رد: صالة أسعار صرف الدولار وباقي العملات ليوم الاثنين 22-7-2013
اقتباس:
المشاركة الأصلية كتبت بواسطة aymtal
السلام عليكم كيفكم
منلاحظ رأي خلاصة نقاشات جرت بين مجموعة من الاقتصاديين والمهتمين في الشأن الاقتصادي السوري على صفحة (مركز تفكير الاقتصاد المجتمعي)و هو نفس الرأي يلي أشارت ألو الانسة جولييت
أنا أكيد ما بدي دافع عن حدا و لا أدخل بمجادلات مع حدا بس حابب أول رأيي بصدق لخلص ضميري بهلموضوع :
الانسة جولييت ما بظن أنها غلطت مع حدا و هي قدمت أراء متل غيرا و حتا غيرا كتبو أراء فيها مزاودات أكتر بكتير سواء لصعود السعر أو لنزولو و بشكل مخيف و كلنا منعرف الاسماء و مو حابب اذكرن مشان ما يتحسس حدا
بس لاحظت أنو جولييت تعرضت لحملة كبيرة من عدد من الاعضاء برأيي أنها غير مبررة أبداً و ظالمة و عنجد مو حلوة منكن هالتصرفات
مو معقول بهالمنتدى شخص داخل باسم بنت ( سواء كان شب أو بنت فعلاً ) نألو انت شب مو بنت و نخاطبا على انها شب عنجد مو حلوة يا أخي حط احتمال 50% انها بنت بيكون غلطت معها كتير و بهالحالة منصير كلنا منشكك بكلنا
و شي بيؤول حلبية و مو شامية و شي بيؤول مصممة أزياء يا أخي هي خصوصيات لازم نحترما و كل واحد منا هون الو خصوصياتو شي تاجر و شي مهندس و شي دكتور و شي عامل و شي محامي الخ ...و شي من حلب او الشام او حماة او حمص كمان الخ ....
بعدين هي عمتعبر عن رأيا و يا أخي اعتبر أراءها كلها غلط مية بالمية و مو صحيحية و رد عليها بمنطق و احترام و أظهر أمام الجميع خطأها و هيك بتكون بريت زمتك و الكل بيستفيد من النقاش
و بصدق بتمنا الخير للمنتدى و يضل الكل فيه أخوة و متحابين و ما يغلط حدا بحق حدا و ما حدا يزعل حدا نحنا كلنا هون لهدف واحد هو أنو نفيد و نستفيد
بتمنى كلامي هاد ما يدايق اي شخص لانو صدقاً الكل أعزاء عقلبي و أكتر من جولييت لانو ما صرنا بنعرفا اكتر من عدة أيام و بنأول لجولييت تضل بالمنتدى معنا
و دمتم بكل خير |
السلام عليكم : سؤال الى الخبراء الاقتصاديين نرجوا ان تفيدونا بدراسة لتأثير الازمات والحروب على اقتصاد الدول وتاثيره على اسعار صرف العملة وماهي التجارب الناجحة نسبيا لتلافي انهيار العملة ...مع امثلة ان امكن ؟؟ ولكم مني فائق الامتنان
سؤال على الهامش للاخت جولييت .. بيت ميالة بيئربوكي شي ... اعجبتني مشاركاتك !!