رد: سعر صرف الدولار مقابل الليرة 7-2-2012 (السوقي)
اقتباس:
المشاركة الأصلية كتبت بواسطة shereen
هوة لازم نفكر بشغلة انو ليش عملتنا لهلق مااتدهورت يعني من زمان اذا بتصير حريقة بشي محافظة كانت الليرة فورا تنهار اذا ببتذكر وقت صار مرة مشكلة بمبنى الامم المتحدة باوتوستراد المزة جنت العالم ونزلت الليرة ويومين وطلعت ورجعت متل ماكانت فالمفروض على هالاحداث كان لازم تصير الدولار ب 150 ليرة من 5 شهور بس اول شي المركزي ضخ كميات منيحة ببداية الازمة وبنصها وخفف من حدة الارتفاع تاني شي انو اللي بدو يحول مصاريه لدولار حولهم من زماانننن واللي بدو يطلعهم لبرا طلعهم من زمانننن وتالت شي وهو الاهم الحركة التجارية شبه معدومة لابيع ولاشراء كل البيع والشراء محصور بموضوع الاكل والشرب حتى اسعار العقارات نزلت بقوة والاجارات بالمزة ودمر وكفرسوسة اللي بتعتمد على الشركات كلها راحت والاجارات نزلت كتير يعني اللبيت بمشروع دمر كان يتاجر ب 35 الف اليوم ب 20 الف مافي مين يستاجرو ونفس الشي العقارات كمان حركة البيع خفيفة جدا فبظن انو تدهور العملة فوق ال 100ليرة امر صعب -شكرا لقراءة التعليق وعذرا على الاطالة -
|
وفي احتمال وارد كمان انو اذا شددو العقويات ونقص الدولار واليورو والاستيراد صار صعب وبعد تسكير المعامل تبع السكر وشماكل المازوت والبنزين والمواد الغذائية الرئيسية هون الناس بدها تعيش يعني المواد الغذائية والمحروقات اساسية جدا فاذا اضطرينا نستوردها مع العقويات بدها تدهور العملة كتير فوق ال 100 وفوق ال 150 وتصبحو على خير