مجرد إنسان

أحبك الله الذي أحببتنا فيه يا أبو أيهم وان شاء الله بنجتمع بجنة الخلد
الله محيي أصلك ، شايف كيف ، والله اذا بقعد 3 ساعات فكر بكلام حلو متل كلامك بحياتو ما رح يطلع معي كلمتين منن
يا أبو أيهم : أنت شمس والناس كواكب ... إن أنت أشرقت فالشباب تغيب
اخوك لا خبير سياسة ولا اقتصاد ولا تحليل ،وبتمنى كون تلميذ عندك ، والبركة بالمنتدى اللي تعلمت منو كتير والتقيت فيه بناس يستحيل نسيانهم على مر الزمان ، مع اني مو من الناس اللي بتقتنع بشي اسمه معرفة على النت ، بس هون بالمنتدى اختلفت نظرتي لهالموضوع بعد ما شفت انو شعبنا فيه أذكى الناس وألطف الطباع وبعض أكثر الناس خبرة وقدرة ، ولي الشرف ان اكون هنا بين اخوة اعزاء واساتذة قديرين في مدرسة الحياة قبل ان تكون في الاقتصاد او المال ..
وبالأول وبالآخر : لسنا ملائكة فنحن بشر .. نخطئ ونصيب ، نفرح ونحزن ، نغضب ونهدأ ونتقلب في بحر عواطفنا ومد الحياة القاسية وتقلب اشواطها ونسأل الله أن يثبتنا على دينه ..
والشكر لأخونا أبو حازم على جهده وماله وتحمله معنا ، فقد استطاع أن يجمع في المنتدى زهور سوريا ورياحينها وبعض أشواكها ( متلي أنا )
ومتل ما بقولوا : البركة هي بمعرفة الناس الأوادم والبركة الأكبر بصحبة الناس الطيبين أمثالك وأمثال من ذكرت وأمثال بقية اخوتنا ممن لا يخلو بالنا منهم وهم يعلمون بأنهم لا يغيبون عنا حتى في حال اضرابهم
نفتقد لاخوة تركونا .. نرجو عودتهم ونأمل سلامتهم أينما كانوا ومهما كانوا يفعلون ..
ويا ليتهم يرجعون .. فالسماح من شيم الكرام
والسلام ختام

__________________
{بل نقذف بالحق على الباطل فيدمغه فإذا هو زاهق ولكم الويل مما تصفون}