اقتباس:
المشاركة الأصلية كتبت بواسطة البلخي
لازم احد يخسر أحيانا و أحد يربح
من يريد الدخول الى اسواق المال يجب أن يحضر نفسه و يتسلح
بالعلم و الخبرة و الجراة ومن لا يملك هذه الصفات فأنه سيخسر حتماً
و من الافضل له أن ينسحب قبل فوات الاوان
و لا ننسى أن نذكر قبل كل شيء الاتكال على الله سبحانه ،،،
|
أستاذ البلخي، المشكلة أنو مو مين ماكان يلي عم يربح مقابل خسارة صغار المستثمرين، يلي عم يصير أنو في عالم كبار هنن عم يربحو عالمرتاح وهنن يلي عم يلعبو بالأسعار كل الوقت، يعني فجأة ومن دون سابق إنذار بينط الدهب مو عشرة ولا عشرين ولا تلاتين، بينط 100 دولار للأونصة خلال خمس أيام تداول مع ارتفاع حاد مترافق مع الدولار علما بأنو بعز الأزمة يلي صارت ب2008 ما صار هاد الارتفاع الحاد، في حين المشكلة اليونانية هي أقل بكتير من الأزمة يلي صارت
في حالات لعب بالبورصة الفوركس هدفا تقشيط صغار المستثمرين مصاريهن