اقتباس:
المشاركة الأصلية كتبت بواسطة غالب
2) فترة زمنية فاصلة لمدة خمسة أيام كحد أقصى يتم خلالها الإعلان عن الأسهم التي لم يتم الاكتتاب بها من قبل المساهمين.
3) المرحلة الثانية : لاتقل عن 10 أيام ولا تزيد عن 45 يوماً تبدأ بعد انتهاء فترة الإعلان المذكورة أعلاه وذلك ليقوم المساهمون بالاكتتاب بالأسهم الفائضة في المرحلة الأولى وبحيث يتم التخصيص بالأسهم المكتتب بها كل ٌبنسبة ما يملكه من الأسهم قبل بدء عملية الاكتتاب في المرحلة الأولى.
المادة -2- يبلغ هذا القرار من يلزم لتنفيذه.
رئيس مجلس مفوَّضي
هيئة الأوراق والأسواق المالية السورية
هذا هو نص القرار كما موجود على موقع الهيئة اعتقد انه مخالف للقانون ويجب التراجع عنه ولم اتمكن من نقله الى على مرحلتين
|
واضح جدا انه القرار لازم يخضع لتعديل لسبب بسيط انه ما اشار لفوائض المرحلة الثانية
يعني بغض النظر عن كونه فيه محاباه لكبار المساهمين على حساب صغارهم
هالقرار عم يفترض انه رح تتم التغطية في المرحلة الثانية
وبحسبة بسيطة بنلاقي انه هالشي مو مؤكد
على فرض انه فوائض المرحلة الاولى ما تم تغطيتها لانه في مساهمين ما مارسو حق افضليتهم وبالتالي اكيد ما رح يمارسو هالحق يلي فوتوه على نفسهم بالمرحلة الاولى ليمارسوه بالمرحلة الثانية وبالتالي لما بدو يكتتب نفس المساهمين يلي اكتتبو بالمرحلة الاولى بنسبة تملكهم قبل المرحلة الاولى رح يضل فوائض الاكتتاب تبع المساهمين يلي ما مارسو حقهم بالمرحلة التانية
وهي من رح ياخدها؟؟؟ اكتتاب عام للجمهور؟ ما بظن انه منطقية خصوصا انه ما رح يكون عدد الاسهم كبير كفاية ليستاهل هالاجراءات
او الاكتفاء بما تم الاكتتاب عليه في المرحلتين واعتبار زيادة راس المال منتهية عند هذه المرحلة؟ كمان مو منطقية
بشكل عام بتصور القرار رح يصدرلو تعديلات او تكميلات او شو ما بدهون يسموها يسموها!! بس مو زابطة.....
__________________
لنختر ما يجمعنا لا ما يفرقنا