رد: سعر صرف الدولار مقابل الليرة 20-3-2012 بالسوق السوداء
اقتباس:
المشاركة الأصلية كتبت بواسطة فراس السكري
لا تتم عملية الاستبدال إلا بموجب مرسوم، ولا يمكن ان تقل فترة الاستبدال عن ثلاثة اشهر، كما يوجب القانون اذاعة المرسوم القاضي بعملية الاستبدال، بجميع وسائل النشر الملائمة، كما يقوم مصرف سورية المركزي في مركزه بدمشق، وخلال خمس سنوات اعتباراً من بداية عملية السحب، بتسديد قيمة الاوراق التي تدوم للتبديل دون أن يتقاضى اي نفقة، وينفذ احكام التقادم على الاوراق التي لا تْقدّم للتبديل وتعود قيمتها الى المصرف المركزي،
|
والله يا أخي فراس. مع أنو الحقيقة كانت واضحة متل الشمس. بس ما بعرف كيف في ناس كانو عم يطلعولك سنجق عرض ويقولو أنو لا، رح بيدلو العملة. ورح يضربو الدول يلي عم مدري شوي. ومدري كيف. وعم ينحمقو. ويطلع الدم لراسهن. وعندهن مصادر موثوقة. وجريدة مدري وين يلي ناشرة الخبر. ومدري مين رايح يجيب مدري شو. والأمور جاهزة. وخلال أيام.
وإذا قلتلهن حكيكن غلط وتخبيص بتخبيص. بيشككو بوطنيتك. وأنك أنت عم تتمنى يطلع الدولار.
الحمدالله أنو المصرف المركزي صرح وبق هالفولة. مع أنو الجرايد كاتبتها من كم أسبوع. وأساسا هي الجرايد والمواقع الإلكترونية لازم نعمل إكس عليها وعلى أخبارها ، لأنو لو كان عندها شوية شرف مهنة، ما بتطلع هيك إشاعات من دون ما تتأكد من حقيقتها.