عضوية مميزة
تاريخ التسجيل: Apr 2009
المشاركات: 4,860
شكراً: 67,497
تم شكره 35,134 مرة في 4,783 مشاركة
رد: سعر صرف الدولار مقابل الليرة 20-3-2012 بالسوق السوداء
اقتباس:
المشاركة الأصلية كتبت بواسطة alhakim
صباح الخير
معقول 6 مليون أو حتى 20-25 مليون دولار على مدى أسبوعين تكفي لتثبيت الدولار في سوريا في شي مو مظبوط
في 3 إحتمالات
1- المركزي يدعم بأكثر من المعلن عنه
2- التجار و المواطنين ينتظرون هبوطه أكثر ليشترو دولار
3- السوق يغذي نفسه بنفسه
أيهما أقرب برأيك ؟
نورونا الله ينور عليكون و يخفض ساعات قطع الكهرباء لأنو ماعاد شفنا وين رايحين من الضبابية بالموقف!!! |
اقتباس:
المشاركة الأصلية كتبت بواسطة $aboud
في شي غامض ماعم افهمو ؟؟؟؟؟؟؟؟؟؟؟؟؟؟؟؟؟؟؟؟؟
كيف المركزي بيبيعو شركات الصرافة
وشركات الصرافة ماعم يبيعوا او عم يتحججوا بحجج سخيفة .....؟؟؟؟؟
|
خليلاي عبود والحكيم والله كل واحد فيكم بيتميز على التاني
سبحان الله المنطق السليم والفطرة السليمة تودي إلى الحكمة حصرا .
ويقال أن الممارس غلب الفارس ، يصعب أحيانا الاكتفاء بتخيل أمر ما ، يقولون أن العالم من اتعظ بغيره والجاهل من اتعظ بنفسه . أنا أرى أن العالم يبقى محدود العلم ، بينما هذا الجاهل سيترقى ليصبح بمصافي الحكماء .
انتهت المقدمة .
فاجأني رأي الحكيم ( أن السوق يغزي نفسه بنفسه)
وأعجبتني ملاحظة الحجج السخيفة التي أوردها الأخ عبود .
فقد تبين لي اليوم وبعد ملازمة متواصلة للصرافين أن استنتاجهما صحيح 100$
فالسوق يغزي نفسه وتحرم عليه المركزي اذا باع سنت ، وكل ما فاض عن السوق يتم تجميعه وبيعه للمركزي ، يعني السوق شغال على من دهنو سقيلو واللي بيفيض بيطف على التنكة تحت الصينية . والدولار في هبوط مستمر يومي والناس عم يلحقوا حالهم وشايفين البيع اليوم أحسن من بكرا . يعني السوق أخد دفشة من المركزي وركد لحالو . بدك شوية وعي وبدك هاد الجاهل يصير أكتر حكمه ويكشف كذب الراعي .
بالنسبة للآراء ، دخيلك على شو العجلة ؟ قلبلك صفحتين زيادة وشوف كم رأي زيادة بتتنور ، شو اذا الواحدعندو رأي بدو يقلب على غير صفحة ! نحنا بنفس الصفحة بنستسئل أحيانا نحط شكرا . وبعدين مين رح يفطن لرأي بصفحة تانية ؟ شو يحطلنا رابط يعني ويقول ( معذرة شرين شوفي ردي على سعرك على الرابط كذا .... ) بنروح كلنا وبنكمل هونيك الحوار . الانسان بيضل فضولي .
مشاكل الاسعار من الصرافين واختلافها حسب المبلغ : اليوم رحت لصراف، بعد ماكنت الصبح سائل 3 صرافين وكانوا عم يستنوا الطحين ليخبزو . قلت لواحد شلي ياهون طيب إذا هلأ مافي ضحك وسأل جوا ورجع قلي ما عم نثبت . ( عرفتو عم يستنى زباين تبيعو ولا في مركزي ولا حدا ).
المهم الضهريات عند الصراف لموا الهويات وقال خلص هدول وبس ما عنا طحين يكفي ، اشتريت على التسعيرة 77.80 ( هالمقطعة والمحدودية يعني السعر أقل من الحقيقة لتثبيت الدعاية بالهبوط وبس ) . وكمان على الوصل بيكتب مزبوط وبعدين بيضيف 2 بالألف بحد أدنى 2$ عمولة للرقم الصغير وقف علي السعر 78.08 . هاد الحكي ما بيخطر ببال اللي بيسأل وما بيشتري لأنهم
معذرة للاطالة .
تحياتي .