رد: جلسة صالون سيريا ستوكس ليومي الخميس 19و الجمعة 20 - 7-2012
اقتباس:
المشاركة الأصلية كتبت بواسطة لقماان
صباح الخير للجميع
و الشكر للمدام رندة على الاستضافة .....
يا أهل الشام ما بدنا الاحباط و اليأس يتسلل لنفوسكون
الشي يلي عميصير عنكون هو شي مؤلم للقلب ...
بس لازم تتعودوا عليه و تكونوا أقوى منو .....
منتمنى منكون نحن أهالي حمص ...انو نرجع نشوف مشاركاتكون المميزة يلي ما بتخلا من الظرافة و اللطافة الشامية المعهودة ......(بس بدون تنقير على الحماصنة لأنو انتوا أهل الشام وأت بتحطوا الحمصي بدماغكون و بتستلموه سبعة بلدي و الله بتدوخوه و و بتفوتوا بالحيط و بتخلوه يفكر حالوا حموي...)
بدنا ياكون ترجعوا تكتبوا
و تذكروا ...وأت عمتكتبوا أنو الحياة بدا تستمر ....
تذكروا انوا كان في ناس كتير عمتكتب معكون هون ومن تحت الطاولة (فعلا لا مجازا) وأتا كان عنكون بالشام ما في شي.......
الله يتلطف بهالبلد .......
لا تبكوا ...البكي ما بيساوي شي ....
بدك تبكي ...بكي بس عالسكت و انت بين ايدين رب العالمين و عمتدعي بالليل...
منتمنى نشوف صوتكون و تعليقاتكون يا حبايبنا ياأهل الشام معبية المنتدى .....و معبية الشام ...
و الله يفرج على الجميع
و رمضان كريم و تقبل الله طاعتكم .......
|
الحمصي ما بصوم اول يوم رمضان
قال لانو بكون صعب كتيير
على راسي ابو حكيم ..... بتعرف احيانا بقول خرجنا خلينا نعيش بجو الخوف وصوت القصف لانو ما حسينا باهل حمص ولا اهل درعا ....
لذلك خلينا نتذوق اللوعة معلش منستاهل ....
بس يا ابو حكيم يلي رح يجنني انو كنا نشوف القصف من الدبابات والطائرات ونسمع صوت صفير الصواريخ كل هاد كنا نشوفو عالجزيرة واحيانا مقطاع فيديو عالنت ..... فوقت تروح لعند حدا مالو مصدق وتقلو شوف الافلام .. بجاوبك وبقلك ( هي مفبركة وكلها كذب ) قولك بما انو شافها اليوم بعيونو شو بتتوقع قال ورد بما انو مع الحق ؟؟؟