_طلال_

ليش مستغربين انه الدولار وصل لهذا الحد
من وجهة نظري انه طالما المركزي ما عم يعطي
السوق حاجته من الدولار من جهة وانه في قرار بمنع التعامل بالدولار من جهة تانية
فمن الطبيعي انه يلي معه دولار من عموم الشعب تجارة واصحاب رؤووس اموال وحتى مواطنين عاديين رح يحتفظوا
بالدولار لانه طرح اي دولار بالسوق صار صعب تعويضه وبالنتيجة وصار في مخاطرة بطلبه من اي جهة رح يزيد الطلب على الدولار
بطريقة متطردة كل ما زادت مبيعات تجار المواد الغذائية لانه اغلب المواد الغذائية مستوردة
ويلي عم يستورد مادة بيعرف قديش مكلفته بالدولار يعني اذا تكلفة المادة مثلا خمسة دولار
رح يشتري الدولار من السوق المحلية حتى لو صار بالف ليرة بعد ما يكون باع المادة للزبون بخمسة الاف وخمسمائة ويلي بدي قوله انه طالما الدولة غير قادرة على تلبية احتياج السوق من القطع الاجنبي فالمفروض انها ما تشدد الرقابة على بيع وشراء القطع الاجنبي مشان الناس يلي معها دولار تطرحه بالسوق بشكل سلس وهالشي رح يخلي السوق هادىء نوعا ما بظل هالفورة يلي عم تصير بشراء المواد الغذائية خاصة بسبب قدووم الشهر الفضيل