الأسهم السورية ( المضارب السوري) - عرض مشاركة واحدة

02-06-2013, 06:02 PM

najm

عضو أساسي

تاريخ التسجيل: Feb 2012

الدولة: دمشق

المشاركات: 2,622

شكراً: 11,259

تم شكره 10,419 مرة في 2,584 مشاركة

اقتباس:

المشاركة الأصلية كتبت بواسطة sana

حسب معلوماتي " المتواضعة "

بيتم معالجة التضخم عموما اما عن طريق اتباع سياسات نقدية انكماشية او سياسات مالية انكماشية ....
السياسات النقدية بتشمل " رفع سعر الفائدة .. سعر الخصم .. الاحتياطي القانوني " ....
السياسات المالية بتشمل " تخفيض الانفاق الحكومي .. زيادة الضرائب - و خاصة ع السلع الكمالية - " ....

بـ النسبة للأجور ..... المفروض يصير في رقابة ع الأجور ....
ممكن يتم رفعها و لكن ضمن حدود دقيقة و مدروسة جداا ....
بالشكل يلي بيضمن ترافق رفع الاجور ... بـ زيادة الانتاجية .....
اذا ما تحقق هاد الشي .... رح يزيد التضخم .. ما رح ينقص ...
( يعني بدل ما نكحلها ... رح نعميها ) ......

و طبعا ما بيكفي بس تزيد الانتاجية ... لازم يكون معدل زيادة الانتاجية أكبر من معدل زيادة الاجور ...

معدل التضخم بيتحدد حسب الفرق بين المعدلين

معدل التضخم = معدل زيادة الاجور - معدل زيادة الانتاجية

بـ حال كانت الانتاجية قليلة مقارنة بالاجور ....
رح نرجع لنفس المشكلة ..... " متل ما اتفضل السيد لقمان " :
كتلة كبيرة من النقود رح تطارد كمية قليلة من السلع و الخدمات ...!

هلأ بـ النسبة لمعدل التضخم بـ سوريا ....
" على ذمة المكتب المركزي للاحصاء " .....
بـ بداية سنة 2011 ... كان المعدل حوالي 4 %
بينما بـ نهاية 2012 تقريبا بـ الشهر 10 او 11 ... صار المعدل حوالي 49 % ....!!!!

بعد هيك ما عاد في نشرات او احصائيات متوفرة بـ هالخصوص " ع الاقل حسب معلوماتي "

شكرا أخت سنا كفيتي ووفيتي
وصلت الفكرة

__________________
لطف حديثك فالنفوس مريضة
ومن الكلام محنن ومجنن