عضوية مميزة
تاريخ التسجيل: Apr 2009
المشاركات: 4,860
شكراً: 67,497
تم شكره 35,134 مرة في 4,783 مشاركة
رد: سعر صرف الدولار والذهب مقابل الليرة السورية اليوم الاحد 29 -12- 2013
اقتباس:
المشاركة الأصلية كتبت بواسطة mak
يا فتاح يا عليم ...يا رزاق يا كريم
اصبحنا و اصبح الملك لله
لا تآخذيني ما كنت قرأت المشاركة يللي ذكرتيها و هي للاستاذ عابر (هلأ قرأتها)..طلعت مقطش صفحة كاملة  ....بس جوابي موجود بنفس مشاركتي اذا بتقرأيها بأول سطر ...وهاد الشي كان واضح بمشاركة الأستاذ عابر لأنو ذكر الأرقام (ممكن تقولي عم بررلو...مو مشكلة...ما بظن هو بحاجة لحدا ييبررلو) .....
على كلن الأرقام يللي ذكرتلك ياها هي يللي يتم المقارنة عليها (بالنسبة الي) ...اي سعر الذهب الفعلي في السوق و سعر الدولار الفعلي في السوق و في نفس الوقت
و المعادلة بسيطة و ذكروها الشباب اكتر من مرة.....سعر الأوتصة العالمي بالدولار تقسيم 35.55 بيطلع سعر غرام الذهب عيار 21 بالدولار قسميه على سعر غرام 21 (بالسوق بالليرة) بيطلع سعر دولار الذهب
على كلن و حسب رأيي اذا ارتفع دولار الذهب هاد رح يأدي بشكل تلقائي لإرتفاع سعر الدولار بالسوق يعني اذا صار الفرق 10 او 15 حسب ما ذكرتي ...هاد الشي ما بيطول و بيلحقو سعر الدولار ...او سعر الذهب (بالسوق) بينزل
التعديل: بس ملاحظة انو مشاركة الاستاذ عابر كان فيها نقاط كتيرة ...مشان هيك ممكن كتير من يللي شكروه كانو عم يشكروه على شي تاني غير سعر الذهب  |
صباح الخير سيد ماك
لما بتدخل بالتفاصيل ، بتطلع برات الهدف ، واستخدام الفرق بين السوق السوداء وسعر الذهب ، لاحظ كيف تم توظيفه ، في ذر الرماد بالعيون ، على اساس شطارة وحسن ادارة !
مع أن السعر مو بكيفها بدها تحطو جمعية الصاغة وإلا بيتهرب الذهب ، يمكن الأرقام تافهة للي مفكر يشتري ويبيع أونصة أو اثنتين ، بس عالكمية بتطلع بلاوي ومليارات . وممكن تضبط وتخطف الصرافين ، بس شو مع سوق الذهب ؟ بتسكر سوق الذهب !
السعر اللي بتحسبو على الجرام ، قابل لإيجاد مخرج يعوض السعر ، يا بالمصنعية ، يا بالغش .
أما سعر الأونصة فلا بدو حساب ولا عزاب ، والمصنعية محددة .
المشكلة لا بالسعر ولا بالفرق الحقيقي ، سواء كان دولار واحد أو عشرة ، المشكلة باستخدام السعر لتمرير فكرة باطلة وتحويلها إلى قوة وبطولة مقصودة ، قال حماية للصياغ .
واحد عم يقلك شوف ما أفهمني ، محدد سعر الدولار برقم
ومحدد سعر الذهب على سعر دولار مختلف ، وهاد شي معيب مو مجال للتفاخر ( مهما كان الاختلاف ) .
بتصور هاد أصل الموضوع مو قصة دولار أو اثنين أكتر أو أقل .
لما بدك تناقش مغرض ، بتقلو له يا أبو سامر ، بينتفض بحركة تمثيلية ، وبيقللك أنا مو أبو سامر ! أنا أبو سمير . وبيمضي الجلسة كلها على سامر وسمير وأبو سمرة ، وبتنسى شو كنت بدك تحكي .
ملاحظة : سعر الدولار الحقيقي ، هو ما تستطيع الشراء والبيع عليه ، فأضعف الايمان نقول الدولار بـ 153 ، فلا شيء محرر حاليا سوى الذهب ، أو الدولار ذهب .
والحقيقة الدولة داعمة الذهب مو برفع دولارو ، لأ ، بتوفيرو بسعر مجبرة عليه بس رفعت كم دولار لتخفف الخسارة . متل رز البونات اللي بيعوضو فرق سعرو بثمن أكياس ، ولو ما بدك ياهن .
بس تعديل صغير لاستكمال الموضوع من كل الجهات :
في المثال عن الذهب المدعوم ومقارنته برز المؤسسة ، نسيت بس المقارنة بين الرز الحر ، والذهب الحر ، اللي ممكن نعرف من خلاله قيمة الذهب الحر ! كم ضعف يا ترى ؟
وبالتالي الدولار الفعلي بدون دعم .
هيك لا حدا سرب خبر ولا حدا عطى تصريح ، كل واحد يشوف بعيونو .
التعديل الأخير تم بواسطة عابر مجيب ; 29-12-2013 الساعة 09:50 AM