عضوية مميزة
تاريخ التسجيل: Dec 2010
الدولة: سوريا /حمص
المشاركات: 5,510
شكراً: 18,885
تم شكره 22,038 مرة في 4,797 مشاركة
...........الاثنين 12 آذار2013............
كنت في الشارع ...باعتباري آعد خالي .....
مو خالي أخو أمي الله يرحموا ...........
يلي نصب علينا الورتة ...هو الآعد ...
خالي هداك هللأ مستلقي......
خالي هون يعني أنا آعد خالي من العمل و بالشارع ..يعني صاير شوارعجي بعيد عنكون .....
لأني شايف انو المطالب و الأمنيات كلياتا عمتتحئئ بالشوارع.......
المهم وئفت عند كومجي ادام البيت بعرفوا من زمان و نحن رفئة ....سبحان الله هو ما كمل دراستوا و تعلم هي المصلحة و أنا كملت 18 سنة دراسة على الفاضي......هو بيؤلي نيالك انك درست
و أنا بؤولوا نيالك انك تعلمت مصلحة و انت حر حالك
المهم ضلينا رفآت ...لأننا ربيانيين سوا ...
كان صاحبي عميفك دولاب و أنا عمتساير معوا ...
ما نسمعلكون الا العالم عمتعيض سكر وا بسرعة ...
ونط عسكري و صار يسكر بواب المحلات بايدو ...
و السيارات فاتت ببعضا ...و العسكري يأشرلها مشان ترجع
و ما كانوا يفهموا عليه....
اي دائت خلائو هالعسكري آم اشتغل الرش بالسما مشان العالم تفهم .....و اشتغل الركيض بالشارع ما حدن عرفان شو ...النسوان تركض ...الولاد تركض
...و صاحبي الكومجي كان اخطيطوا فاكك الدولاب
اجا بدوا يهرب ..آم تشعبط فيو صاحب السيارة و آلو
لوين ...ركبلي الدولاب الله يسترك مشان نهرب ....
أنا ركضت على البيت و تركت رفيئي و عشرة العمر
و التلوا آسف ......
و الت يا فكيك ...و ركضت مشان لححئ البيت .....
البناية صارت متل خلية النحل هاد طالع و هاد عميهرب أهلوا و هاد عميضبضب....
اسألون يا جماعة شو في ...ما حدن يعرف ...
جارنا في عندوا مشغل خياطة ...ركض لعندو جارنا التاني وهاد كتير غلبة متل أيمن رضا ببقعة ضوء ...
و صرخ يالله روحوا على بيوتكون و بلا شغل اليوم ,,و اشتغلت النساوين بالركيض ....و هداك العسكري لساتوا عميرش بالسما و ما كانت العالم تفهم عليه شو بدو .....
بعد شوي ...بيجي الجيش بينصبلك مدري منصة هاون مدري راجمة صواريخ والله ما بفهم فيون أنا
المهم نصبون مآبيل دوار الرئيس عند الجامعة وباتجاه بابا عمروا و بيطلعلكون منو شو صوت العالم ماتت من الفزع و ما حدن عرفان هاد صوت شو
عجب هو صوت اطلاق و لا صوت سقوط...المهم كان في مرأة ختيارة عمتئطع الشارع على ميت مهلا ...
وئت طلع صوت الصاروخ اخطيطا صارت تركض و لا تؤولوا صبية عمرها 15 سنة من الرشاقة ..
و بعد ما أطعت المفرء و صارت بالأمان
رجعتلا ذاكرتا العجوزية و رجعت تمشي على الهوينة و على ميت مهلها........و هي عمتتفرج يمنة و يسرة عجب في حدن شاف ولدنتا على الخوف هللأ ....يعني خافت على هالتها الاجتماعية ما تتزحزح............
صاحبي خلص تركيب الدولاب و بسرعة البرق كان منزل الواجهات و آعد جوات سيارة الزبون .......
شو طلع الموضوع يا حزركون و لي كان هالعسكري عميطلق النار بالسما ......؟؟؟؟؟؟؟؟؟؟؟
........................يتبع..................
__________________
أبو حكيم الدين