عضوية مميزة
تاريخ التسجيل: Dec 2010
الدولة: سوريا /حمص
المشاركات: 5,510
شكراً: 18,885
تم شكره 22,038 مرة في 4,797 مشاركة
...............تأملات لقمان في حمص ............
تأمل سريع (1)
شو هالملل هاد ......
كل يوم صوت القصف ...
و كل يوم صوت الطيران ...
و كل يوم صوت اطلاق النار ...
و كل يوم بتسقط محافظة ...
و كل يوم الجيش عميطهر محافظة ......
على سيرة التطهير ....
طلع خبر بزمناتو على التلفزيون السوري
انو الجيش السوري يطهر صلاح الدين .....؟؟؟
و أنا في عندي أخ دكتور اسمو صلاح الدين ..!!!!
و أخي كتير مشهور بالطب و السياسة.......
و هللأ هو برات البلاد الله يوجهلوا الخير هو و عيلتوا....
المهم هون توقد الفكر الحمصي عندي ....
و ألت لحالي ما شاء الله عليك يا أخي انت مشهور بكل شي ....
و بعتلوا رسالة على الموبايل و أنا عمهنيه و ألتلوا
ما شاء الله عنك شو مشهور ..هللأ طلع اسمك على التلفزيون ......اللهم لا حسيدة.......
نحنا و صغار اجا المطهر عبد الحق و أولاده
(ما شاء الله عنو عاملي شركة عائلية كمانة )
و طهرنا و طهر اخوتي و جيرانا ..و مين بيطلع بوجهو..ما بيخلص منو ..............
و كان ياخد اجرتو و كمشة الشوكلاطة يلي مستعود ياخدها وئت بضيفوه العالم و هنن متوقعينو ياخد شوكلاطاية وحدة ....
أما انت كل الجيش العربي السوري عميطهرك ...
ما بعرف أفرحلك ....و لا أؤول الله يساعدك.....باعتبارك خايض التجربة سابقا وئت كنت صغير ... و كل شي بيزيد عن حدو بينئلب لضدو...
مينو المطهر عبد الحق :
كان في عنا بحمص مطهر أولاد من بيت عبد الحق
يمكن مطهر كل أولاد حمص...محلوا كان عند الجامع النوري الكبير بحمص ...
بس شوفو الملاحظة ...
بالفعل هو كمان ما كان يطهر الولد لحتي يأسقطو...
يعني كان بيسقط الولد على ضهروا ...
و من ثم كان يقوم بتطهيروا .....بس هو بيأسقط و هو بيطهر...............
والله هالمطهر عبد الحق عامل رعب لكل الرجال بحمص ....
و كان اي واحد بيمرق من ادام محلوا بينرهب من الارهاب ... و بيبلع ريئوا بصعوبة و بينشف دمو من الخوف انو يرجع يصير معو هللأ متل شو صار معو وئت كان صغير ......هو أو اخواتوا.....
علي الحلال هاد المطهر ارهابي بمعنى الكلمة...
مو الكل عميخاف منو ...........
لاء لسا مشربو الصنعة لابنو كمانة.......
بس سبحان الله كأنو راحت ايامو .......
و راح المحل يلي ورثوا عن ابوه
مو المحل بحمص القديمة بتم السوء المسقوف عند الجامع النوري الكبير ...
................سبحان الدايم............
هللأ صار هو المطهر ما عاد يسترجي يمرء من ادام محلوا ....بعد ماكانت كل الرجال ما بتسترجي تمرء من ادام محلو...........
سبحان الله ...لكل زمان دولة و رجال..........
__________________
أبو حكيم الدين