رد: سعر صرف الدولار والذهب مقابل الليرة السورية اليوم الاربعاء 22 -01- 2014
اقتباس:
المشاركة الأصلية كتبت بواسطة المسار
اخي hasobman والله دب فينا اليأ س اليوم
لحقنا بشي حلم لنتفاءل شوي الله يخليك
اغلاق بيروت
151-151.5للشراء
152.5-153للمبيع
شكرا
|
اول شي مو كل حلم بيكون تفاؤل لانو احيانا بشوف كوابيس
ومبارح كنت حلمان بحلم تفاؤل اجا اخونا احمد صحاني ونزعلي المنام
يا سيدي حلمت اليوم اني بجنيف
ومعي اوراق وطلبات ومشاريع واقوال واوراق قانونية وشوية اغاني للدبكة وووو
جهزت حالي لروح عالمؤتمر
قالولي يطعمك الحج والناس راجعة
المؤتمر ساوو بمونترو
قلتلهو شو هالحكي كل اسمو مؤتمر جنيف العما شنون هيك
المهم وبلا طول سيرة قررت اروح عالمدينة التانية الي فيها المؤتمر
ولما وصلت لهنيك
لقيت واحد سمين عم يحكي يحكي يحكي وما سكت
قلتلهو شو مطولة معو هاد
قالولي بدك تستنى ليجي دورك ها اهم واحد عنا هون
اجا واحد بعدو وبلش يحكي وبصراحة الزلمة ما طول
بس قضالياها شكرا وتشكر وثانكس بعدين قال وشكرا
وحكى شوية حكي بس حرف التاء عندي خربان لحتى اكتب توت توت توت
المهم اجا دوري قلت بسم الله
قالولي بس خلص حاجتك الي قبلك من شوي اخد دورك وحكى عنك
وفقت من النوم وانا مكسور الخاطر
فقلت يا الله لبكرة منشوف منام جديد
بس خايف بكرة يعملو مؤتمر ويسموه مؤتمر بكين
ويروحو يساوو ب بون
والله مشوار طويل ساعتا ما رح الحق اصلا المؤتمر بحالو