الأسهم السورية ( المضارب السوري) - عرض مشاركة واحدة - المتابعة اللحظية لجلسة تداول الأثنين 20-12-2010

20-12-2010, 09:42 AM

#132

BROKER

المشرف العام Rami alattar

تاريخ التسجيل: Jan 2009

الدولة: دمشق

المشاركات: 21,408

شكراً: 25,586

تم شكره 37,110 مرة في 9,197 مشاركة

اقتباس:

المشاركة الأصلية كتبت بواسطة غالب

خبر خاص - موجه الى الاستاذ رامي العطار (بروكر)

البرغل التركي يدخل أسواقنا بأسعار أقل من تكلفة الإنتاج المحلي غرف الصناعة تطالب الاقتصاد: 50% كحد أدنى للاستيفاء الجمركي على البرغل المستورد مدير معمل: نتكبد خسائر من جراء إيقاف التصدير والسوق المحلية لا تستوعب كل هذه الكمية القراءات: 96
تعد منطقة الجزيرة خزان سورية لإنتاج القمح وبالتالي تعد كأكبر منتج للبرغل في سورية، وهي أول منطقة في سورية أنتج فيها البرغل بطريقة حديثة، إلا أن الظروف المناخية التي مرت على المنطقة خلال السنوات الماضية من سيطرة الجفاف أدت إلى تضاؤل المساحات المزروعة بمادة القمح، وهذا الأمر نتج عنه بشكل طبيعي انخفاض إنتاجية مادة البرغل، كما أن عوامل خارج عن إطار الظروف الجوية شكلت بعض المعوقات أمام مصنعي مادة البرغل المحلي، فخلال العام الحالي تقدمت غرفة تجارة وصناعة الحسكة بشكوى مستعجلة الى وزارة المالية تطلب فيها بمعالجة موضوع تقدير الحد الأدنى للاستيفاء الجمركي على مادة البرغل المستورد من 20 بالمئة إلى 50 بالمئة من سعر الحد الأدنى ، أسوة بمادة المعكرونة التي عناصر تكلفتها تساوي عناصر تكلفة البرغل....النص الكامل

خبرية حلوة ... شكرا استاذ غالب

بس حتى نخبر الاخوة بالمتابعة شو القصة انو الخبر خاص ..... حتى ما يفكرو عندي معمل برغل

- القصة انو كنا برحلة الى السويداء ودخلنا بضيعة نسيت شو اسمها فيها آثار ... و شفنا "دكان" اشترينا ماء لنشرب من عندو وكان صاحب الدكان لطيف وحباب ومضياف وكريم ... عندو طبعاً برغل ... فسألو أحد الشباب المتزوجين ، هاد برغل شغلكون ؟؟ فكان الرد المفاجئ ( لا شغل تركيا ) طبعا انا هون ما استحملني عقلي .... انه لدينا كل هذه المساحات من الاراضي ، والقمح السوري من اجود انواع القمح في العالم ... و الفلاح يشتري البرغل التركي !!!!!!!!!

وكان رد صاحب الدكان .... أن اهل البلد أصبحوا كاهل المدينة كسالى لا يشترون الا جاهز

كانت صدمة كبيرة ..... حتى البرغل ؟؟؟
يعني ... كمبيوترات .. وسيارات وصناعات ثقيلة .... عم نقنع حالنا انو علينا تعتيم علمي

بس حتى الشي اللي منعرف نساويه ..... تركناه

ويل لامة تأكل مما لا تزرع ....

- والحمد لله كانت البشرى وقت طلعنا عالجبل ، وشفنا مشهد خيالي ...لانو الجبل كان مليئ باشجار التفاح ويمكن 80% من الانتاج للتصدير

وعلى الطريق برادات للتخزين .... وكمان قطفنا تفاحتين من شجرة ... اذا صاحبها موجود يسامحنا

واليوم اطمنت من الاستاذ غالب انو الجبل صار عليه ثلج ... حتى يطلع التفاح لانه يتطلب برودة كبيرة ...

والله يديم النعم ..... وننهض بامتنا