عضوية مميزة
تاريخ التسجيل: Apr 2009
المشاركات: 4,860
شكراً: 67,497
تم شكره 35,134 مرة في 4,783 مشاركة
صباح الخير جميعا
مبروك للموظفين اللي انخفضت رواتبهم ، والمفروض يكونوا ممنونين !
لولا الزيادة كان الانخفاض صار أكبر ، يعني الكحل ولا العمى .
انا ما وصلني زيادة مثلهم ، يعني محروم من الكحل من أصله ، بس ما محروم من العمى ، فلا بد من بعض زيادة للموظفين ، مو إلزامي بس شي مخجل تعطي راتب ما بيقيم الأود ( شلون تطعيم العامي بالفصحى ؟ )
وضافوا علينا ضرايب سخنة ، على كل الفواتير والضرايب ، والمخفي أعظم ، شوي شوي بيتفتق معنا المقالب المضمرة .
من كل هالظلمة بضل شايف نور ساطع ، وهو انو ما بيقدر حدا يذلني ويقول ضفنالك زيادة والمفروض تقول شكرا.
بتخيل المشهد بالنسبة للموظف : متل اللي قطعوا ايدو ، ولازم يكون ممنون ولسان حاله :
ياسيدي الله يطول عمركم منيح تركتولنا الأيد التانية .
في إحدى القرى (والقصة حقيقية )
حضر المحافظ لزيارة القرية ،وعملو الواجب وهنن منتوفين ياحرام ، طفح المحافظ سم الهاري اللي حارمين ولادهم منه .وجلس متل الحلوف .
قام فصيح القرية وانبرى قائلا :
ياسيدي انت مثل البغل الكبير ، ونحنا الذبان على مؤخرتك ، وقت بتريد بتعص علينا وبتقتلنا !
طبعا البغل انبسط ، وضحك من قلبو لأنو حس انو في اجحش منو وشرق كاسة الشاي المعكرة .