عضوية مميزة
تاريخ التسجيل: Apr 2009
المشاركات: 4,860
شكراً: 67,497
تم شكره 35,134 مرة في 4,783 مشاركة
رد: صالون سيريا ستوكس للعطلات من 7 إلى 11 - آب - 2013
الصحافة أو الاعلام ابتدعولوهم بمصر اسم السلطة الرابعة
شوي شوي رح تصير السلطة الأولى
من براعة الاعلام ؟
لا والله من بساطة المتابعين أو من انقطاع المتابعة فمثلا
نسمع احيانا خبرا ، أن فلان فعل كذا
ننزعج منه ونكرهه وننقطع عن المتابعة ، فلا نعلم انه قد تم تكذيب الخبر وبحجج دامغة
نبقى على الخبر الأول وكل ما شفنا المفترى عليه بنقول يقطع عمرو .
وبنضل بمصر
في ساحات الاعتصام ، وكلنا يعلم مستوى الموجودين ، يتصادف أن اربعة اشخاص اشتروا هامبرغر أو فروج مشوي ، ومن مالهم الخاص
بيطلع على الاعلام بأن جميع الموجودين مأجورين وعم يجيبولهم طعام فاخر لشراء ذمتهم ، والصورة وعلب الطعام أكثر اقناعا من بطون البقية الجائعين .
ثم ينسى البعض ، أنه بالامكان أن يتم دس واحد من الفلول ( من فين اشتقوها ؟!)
نعم واحد من الفلول بين المتظاهرين ممكن ياكل لوز وبندق كمان ويقولولنا شوفوا ، ونحنا بنشوف وبنهز راسنا !
ومرة واحد على اساس متدين سألوه شو حافظ من القرآن ؟
قال سورة طلع البدر علينا !
أحلى واحد كان تحفة ، ومن يومها عم استنى الصالون وكنت رح اكتب عنه بصفحة الدولار .
قال شو؟ ومحضر حالو للموت ومتزيين للقاء الحور العين ، يبلاه بقلع عينو هوه واللي عمل معو المقابلة . على الأقل كانو يشوفو واحد ملتحي ، بس مبين أهبل وتبرع باللقاء ببلاش وكانو مستعجلين !
واحد من أصل 90 مليون قلع عين واحد بتصير ثورة قلع العيون وبنتسحب على التسعين مليون .
وممكن يربطوها بحادثة موتورة من التاريخ يوم قطع واحد انف التاني ، وبيصيروا المعتصمين كلهم قلاعي العيون وجداعي الأنوف .
ممكن قالوا تعتيم اعلامي وقالوا تعميم الحدث ، بس حدا انتبه ان التعميم ليس من الشمول وانما من الباسنا العمامة ، وبيضلوا ينزلوها على عيونا .
بس بيضل تبع الحور العين خبطة إعلامية ما خطرت ببال ابليس نفسو ، وضاربة عشر عصافير بحجر واحد ، بهدلوا المعتصمين وسفهوا الدين ، وأطلقوا العنان للخيال والسخرية .