|
تحليل لسعر الدولار مقابل الليرة 10-7-2013
تذكير بتحليل الأمس 9-7-2013 ......................................... اقتباس:
تم نشر تسريبات حول تدخل المركزي بضخ 50 مليون يورو وذلك بعد اجتماع سوف يعقد اليوم. ان هذه العملية بالتأكيد (في حال حدوثها فعلياً) سوف تقوم بتنزيل سعر الدولار مقابل ارتفاع الليرة، لكن الى أين ؟ أول نقطة سوف يستهدفها المؤشر هي نقطة تكسر خط 300 ليستقر عند حدود 290 وذلك بتأثير الشائعة، وفي حال حدوث الخبر فسوف يكون له عودة الى قواعده السابقة والتي كان آخرها النقطة (240) لينطلق منها من جديد، ولتكون نقطة تجميع في حال كسر هذه النقطة. أما في حال عدم تدخل المركزي واختائفة فإن لا سقف للدولار في ظل اضطراب السوق. للمدخر: راقب سوق اليوم وادخل عند الارتدادات. بالتوفيق للجميع |
المركزي وفي حال تدخله الحقيقي فإنه يتصرف بنفس الطريقة في كل مرة والفاشل هو من يستخدم نفس الاسلوب بكل مرة وينتظر نتائج مختلفة وبنفس الوقت فإن الحدث في سوريا أكبر من قدراته |
الله يعطيك العافية استاذ رامي
|
شكرا بروكرنا الحبيب على تحليلك
المشكلة هذه المرة أنه لا يوجد سقف للدولار في حال كان تدخل المركزي وهمي ككل مرة أيمكن أن تصبح الليرة اللبنانية أغلى من الليرة السورية؟؟؟ |
شكرا استاذ رامي عالتحليل
بتوقع جملة الحدث هو أكبر من قدرات المركزي والدولة هي مربض الفرس ..... وكل الحلول الإسعافية بدها تضل ضمن نطاق الفقاعات ...... وما بدي كون متشائم كتير وئول انو الناس صار عندها مناعة من فقاعات المركزي |
على فكرة ...... لو بيعرف المركزي هالمرة يشتغل صح دورو الأساسي كإبرة المخدر ... فينو يطول تأثير التخدير حتى يقضي الله أمرا .. -------------------- المختصر العالم كلياتا متحوطة بالدولار و بالتالي القدرة الحقيقية على امتصاص كميات كبيرة من العملة الأجنبية داخل سوريا الآن أضعف من السابق ..... --------------------------- فتح باب بيع الدولار أو اليورو بدون شروط و حتى بدون تحديد الكميات .. له تأثير مخدر قوي جدا لفترة قد تطول .. ---------------- أما وضع الشروط و تحديد الكميات .. فكأنك عمتؤول للمريض لا تخاف بدي خدرك لساويلك عملية و باذن الله حتما سوف تموت.. مستحيل يتخدر ...راح يضل فايئ و مفتح عينيه التنتين.... و مبظبظلك ياهون و عميشرب بهالقهوة و المنشطات مشان ما ينام .... أما اذا التلوا للمريض بدي أعطيك ابرة تخدير ... و باذن الله راح تنام نومة أهل الكهف و نعملك عملية بس راح ترجع فيها شب بعمر المية... و بدنا نجوزك كمانة ...اي راح ينام المريض بالعسل أبل التخدير بتجي انت يا بنكنا المركزي وئتا بتخدروا للمريض عن جد مو تخدير وهمي وهمي بالكلام يعني بتشتري هيرويين أو كوكائيين أو حشيشة و بتخدروا للمريض ... انت بتحاول تلائي حل ...أو مخدر تاني و بيكون المريض نايم بالعسل بس بين ايدين رب العالمين ..... |
شكرا استاذ رامي عالتحليل
انا جديد عالمضاربة بالعملات شراء الدولار او اليورو من اغلب الصرافين عم يكون عالهوية والقوانين الجديدة بتحدد شراء العملات الاجنبية سواء من حيث الكم او عدد مرات الشراء شهريا بتمنى اعرف كيف عم يتم التعامل مع هي النقطة بالتطنيش؟ ولا في صرافين بيبيعوا دون الهوية وتسجيل بياناتك عالكمبيوتر |
يوم سعيد للجميع
امبارح في القامشلي صباحا صار خربطة قوية في السوق نتيجة ملاحقة الصرافيين النظاميين والغير نظاميين واجبارهم على الشراء بسعر 200 وبيع بسعر 225 ونتيجة ذلك توقف السوق صباحا وفي المساء وخصوصا المناطق خارج السيطرة استقرت السوق واصبح شراء دولار 290 وبيع 300 |
اقتباس:
فليس عندي معلومات عنه يمكنك ارفاق سؤالك بصالة اسعار الدولار http://syria-stocks.com/forum/showthread.php?t=14722 |
جزيل الشكر استاذ رامي
مبارك عليك الشهر الفضيل و اعاده الله عليك مع والدتك فرّج الله كربها |
| الساعة الآن 06:39 PM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks