث لسعر الصرف يتم في توقيت مماثل مين عم يشتري و يبيع دولار الساعة " 12 " يا شباب ؟ أم أن القصة " إستغلال مصداقية " و بث حالة رعب جديدة لخلق نقطة خروج جديدة يستغلها البعض قبل " انبعاج " الفقاعة ؟ استغفر الله العظيم من كل ذنب عظيم |
السلام و التحية لجميع الأعضاء والزوار الآكارم ارجو الإجابة على السؤال الآتي : هل ستسفر إجتماعات المركزي على قرار من شأنه تخفيض سعر الدولار مع الشكر الجزيل
|
اقتباس:
للأسف كان هذا هو سعر الصرف الساعة السابعة مساء أمس أحيانا يصل خبر سعر الإغلاق الموثوق الى ادارة المنتدى في وقت متأخر نتمنى للاستاذ أديب ميالة وطاقمه التوفيق في محاولاتهم لكبح الارتفاع المخيف لسعر الدولار ونعلم ثقل المسؤولية الملقاة على عاتقهم وحجم التحديات التي تواجههم بالمحصلة إرتفاع سعر صرف الليرة السورية مصلحة وطنية لكل السوريين ولاأعتقد أن أي سوري يتمنى أن يرى طفلا يأكل أو يلبس الردئ لضعف قدرة والده الشرائية |
مساء \ صباح الخير جميعاً
في شي غريب صار معي .. تحديداً صباح الثلاثاء حوالي الساعة 11:30 سألت عن اونصة الذهب عيار 24 .. و كان أفضل سعر انعرض عليي حوالي 187000 للأونصة الاصلية .. علماً ان الدولار كان مبيعو 118 بنفس الوقت و سعر الاونصة حسب الشاشة كان تقريباً 1600$ وبحسبة بسيطة .. 187000 ليرة ÷ 1600$ = 116.9 تقريباً يعني بهالحالة بتكون الاونصة انحسبت على دولار 116.9 .. بينما بمشاركات الاعضاء كانوا عم يقولوا انو الذهب محسوب على 113.3 .. شو رأي الستوكسية بهالكلام ؟ |
بارك الله فيك أخي و انا اتفق معك حول نقطة " فشل المركزي "
و لكني اتساءل حول بقاء تحديث اسعار الصرف |
اقتباس:
اقتباس:
أخي الكريم تحية لك - بالنسبة لتعديل السعر فنحن نحاول تعديله بمجرد حصولناعلى سعر جديد سواء بارتفاع او انخفاض أما التأخر بالتعديل فقد يعود لسببين إما أن المشرف المسؤول لم يكن متواجدا نتيجة انقطاع الانترنت او الكهرباء و إما أننا لم نتثبت بعد من السعر الحقيق -ثانيا لايوجد أي استغلال لنقطة خروج أو دخول من أحد و كما ننوه دائما نحن لا نسعر الدولار و إنما نحاول وضع السعر الأصح بالسوق وهل تظن أن الصرافييين ينتظرون أن نسعر لهم ليبيعوا ؟؟؟؟؟؟ السوق السسوداء موجودة قبل سيرياستوكس و أتمنى أن تعاملنا بالنية الحسنة و لا تنسى التمس لأخيك بضعا و سبعين عذرا |
اقتباس:
مسا الخير .. شي طبيعي بخصوص التحديث .. ببعض الاوقات ممكن تشوف التحديث تم 3.30ص وهالشي ما بيعني وجود سوق بهالوقت .. بس بيكون آخر سعر للسوق قبل اغلاقه تحياتي لك |
لأ القصة انو المنتدى هون عم يحاول يعطي السعر الواقعي للدولار بأكثر دقة ممكنة مشان ما حدى يستغل أو يخورف حدا بسبب جهله بالسعر الحقيقي ..طبعا هو سعر حقيقي بالنسبة للكثيرين و وهمي بالنسبة للبعض ...و نفس هدول البعض يللي معتبرينو سعر وهمي بيخافو كتير لما بينذكر ليش ما بعرف مع انو بنظرهم وهمي ....يروحو يشتروا من برا ب 70 و اذا حبو يبيعوا بالسعر الوهمي الموجود هون اكيد رح يلاقو مين يشتري منهم
بصراحة انا صرلي فترة بهالمنتدى و جميع المشرفين و اغلب الأعضاء على سلامتهم و بينصحوا لوجه الله مو مشان مصالح خاصة او غيروا...و حتى تعديل السعر يللي فوق ما بيتم حسب ما لاحظت غير بمراعاة دقة كبيرة ...يعني احيانا بنط سعر السوق شي ليرتين او تلاتة لفترة و بيرجع و ما بينعكس فوق غير اذا ثبتت هالنطة بالسوق فترة منيحة...مشان هيك لا تخاف و لا تشك ..هاد هو السعر (الوهمي) الحقيقي بالسوق السوداء السورية وهاد الحكي ارجو ما تعتبروا شخصنة لأنو فقط لتوضيح الواقع من وجه نظر اخرى.....مع احترامي و محبتي للجميع |
مو ميالة وحدو داخل على المنتدى باسم مستعار !!!!!!!
صباح الخير على لجميع
مو ميالة وحدو داخل على المنتدى باسم مستعار !!!!!!! الظاهر انو مكاتب الصرافة موجودين معكم خطوة بخطوة و حابين يحمو سوق بكرا من هلق لهيك روقوا اعصابكن و لا تخلون يستفزوكن ما حدا رح يشتري مع تمنياتنا بالتوفيق للجميع |
اقتباس:
انا كشخص مبتدئ من حقي " كما اعتقد " ان الجا لرحابة صدركم بالاسئلة لاستفيد من خبرتكم بالمعلومات ولكني اتفاجا منذ تسجيلي الاول " منذ شهر " بهجوم شخصي غريب عجيب على كل ما اكتب و كأني " أديب ميالة " في اسم مستعار و أتوقع ان البعض يظن اني موظف براتب اجلس خلف كمبيوتر و وظيفتي هي البلاهة وملاحقة المواقع من حظي اني الان اخاطب احد المشرفين صديقي ارجو منك ان تشاهد عبر لوحة المنتدى الدول التي سجلت دخولي الى الموقع منها انا تاجر سوري تم تخريب معظم ممتلكاتي عمدا و تم تهديد حياتي بشكل جدي و تعرضت لمحاولة قتل غادرت سوريا على اثرها و انا الان مشرد بين بلدان العالم " و يحرم علي طرح سؤال " اخاف ان لم اعرف اجابته ان يموت والداي السبعينيان من الجوع في سوريا انا لم اشخصن اي حديث و انما طرحت تساؤلات برياة لم تجد للاسف سوى انياب بعض الاخوة اكرر " انا شخص عادي " لا اثر ولا اقل و ان كان وجودي في هذا المنتدى ثقيلا ارجو تنبيهي برسالة ادارية حتى اغادر بصمت ولكم جزيل الشكر |
اقتباس:
أنا أقول لك أن المركزي نجح الى حد بعيد في الحد من تدهور سعر الصرف حتى ثلاثة شهور مضت لكن الوضع على الأرض يفرض نفسه أعتقد أن الدفاع عن مستويات سعر الصرف الحالي ممكن بتوفر القليل من الامكانيات الكتلة الكبرى من الليرة تم امتصاصها منذ الأشهر الأولى للأزمة عجلة الاستيراد متوقفة كما توقفت عجلة التصدير دعم مالي بالقطع الأجنبي للأطراف المتقاتلة على الأرض كل من حلفائه ولكن المشكلة في توفر تلك الامكانيات التي أظن أن المركزي يمتلكها ويحاول ادارتها بالطريقة الامثل حسب الظروف بالنسبة لسعر الصرف أقرأ مشاركاتي فأنا موجود ضمن السوق على مدار الساعة وصديقي صراف يزودني بالأسعار لحظة بلحظة وأنا online بشكل مستمر لأني أدخل عالنت عبر الهاتف النقال أعتقد أن إدارةالمنتدى ستستفيد من الأسعار التي أضعها بعد التأكد من مصداقيتي فأنا من الأعضاء الجدد |
اقتباس:
الله يعوض عليك و على كل من تضرر والله يفرجها على كل سوري وإنشاء الله بترجع بالسلامة وبيرجع السلام و الأمان للحبيبة سورية.... قولو آمين |
صديقي كلامي كان عاما و لم اتوجه لشخصك الكريم او لاي شخص اخر
انا كنت اظن ان من حقي ان اسال حتى اتعلم شكرا للجميع |
صباح الورد لجميع الساهرين (والنايمين كمان) نسيت احكيلكم موضوع صار معي الأسبوع الماضي (نسيت أنو يوم) مريت عالمصرف التجاري فرع 17 غالباً ( يلي بالبرامكة) سألتهم إذا في تعليمات جديدة عن بيع اليورو فجاءني الجواب كما يلي: 1- تفتح حساب 2- يحق لك شراء 1000 يورو 3- تدفع ثمن الـ 1000 يورو حسب السعر في التجاري يومها 4- بعد 10 ايام تستلم 500 يورو 5- بعد ستة أشهر تسحب الـ 500 الثانية 6- يحق لك شراء 5000 يورو بالسنة بهذه الطريقة وبما لايزيد عن 1000 يورو في شهر واحد طبعاً عملت وراء در ونسيت الموضوع..... هذا ما حدث معي معقول هالكلام.... وديعة إجبارية ستة أشهر؟ شو رأيكم ... حدى عندو معلومات غير هي؟ |
أسعد الله صباحكم بكل الخير والبركة اللهم لا تجعل الدنيا أكبر همّنا ولا مبلغ علمنا |
اقتباس:
"مين عم يشتري و يبيع دولار الساعة " 12 " يا شباب ؟ أم أن القصة " إستغلال مصداقية " و بث حالة رعب جديدة ؟"السؤال بهذه الصيغة ليس سؤال استفهامي وليس سؤال شخص طالب للمعلومة وإنما هو سؤال تشكيكي وبطريقة ساخرة وهذا ما فهمه الأعضاء والمشرفين بالإضافة لأنه لك تاريخ بالمشاركات المماثلة والاستفزازية والدليل المناكفات الجارية مع الأعضاء طوال هذا الشهر. |
اقتباس:
|
تصبحون على خير نرجو من الله أن يكون يوم غد فيه كل الخير للجميع |
يلا ياشباب
قوموا ناموا الساعة 2.30 ولا بس يحضر الأخضر بيطير النوم من عيونكم أنا رايح نام تصبحوا على خير |
صباح الخير للجميع
و الشكر للأخ دايناميك بلاس على الافتتاح... والله اسمك صعب و طويل و ما ظابط مع كتابتنا بالعربي............. بركي بتلائلك شي اسم تاني ..... باعتبار ماهو الاسم يلي مسماينك فيو أهلك...... و كمانة بركي بئية الشباب بيعملوا هيك...... يعني مثلا : يعني يكون الاسم ممكن تتخاطب في و يكون سمة لألك و ما ضروري يكون الاسم الحقيقيي .... و الله في أسماء بالخطاب مانها عمتظبط مثلا بدي أؤول أخي الليرة السورية ...اي و الله مانا ظابطا أخي و لليرة !!!!! أو أخي اف 2920أو أخي م-ب ام ب.... أو اختي اس دم تك طلاع....... أو اخي: راح طالع الزير من البير و راجع؟؟؟ أو أخي سوريا يا حبيبتي أعدت لي حريتي أعدت لي كرامتي............... --------------------- مع تحيات أخوكم لقمان ......أبو حكيم الدين....... واقعا و افتراضيا...هيك بكل بساطة ..... |
راح ساويلكون حملة تشجيع لتصحيح أسماؤكون بالمنتدى ......
و كمانة نحن عمنكتب بالعربي و نتخاطب بالعربي لي ما يكون الاسم بالعربي كمان ......... يعني راح ساويلكون شي اسمو حرية موجهة للصالح العام .......... و راح نفرض هالحرية بكل ديمقراطية عليكون بكل ما أوتينا من قوة و من أسلحة دمار و أسلحة فتاكة و غير فتاكة........... |
وهللأ عن اذنكون راجع نام....
بلا دولار بلا أسماء بلا حملة تصحيح..... |
صباح الخير للي نامو وفاقو ويسعد اوقات اللي لسه مانامو سوريا انتي الحبيبه |
صباح الخير للجميع
الذهب يتهاوى وسعر الأونصة الآن 1567 دولار. ما هي الأسباب ياترى؟؟ منذ يومين قرأت احدى المشاركات التي تقول يجب شراء الذهب حاليا من أجل التحوط بسبب وجود توتر واحتمال وقوع حرب بين امريكا وكوريا الشمالية!!!!!!! |
الذهب ألى أين؟؟؟؟؟ظ
صباح الخير للجميع الذهب يتهاوى وسعر الأونصة الآن 1567 دولار. ما هي الأسباب ياترى؟؟منذ يومين قرأت احدى المشاركات التي تقول يجب شراء الذهب حاليا من أجل التحوط بسبب وجود توتر واحتمال وقوع حرب بين امريكا وكوريا الشمالية!!!!!!! |
اقتباس:
فيك تشتري 1000 يورو كل شهر لحد ال 5000 يورو وبتقبض ال 1000 بعد 11 يوم بس لما تشتري كل 1000 يورو بدك تحط قيمة 500 يورو بالليرة السورية وديعة لمدة 6 شهور وبهالحالة لازم تحط عال 5000 يورو ما يقابل 2500 يورو بالليرة السورية وديعة بالبنك يعني من الآخر عملوها تعجيز حتى الناس ما تشتري وازا بدك تروح تشتري ما بتلاقي ولا بني آدم عم يشتري لأنو تجارة خاسرة بالأخص انو كل يوم عم تتدهور قيمة الليرة فإذا بدك تقبض الوديعة بعد 6 شهور وبالليرة فعليا رح تقبضها أقل بكتيرررررررررررررررررررررر يا ريت يكون كلامي واضح |
صباح الخير للجميع
|
صباح الخير جميعا
|
صباح الخير ،،،
صباح الهمه العالية ،،، ان شالله بداية نهار ملؤه الخير والتغيير والتنوير والتطوير ،،، الدولار يتقدم بقوة نحو قمة جديدة.. |
اقتباس:
ورجع اعتذر فشكلك انت يلي عم تستفز |
يتابع زوج يورو/دولار طريقه في الهبوط ليستهدف دعوم متدنية قد تلامس النقطة 1.2618
|
Gold Today : 1565
|
:)EUR/USD (EURUSD=1,2802
NO STOCK NO GOLD NO EUR NO Haus Bay dollar go sleep |
اقتباس:
صباحو أخي أبو حكيم والله أنا من فترة كنت عم فكر غير اسمي لنانسي أو نجوى مو مشان شي بس لأني كنت مفكر أنو الشباب عندون قناعة أنو زر الشكر بيكهرب في حال كان المشارك ذكرBig GrinBig GrinBig GrinBig GrinBig Grin طلع زر الشكر مابيشتغل على كل المتصفحات مشان هيك سامحونا ياشباب ظلمناكم بس لقيت أحسن الشي فكرتك أبو حكيم رح عرف عن حالي من خلال التوقيع محسوبكم أبو محمد |
اقتباس:
صرنا تنين ابو محمد |
شباب حدا يزودنا بأسعار الذهب
معي حوالي 80 ألف بتنصحوني أشتري ذهب ولا دولار وشكراً كتيييييييييييييييير |
يسعد صباحكم
|
اقتباس:
gold 700 ist ok. ist ok oil 39 Dow Jones 7000 ist ok . bay dolar be happy:) |
صباح مبارك للجميع و حاجة مناكفات على المنتدى و بكفي يللي عم يصير بسورية |
| الساعة الآن 11:18 PM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks