رد: سعر صرف الدولار مقابل الليرة 15-4-2012 بالسوق السوداء
اقتباس:
المشاركة الأصلية كتبت بواسطة shereen
مساء الخير جميعا اليوم الموقع كتير هادي حبيت حط مشاركة وياريت اعرف رأي الاعضاء بالمنتدى فيها :
اول شي بالموضوع الاحداث بالبلد سمعت اليوم انو الحكومة مو رضيانة اتدخل مساعدات بتعرفو ليش قال مشترطين انو المساعدات تكون كاش مشان يشترو المواد التموينية والاغاثية من سوريا مشان اول شي يفيدو التجار طبعا اغلب المعامل معروف مين صاحبها تاني شي ياخدو الدولار اللي جاية من الاغاثة ويشترو فيها اسلحة مشان يهدا الوضع
تاني شي اللي عم يطالب بانخفاض الدولار مافهمت شو مصلحتو اذا حدا بيقللي لترخص المواد التموينية لح قللو كذاب ومية كذاب لانو اليوم على سبيل المثال اشتريت زهورات العطار كان حقها 65 اليوم حقها 115 والزهورات فخر الصناعة السورية وبايدي محلية والزهورات هللق وقتها بالربيع وماشاء المي كتيرة ونهر بردى لح يطف بس الحكومة عم تعمد لاتخام التجار بالمال بدون اي رقيب نهائيا فشو السبب حدا يشرحليي
تالت شي واخيرا سعر الدولار كان عند ساحة المحافظة الساعة 8 72,45 بيع وشكرا
|
منشان المياعدات بدهم مصاري من شان الفساد و النهب يصير مضاعف
مرة عند شراء المواد من التجار بسعر يتفق عليه الطرفان (فساد اول)
توزيع المساعدات خيار وفقوس (فساد ثاني)
نهب جزء من المساعدات قبل توزيعها( فساد ثالث)
وبعدين انا بصراحة ما بثق بالهلال الاحمر السوري و موضفينه كمان متلهم متل غيرهم من الموظفين (فيه نسبة فساد عالية و شفافية معدومة)
اضافة الى انهم مخترقين من الاجهزة ال
.
.
بالنسبة للكساد بالبلد كانو يللي مستثمرين محلات تجارية بحلب كلهم على الاطلاق لما عم يخلص عقد الاستثمار او الاجار عم يسكروا و ما حدا عم يجدد
يعني ما عم يضل عم يشتغل الا يللي محله ملكه
انا هيك لاحظت