iass

صباح الخير شباب، مبروك ليلي كان عندو قراءة صحيحة وباع قبل ما نفوت بكل هالمعمعة
اليوم كنت عم فكر، فوت بالزيادة ولا لأ؟
لانو كل اسهمي يلي معي حرام بيعها
في شي حابب قولو، أنو حتى لو مرت عاصفة قطر بسلام، أسعار الأسهم لن ترجع كما كانت من قبل، يعني ما عاد نشوف بالفترة المقبلة أرباح كبيرة وقيم كبيرة للأسهم، لأنو في سيولة كبيرة رح تنسحب، وهي السيولة هي مو بس حجم أسهم، هي وسيط عم يرفع أسعار الأسهم من خلال دورانو بالسوق.
أنا وصلت لنتيجة كتير مهمة، سوق الأوراق المالية عنا فاشل طالما يتحكم به مجموعة من الأشخاص، وأكبر دليل على هالشي هو بنك قطر.
لازم يكون في بنية قانونية شبيهة بالبنية الأميركية يلي ممكن أنو تحاكم أي شخص ممكن يكون عم يتلاعب بأسعار السوق، أو عم يسبب أي خلل فيه