رد: صالة أسعار صرف الدولار وباقي العملات ليوم الاثنين 22-7-2013
اقتباس:
المشاركة الأصلية كتبت بواسطة مجرد إنسان
دعم قوي عند ال 180
ومركزي بدو يضارب بخسارة بيعرف انو كل اللي رح يدفعو رح يرجع ينباع بعدين بسعر خيالي
مضاربين السوق اقوى منو وخلوه يبيع ب 178 مع انن ما باعو ولا دولار باقل من 195 او 200 ...
بلش يوقع المركزي بمصيدة السوق هههههههه
كسرو السعر من 240 الى 205 وخلوه ينزل لل178 ههههه
لعيبة
والاحلى تسببوا بخسائر لشركات الصرافة النظامية معو هههههه
تدخلات المركزي بهذا الشكل هي ردة فعل غير منتظمة نتائجها كارثية على رصيده ..
بلكي بكون في كم مضارب عالميين يلعبوه على اصابعن ههههه
في قاعدة بالسوق .. مهما كان لدى المركزي سيولة فلدى السوق اكثر منه بكثييييييير
وتدخل المركزي هو ملعب المضاربين
|
كلام منطقي .....اذا بترجع لقبل ما ينط الدولار ل 350 كان السوق بهالحدود و نط النطة العجيبة لل 350 ......بظن و الله اعلم هاد كان جزء من خطة المركزي مشان لما يتدخل يادخل بسعر عالي (250) و بنفس الوقت بيكون عم يفرد عضلاتو......هلأ حسب مالي شايف انو الهدف كان 100 او 120 ....و تصريحات قدري جميل مو من الهوا بس ما كانو بدون ياه يحكي مشان هيك ميالة لغمط الموضوع.....ما علينا ....بظن المركزي كان بدو السعر ينزل شوي شوي مشان يضل يتدخل بسعر عالي و بعدين يبلش السوق يمشي حالو لحالو ...يعني من جيبة المدخرين و بيصير هو بيضخ مبالغ صغيرة كل فترة مشان يبين انو في تدخل مستمر.....هلأ بالنزلة السريعة تخربط شوي ...و يمكن يسمح بارتدادات بيجوز لل 220 او 230....مشان ترجع الناس تشتري بالغالي شوي مشان توفي مع (يطول اكتر) ...(المركزي غالبا عم يبيع بالسوق السودا كمان مو بس التدخل) .....بس خطته الأساسية لسا شغالة و هو ما بلشها هلأ غير لحتى أمن انو في سيولة تسمحلو بهالشي و خصوصا انو اغلب الناس ما عاد معها سوري لتلم دولار و غلا الأسعار رح يضغط عليهم اكتر مشان يصرفو...خصوصا فترة رمضان و العيد.....بس بالاجمال يللي ما بينبع بيخلص .....و يمكن ..عم قول يمكن ينجح المركزي بالتنزيل هالمرة و لو لل 150 بس يا ترى قديش بيثبت هاد الخوف......من جهتي ما رح بيع غير على قد حاجتي لا بدي نام بين القبور و لا شوف منامات
و بس تشتغل الركضة تبع اللم المرة الجاية رح تكون كبيرة على ما اظن ...بس ايمتا اسبوعين ؟...شهر؟...اكتر ...الله اعلم...و بيجوز يللي باع ما يصحلو يشتري
آسف على الاطالة