رد: سعر صرف الدولار مقابل الليرة 25-3-2012 بالسوق السوداء
اقتباس:
المشاركة الأصلية كتبت بواسطة سندباد
هلق السلع مو مهم تنزل اسعارها فجأة متل الدولار ...
المهم انو الدولار يثبت على سعر معين لفترة لا تقل عن 3 اشهر
لما بثبت الدولار السلع تدريجيا بتنزل سعرها بسبب المضاربة بين التجار يعني مثلا
تاجر مسعر سلعة ما على اساس الدولار ب 100
بعد فترة بجي تاجر تاني بستورد السلعة نفسها و بحسبها على اساس الدولار ب90
وهيك بصير مكاسرة بالاسعار ....حتى تنزل السلعة الي السعر المتناسب مع الدولار
و هاد الشي يتطلب وقت و استقرار بسعر الصرف ... |
شي أكيد أنو استقرار سعر الصرف هو عامل كتير مهم متل ما كتير ذكروا هالشي بس قصة النجار و المضاربة مو ظابطة أبدا لأنو التجار عنا كلهم مدعومين (اذا ما كانو هنن نفسون المسؤولين) و محتكرين للمواد كلها و خصوصا الأساسية ....يعني ما حدى بيسترجي يستورد شي و اذا استورد فرح تخرب المواد وما رح تدخل من الحدود أو الميناء...بقا هي شغلة المضاربة مو واردة عنا (حاليا)....هاد بغض النظر عن انو كل المواد بالسوق اشتراها التجار بسعر دولار مدعوم من البنك أقل من 50 (على أساس انو هاد دعم للمواطن!) و ما حدا استورد على دولار 100 و لا حتى 80 كلها من البضاعة المخزنة بالمستودعات...بس يا حيف على هيك حكومة و هيك محاسبة!