اقتباس:
المشاركة الأصلية كتبت بواسطة shereen
مساء الخير اختي ياسمينة هادا القرار يمكن اكتر قرار صائب لهلىء بقللك ليش لانو مثلا ربطة الخبز السياحي بالشام ب110 بينما بلبنان حقها دولار واقل من كيلو يعني 217 مثال تاني النيدو حقو بلبنان عالسوري 2400 ليرة عبوة كيلو بينما بالشام ب1150 مثال تالت البن من عند خلدون بالمزة جبل حق الكيلو 1500 ليرة بينما بلبنان بن نجار ب3500 ليرة سوري كيلو اللبنة بشام ب350 ليرة بينما بلبنان ب 800 ليرة الاركيلة بالشام عند الركن الفرنسي بالمزة ب 250 ليرة يعني تقريبا دولار بينما ببيروت بنفس الجودة ب 12 لل 15 دولار يعني1 تقريبا 3000ليرة عالسوري وهادا الكلام من خبرة لانو انا واهللي تقريبا كل جمعة بنطلع علبنان وبتلاقي التكاسي والميكرويات معباية من الشام وبيبيعوهم ببيروت نحنا حكومتنا داعمة المازوت 400 بالمية والبنزين 35 بالمية والطحين كمان مدعوم ربطة الخبز مازالت ب15 عند الدولة فيعني خلي الدعم لهل الشعب الفقير بلاه يطلع لبرة خلينا فرحانين فيه
|
اهلا
كلامك صحيح مئة بالمئة بس وقت قريت الخبر حسيتو هيك منزلو للناس تقول ها نزلت الاسعار والبندورة كمثال بيقولو نزلت وبطلنا نصدر وبتكون مكدسة بارضها لانو ما في طرقات تجيبها لاماكن بيعها كمثال لا الحصر
فالمواطن المعتر طول عمرو معتر من وقت ما كان الدولار ب50 ليرة بس هلا تعتيرو فرق انو بدل ما يستغني عن الكماليات بلش يستغنى عن الضروريات واذا بقي هيك ريح يموتو من الجوع مو من شي تاني وما رح يفرق اي قرار