في هذه المشاركة اترجيت اذا في حدا من المركزي عم يقرا الردود يكون التدخل صادق و ما يوقفوه وكتبت انو يكون التدخل عمراحل من مبدأ (ساقية جارية افضل من نهر مقطوع).

وبحسب تحليل الاستاذ رامي فالارتداد اللي حكى عنوا صار بهاليومين وهاد شي كتير بيطمن وانشالله رح يستمر ارتفاع قيمة الليرة بالفترة القادمة طبعا بتدخل المركزي.

بيجوز انا كنت عم اوهم حالي بهالحكي وعم أتوقع أنو في حدا من المركزي أو خلية الأزمة عم يقرا الشي المكتوب بالمنتدى بس بكل الأحوال بيضل عندي أمل أنو في حدا عم يتابع فبناء على ذلك اذا في شخص قرا المشاركة بالمرة الاولى وهلأ عم يقرا كمان

بحب قلوا كمان هالمرة لازم تستمروا بالضخ وما توقفوا علما انو هالشي بمصلحتكن كل ما نزل اكتر في ناس عم تبيع و عم تلموا
اذا عجبكن مداخلتي حطولي شكرا واذا ما عجبكن قولولي لماذا ؟؟؟؟؟

ملاحظة على الهامش : لما بفتح المنتدى بآخر الليل وبلاقي بالصالة 400-450 مشاركة بقول ياسلام و الله أحلا سهرة اليوم ( وخاصة أنو تعلمت كتير من المنتدى) وبلش بقرأ المشاركات بلاقي أنو أكتر من نصفهن عبارة عن اعادة لمسلسل لعبة الطابة لما كنت صغير بالحارة و كل شوي في واحد بدو يبطل و باقي رفقاتوا بدن يراضوا لحتى يرجعوا وخاصة اذا كان صاحب الطابة