رد: المتابعة اللحظية لجلسة تداول الإثنين 14-5-2012
لأخي العزيز نجم أفندي
الصندوق السيادي هو عبارة عن صندوق ممولتو الدولة بشكل رئيسي وبعض النقابات وصندوقنا يلي عم نستناه اسمو الصندوق الوطني للاستثمار
رأسمالو 2 مليار قابل للزيادة للـ 50 مليار
بيشبه صناديق الاستثمار العادية Exchange traded funds أو الـ mutual funds بتكون استراتيحية لشراء الأسهم من السوق وبعدين بس تشتري بكامل رأس مالها بتصدر وحدات استثمارية units وبتبيعون للناس وبتكون هيك الوحدة الواحدة بتتكون من عدة أسهم بنفس الوقت بحسب نسب الأسهم الداخلة بالاستراتيجية وبسعر السهم الواحد بالسوق
وكون الصندوق هو من أموال الدولة فبيكون هدفو الرنيسي مو يصدر الوحدات ويبيع العالم بسرعة متل شركات الـ mutual funds وإنما هدفو الرئيسي الشراء بالسوق المالي لدعم اسعار الأسهم المدرجة فيه وبيصدر الوحدات الاستثمارية على مهلو بس يصير الوضع مناسب لأنو الدولة بتعتبرو استثمار طويل الأجل long term investment
طبعاً دخولو وشراؤه بكميات كبيرة رح يأدي لرفع الأسعار بالسوق
أما عن مقارنتنا بالسوق السعوية فصح أخي نجم بس لا تصح المقارنة لسبب بسيط
هو إنو لما السوق السعودية بلشت تنزل كانت قيمة المؤشر العام تبعها index
15000 نقطة
تخيل بلشو 1000 ووصلو للـ 15000
فإنت متخيل إنو وسطياً أسعار أسهمها متضاعفة 15 مرة
أما سوقنا بلشنا بـ 1000 نقطة وأعلى قيمة وصللها بألـ 1700 يعني وسطياً ما دوبلت حتى
أكيد مو بشي بس أكبر سبب هو الفرق الشاسع بين عمر السوقين
أما اليوم يا نجم فمؤشرنا تحت نقطة بدايتو 874 نقطة
السعودية ماقربت حتى على 1000 ويمكن أعلى قيمة وصلها مؤشرنا أقل من أقل قيمة وصللها المؤشر السعودي بضعف
