رد: سعر صرف الدولار مقابل الليرة 14-3-2012 بالسوق السوداء
اقتباس:
المشاركة الأصلية كتبت بواسطة رائد
رأي :
أرى أنه من الضروري جداً جداً أن يبقى هذا الموضوع لوضع السعر ، وأن يبتعد بعضنا عن الدفع والنصح في هذا الموضوع ولو معنوياً في زيادة الاتجاه المؤلم المدمّر لاقتصاد بلادنا وتحويل الدولار إلى سلعة للمتاجرة في محاولة لبناء الثروات والمكاسب الشخصية - لابارك الله لهم - بينما تحاول الدولة جاهدةً الحفاظ على قوت الطبقة التي تئن تحت مختلف أنواع الضربات وبدون الخوض في تفاصيلها...
يعني سيد بشار/مجد أنت تحاول أن تنصح من بعيد لبعيد وبالإيحاء المكشوف أن يتاجر الناس بالدولار (( لانه بنظرك إلى صعود ))..وبذلك التصريح تتحمل أمام الله ورسوله مسؤولية هذا النصح سواء أدى إلى خسارتهم المريعة - بإذن الله كما أتمنى لكل مضارب متاجر بلقمة عيشنا - أو إلى ربح كبير على حساب زيادة - بؤس - البشر... ولا أعتقدك تتمنى ؟؟؟ وفي كلتا الحالتين أنتَ غير محق وشريك في أمر غير محمود كي لا أقول أكثر.....
- تقبل رأيي مثلما تقبلت قراءة نصيحتك .
|
كلام غريب واتهام غير واقعي. كالعادة نحمل معاناتنا للآخرين.
طيب ليش ما انزعجت من المداخلة التالية والتي تنصح بالبيع لأن السعر إلى هبوط. بعدين ليش برأيك الموضوع لما بيكون لوضع الأسعار شو بيكون الهدف ؟ أليس البيع والشراء. ؟
يا صديقي الناس هنا لا تتاجر بلقمة الناس بل تحاول جاهدة الحفاظ على لقمتها. شو مفكر أكبر تجار بلدك هون؟؟؟
وأنت تعرف من قامر ولا زال يقامر بلقمة الناس. بعدين في طرق كتير أمام الدولة منذ فترة طويلة للحفاظ على قوت الناس مثل الرقابة التموينية ورقابة الأسعار ومكافحة الفساد وغيرو وغيرو .
بعدين أفدت أنك تتمنى هبوط الدولار (شو هالرأي الحيادي)وأن يمنى من يشتريه بخسارة فادحة .. طيب المسكين اللي حاول بس يحافظ عقيمة أمواله المحدودة وباع هلق شو بدو يصير فيه؟؟ ممكن أعرف وسط ارتفاع الأسعار هلق ووقتها شو رح يصير بقوت يومه؟
بعدين الزلمة طرح رأي وأنت تقريبا دعيت عليه وفيها شبه ....... وحملتو مسؤولية أمام الله ... وما بعرف شو كل هادا رأي؟؟ طيب وإذا نزل ؟ ما بيكون أخد حسنة بهالعالم. ؟؟ لأنو قال رأيو( وممكن ما حدا ياخد فيه) كي تحافظ الناس (الشعب الفقير) على قيمة مايملك... ما بعرف..
يعني حضرتك كنت تسأل بمشاركات قديمة الك : شو أخبار الريال.؟؟ لانك بدك تعرف سعر الريال وتقلباته المتوقعة ماهيك؟؟ أما استخدامك الو وتصريفه والناتج عنو فهون تكمن الفكرة. بشو بدك تستخدمهن؟؟ . بس الرأي تبع التقلبات والتوقعات مو مشكلة.
تقبل رأيي