المشاركة الأصلية كتبت بواسطة Salam

سلامي للجميع...انا قبل شوي اجيت وقريت كل صفحات الموضوع
شكرا لكل اللي سأل عني

بالنسبة للاجتماع فأنا طلعت الساعة 11 مشان موعدي المزعج...كان الاكشن لسا شغال وقتها...

وكان واضح انو البنك كان قاتل حاله على قصة الاسهم المنحة....ومو بس هيك...اول ناس انعطوا الميكروفونات كان شكلهن مندسين لصالح البنك..هههههه
وطبعا انا حاولت حط ثقلي بالموضوع بس على فافوش اكيد....احلى شي لما اول واحد حكى مع التوزيع النقدي رحت صفقت وراه صفقة صغيرة فراحوا المعارضين امثالي كلهن عملوا متلي...بعدين صارت موضة وكل واحد يصفق للي يحكي من صفه....

بالنسبة للكاتو والبتفور وخلافه فأنا هلق لعرفت بوجود هيك شي اساسا ....

طبعا التسجيل للدخول كان كتير سخيف وغير منظم..... وانا فعلا تفاجأت بالاجتماع وعدد الناس ...في منهن فعلا مساكين وجايين مو عرفانين شي من شي...

والشي اللي ماعم افهمه هو ليش اخدوا اصواتنا على الاوراق وحطيناها بالصندوق وبعدين دغري قرروا بلا مايشوفوا الاوراق!! يعني ضيعوا حبر وورق على الفاضي كانوا يخبرونا انو مالنا علاقة!!

وفي شغلة لفتت نظري وانا صوتت عليها ب لا...وهي اعطاء 1,75 بالمية من الارباح مكافئات مدري لمين وقال اجرة قاعة!!!!!!!!!!!!!!!!!!!!!!!!!!! كأنو الموظفين عم يشتغلوا ببلاش لحتى نوزع عليهن ارباحنا وكأننا طلبنا من البنك يروح يتسأجر اغلى قاعات البلد.....بس طبعا ماحدا سائل عن رأينا .....

بالنسبة لنسبة التخصيص للمرحلة التانية فقال المدير العام 30 او 33%...

وبالنسبة لنسبة ال 11% قال هي قبل حسابات زيادة رأس المال وبعده يمكن بتصير 8% ..أو انا هيك فهمت على الاقل....
وشكرا لكل الاشخاص الموجودين معنا واللي ماشفت نصهن مابعرف ليش....