المشاركة الأصلية كتبت بواسطة homam انشالله مايكون مبارح او حلقة من حلقات مسلسل صعود الدولار ليسجل الرقم الي سجلو ونبدا نقول من 300 الدولار مقبول بس لازم يثبت مشان الناس تتعود

انشاء الله لا
لانه اخدنا بالجامعة انو قوة العملة بثباتها و استقرارها مو بقيمتها
و هاد الشي اطبق عملي اخر فترة
يعني لما صار دولار يرتفع بتواتر سريع و و صل لـ325 وقفت شركات البلد منهن الشركة التي اعمل بها بانتظار ما يؤول اليه الدولار
و هلا لما ادخل المركزي و نزل بتواتر عالي التجار توقفو شراء من الشركة على امل ياخدوا بسعر اقل مع استمرار انخفاضه
و ما تحرك الشغل الا لحتى ثبت كم يوم على قريب 200
بس السؤال ليش المركزي ما بيتحاشى هيك موضوع و يدخل لحظيا (لا ينتظر حتى يقفز الدولار قفزات عالية)
وهاد الحكي على الاقتصاد الداخلي و على فترة زمنية قصيرة ما بدنا نتعمق اكتر و نحكي على الاستيراد و التصدير و ثقة الخارج بهل العملة (يلي صارت شبه معدومة)

بس يلي فادنا بهل الموضوع وبخاصة بمجال عملي هو انو كتير تحولت دراستنا حول التضخم و سعر الصرف الى تطبيق عملي فكتير من اسس و نظرية النقود صرنا عايشينا و عم نطبقها

حتى صار اصحاب الشركات تطلب دراسات عن نتائج اعمالها بعد تحييد اثر التضخم و فرق سعر الصرف من هذه النتائج (وهاد الشي بيكسب خبرة كونه لم يتطرق احد لهذه المواضيع منذ الثمانينات)
هلا حتى ما نخرج عن الموضوع
بعتقد انه المركزي بيعمل منيح اذا حاول يثبت سعر الصرف قدر الامكان مو يتركو يقفز بعدين يصير بدو يربي كل مين تعامل فيه من مضاربين و مدخرين وغيرهم بانه وينزلو نزلة قوية ليرجع يطلع من اول و جديد