shereen

مساء الخير انا بظن انو طرح العملة الجديدة بهيك ظروف وهيك شروط مستحيل يصير يعني اتخيلو مثلا امريكا طبعت دولار جديد وقالت للصين تصبحي على خير الدولار اللي عندك بالخزينة العامة انقعيه وشربي ميتو متل مابدو يعمل المركزي انو الليرة اللي برة كبوها فكيف لح حدا يثق باقتصادنا ناهيك انو هالشغلة ممكن تعمل عداء قوية مع الدول المجاورة يعني على المستوى الفردي اتخيلو رحتو لعند صايغ اشتريتو اونصة وبعد سنة طلع هالصايغ نصاب وطلعت الاونصة حديد بدل دهب ورجعت لعندو قللك والله مظبوط حكيك هديك السنة عملناهم حديد اشتري هللق اذا بدك عملناهم دهب يعني قصة كلها غلط بغلط بدنا نعاقب دول الخليج طيب هنن المليارات القديمة اللي عندهم بالسوري هنن مو اخدوهم ليساعدو اقتصادنا واخدوهم لانو اخدو شي مقابلهم يعني هالخطوة بالضبط متل التاميم وقت صارت الدولة تامم مرحبا عندك معمل دهان اي الق مبروك هاد صار قللنا روح فتاح غيرو ولالالا وعطيني ياه لح نعملو للدولة انا بظن انهيار سريع فوري لليرة السورية اذا هالاشاعة مظبوطة

shady

اولا: اشكر على التطمينات فيما اتى سابقا لكن
ثانيا: هذا الاخبار غير مؤكدة من مسؤول في تصريح رسمي لذلك هي حتى الان مجرد اشاعة او بما انو منقولة من جريدة فهي حكي جرايد
ثالثا: اذا كانت احدى الدول قامت في وقت سابق بعمليات استبدال ليرتنا السورية بدولار او ريال او ذهب وسحب هذه الكتلة الى خارج البلاد فهو يدعم عملتنا بهذه الطريقة _ الا في حال نيته ان يضخ هذه الاموال باي سعر كان بذلك يكون قد عمل على ضرب الليرة السورية _ فبذلك يكون استبدال العملة عبارة عن وجبة غداء لنا قبل ان يتعشوا فينا
رابعا: وقد تكون تلك الكتلة المالية المذكورة هي سحبت بالفعل من البنوك وكدست في اماكن يجدها المواطنون امنة اكثر من البنوك مع التنويه ان موجودات البنوك انخفضت بشكل ملحوظ في العام 2011 وهذا مؤشر يمكن ان يكون صاحب القرار المالي اجازه وبعملية التبديل هذه يكون قد اطمأن ان الليرة السورية في امان (حسب الفقرة الثالثة)
وشكرا لهذا المنتدى الاكثر من رائع

__________________
الله لا يسمح أبداً أن يفقد الناس الرجاء ، فإن كانت الأبواب الأرضية كلها مغلقة، فهناك دائماً باباً مفتوحاً في السماء

El Dmashqi

لو افترضنا أن هذا الخبر صحيح ..
فإن الصرافين في الدول المجاورة ( لبنان - الأردن ) وباقي الدول العربية والعالم .. سيمتنعو عن بيع الدولار للمواطنين والتجار السوريين . فهم ليسو بحاجة إلى عملة ستفقد قيمتها والمركزي السوري لن يعترف بها .. وهذا يعني بالمستقبل أن الصرافين لن يبيعوك الدولار أيضاً بالعملة الجديدة ، كون المعارضيين سيقولون أنها مزورة . : D
أو الدولة السورية ممكن أن تطبع عملة آخرى بعد فترة ولا تعترف بما طبعته من قبل على الطريقة العراقية التي قام بها صدام حسين بعد عام 1991
وأنا أستبعد أن المركزي والحكومة السورية ستفعل هذا الأمر .. وأن هذا الأمر مجرد إشاعات .. والله أعلم .. ( بس كل شي بهالبلد بيصير )
وإن لله وإن إليه راجعون

shereen

مساء الخير اخي نضال حبيت هالجملة اللي كاتبها يفترض من السلطة النقدية الظهور و الإدلاء بتصريحات مقنعة و شفافة إما بتأكيد هذه الإشاعات أو تكذيبها للحفاظ على ما بقي لها من مصداقية السلطة النقدية سلطة انتقامية لح يعملو متل وقت تركو الدولار ليصير ب100 وبعدين اتدخلو واتضحكو على الناس وبهالعملة المزعومة لح يعملو اسوء شيء ممكن يخطر بالبال ممكن يقولولك انو والله شفنا هالعملة الجديدة لازم تساوي 30 ليرة وفي ناس دراويش وهبلان بينزلو وبيكبو بدولاراتهم وممكن فعلا تصير 30 وخود على تخبطت او شو رايك

فهد

مهلة التبديل لا يمكن أن تقل عن ثلاثة اشهر ما لم تكن هناك ضرورة في استعجالالسحب فيجوز تقصير هذه المهلة على إلا تقل عن سبعة أيام

فهد

يجري سحب فئة أو اكثر من فئات الأوراق النقدية أو تبديلها بمرسوم بناء على توصية مجلس النقد والتسليف واقتراح وزير الاقتصاد والتجارة الخارجية.‏
يحدد هذا المرسوم مهلة التبديل التي لا يمكن أن تقل عن ثلاثة اشهر ما لم تكن هناك ضرورة في استعجال السحب فيجوز تقصير هذه المهلة على إلا تقل عن سبعة أيام.‏
يذاع مرسوم السحب على الجمهور بجميع وسائل النشر الملائمة

Salam L

كل ماقريت هالخبر بحسوا اسخف من انو يتصدق... يعني هو بمستوى اخبار الخيال العلمي وقت بيجي رجل فضائي بيخطف حدا وهو راكب على طبق طائر!!!

بس برجع بتتذكر انو ذكاء الفريق الاقتصادي يضاهي ذكاء زينغو ورينغو مجتمعين! فتخيل... يرعاك الله..

__________________

نضال العلي

اقتباس:

المشاركة الأصلية كتبت بواسطة shereen مساء الخير اخي نضال حبيت هالجملة اللي كاتبها يفترض من السلطة النقدية الظهور و الإدلاء بتصريحات مقنعة و شفافة إما بتأكيد هذه الإشاعات أو تكذيبها للحفاظ على ما بقي لها من مصداقية السلطة النقدية سلطة انتقامية لح يعملو متل وقت تركو الدولار ليصير ب100 وبعدين اتدخلو واتضحكو على الناس وبهالعملة المزعومة لح يعملو اسوء شيء ممكن يخطر بالبال ممكن يقولولك انو والله شفنا هالعملة الجديدة لازم تساوي 30 ليرة وفي ناس دراويش وهبلان بينزلو وبيكبو بدولاراتهم وممكن فعلا تصير 30 وخود على تخبطت او شو رايك

على فكرة الصورة الرمزية حلوة كتير. يمكن انت أحلى.

بالعودة لموضوعنا، المنطق يقول أن هذه مجرد إشاعات و لا يمكن تطبيقها إلا في حال اليأس التام و عندما تصح العبارة المأثورة التي تقول ( علي و على أعدائي ).

__________________

عابر مجيب

صباح الخير
لا تستخفي بسياسة الاشاعات ، فأنت تطرحي الاشاعة ، تتلقي ردود فعل ! تتلقي انتقاد، تتلقي أفكار .
تنظري أيهم عنده مشاركات أكثر . تراسلي رفقاتك و......
تعتمدي على رأي مخالف تماما وتخططي السياسة الاقتصادية على أمل أن سوريا الله حاميها . ضعي بعض القطرات على ورقة عباد الشمس ، ماذا تلاحظين ؟
فنظر إليه شذرا وقال : إنك وغد زنيم ، ثم انطلق إلى الحانة وطلب كأسا من الجعة وصاح أين أنت يا ماكس ؟

alhamwi4invest

__________________

AkRaM Al7aMwi